अरबौँ मानिसले आफू ख्रिष्टियन भएको दाबी गर्छन्‌। तर तिनीहरू सबैको विश्‍वास भने एउटै छैन र एउटै स्तरअनुसार जीवन बिताउँदैनन्‌। त्यसोभए हामी साँचो ख्रिष्टियनहरूलाई कसरी चिन्‍न सक्छौँ?

१. ख्रिष्टियन कसलाई भनिन्छ?

येसु ख्रिष्टको चेला अर्थात्‌ अनुयायीलाई ख्रिष्टियन भनिन्छ। (प्रेषित ११:२६ पढ्‌नुहोस्‌।) ख्रिष्टियनहरूले आफू येसुका चेलाहरू भएको कसरी प्रमाणित गर्छन्‌? येसुले भन्‍नुभयो: “तिमीहरू मेरो वचनमा रह्‍यौ भने तिमीहरू साँच्चै मेरा चेलाहरू हौ।” (युहन्‍ना ८:३१) यसको मतलब साँचो ख्रिष्टियनहरूले येसुले सिकाउनुभएअनुसार जीवन बिताउनुपर्छ। येसुका शिक्षाहरूको आधार धर्मशास्त्र भएझैँ साँचो ख्रिष्टियनहरूको विश्‍वासको आधार पनि धर्मशास्त्र अर्थात्‌ बाइबल हो।—लुका २४:२७ पढ्‌नुहोस्‌।

२. साँचो ख्रिष्टियनहरूले कसरी प्रेम गरेको देखाउँछन्‌?

येसुले आफ्ना चेलाहरूलाई भन्‍नुभयो: “जसरी मैले तिमीहरूलाई प्रेम गरेको छु, तिमीहरू पनि आपसमा प्रेम गर।” (युहन्‍ना १५:१२) येसुले आफ्ना चेलाहरूलाई प्रेम गरेको कसरी देखाउनुभयो? उहाँले तिनीहरूसित समय बिताउनुभयो, तिनीहरूलाई प्रोत्साहन दिनुभयो र मदत गर्नुभयो। उहाँले तिनीहरूका निम्ति आफ्नो ज्यानसमेत अर्पण गर्नुभयो। (१ युहन्‍ना ३:१६) त्यसरी नै साँचो ख्रिष्टियनहरू प्रेमबारे कुरा मात्र गर्दैनन्‌ बरु आफ्नो बोली र व्यवहारद्वारा एकअर्कालाई प्रेम गरेको देखाउँछन्‌।

३. साँचो ख्रिष्टियनहरू कुन काममा व्यस्त छन्‌?

येसुले आफ्ना चेलाहरूलाई एउटा काम दिनुभयो। “उहाँले तिनीहरूलाई परमेश्‍वरको राज्यको प्रचार गर्न . . . पठाउनुभयो।” (लुका ९:२) सुरुसुरुका ख्रिष्टियनहरूले आफ्नो उपासनास्थलमा मात्र नभई सार्वजनिक स्थानहरूमा र मानिसहरूको घरघरमा गएर सुसमाचार सुनाए। (प्रेषित ५:४२ र १७:१७ पढ्‌नुहोस्‌।) त्यसरी नै आज साँचो ख्रिष्टियनहरू पनि मानिसहरू जहाँ-जहाँ भेटिन्छन्‌, त्यहाँ-त्यहाँ बाइबल सत्य सुनाउँछन्‌। तिनीहरू आफ्ना छिमेकीहरूलाई प्रेम गर्छन्‌। त्यसैले तिनीहरू बाइबलमा पाइने आशा र सान्त्वनाको सन्देश सुनाउन खुसीसाथ आफ्नो समय र शक्‍ति खर्च गर्छन्‌।—मर्कुस १२:३१.

 अझ खोतल्नुहोस्‌

४. तिनीहरू बाइबल सत्यको खोजी गर्छन्‌

५. तिनीहरू बाइबल सत्य सुनाउँछन्‌

 ६. तिनीहरू जे सिकाउँछन्‌, त्यो आफ्नो जीवनमा लागू गर्छन्‌

थोमस आफूले साँचो ख्रिष्टियन धर्म भेट्टाएको कुरामा कसरी विश्‍वस्त हुन सके? भिडियो हेर्नुहोस्‌ अनि तल दिइएका प्रश्‍नहरू छलफल गर्नुहोस्‌:

• भिडियोमा देखाइएअनुसार थोमसलाई धर्ममा विश्‍वास लाग्न छोड्‌नुको कारण के थियो?

• आफूले सत्य भेट्टाएको कुरामा तिनी किन विश्‍वस्त छन्‌?

‘भनेर होइन गरेर देखाउनुपर्छ।’ मत्ति ७:२१ पढ्‌नुहोस्‌ अनि यो प्रश्‍न छलफल गर्नुहोस्‌:

• येसु कुन कुरालाई महत्त्वपूर्ण ठान्‍नुहुन्छ—विश्‍वास गर्छु भनेर मुखले मात्र भन्‍नुलाई कि आफ्नो विश्‍वास कामद्वारा देखाउनुलाई?

७. तिनीहरू एकअर्कालाई प्रेम गर्छन्‌

• येसुका चेलाहरूले (साँचो ख्रिष्टियनहरू) अर्को जाति वा राष्ट्रका मानिसहरूसित कस्तो व्यवहार गर्छन्‌?

• तिनीहरू युद्धको बेलामा पनि कसरी त्यसो गर्छन्‌?

 सारांश

साँचो ख्रिष्टियनहरू बाइबलको शिक्षाअनुसार जीवन बिताउँछन्‌, आत्मत्यागी प्रेम देखाउँछन्‌ र बाइबल सत्य सुनाउँछन्‌।

तपाईँले के सिक्नुभयो?

• साँचो ख्रिष्टियनहरूको विश्‍वासको आधार के हो?

• कुन गुणले साँचो ख्रिष्टियनहरूको चिनारी दिन्छ?

• साँचो ख्रिष्टियनहरू कुन काममा व्यस्त छन्‌?