OSHILESHWA 18
Nkene to vulu okundhindhilika mo Aakriste yashili
Aantu omabiliyona ohaya ti kutya yo Aakriste. Ihe inaya itaala iinima ya faathana nomithikampango dhawo inadhi faathana. Ngele osho shi li ngawo, ongiini tatu vulu okundhindhilika mo Aakriste yashili?
1. Aakriste yashili oyeni?
Aakriste oyo aalongwa nenge aalanduli yaJesus Kristus. (Lesha Iilonga 11:26.) Ohaya ulike ngiini kutya yo aalongwa yaJesus? Jesus okwa ti: “Ngele tamu vulika koohapu dhandje, nena kapu na omalimbililo, one aalongwa yandje.” (Johannes 8:31) Shika osha hala okutya Aakriste yashili oye na okuvulika komalongo gaJesus. Ngaashi owala Jesus a li a longo aantu shoka shi li mOmbiimbeli, Aakriste yashili nayo osho haya ningi. — Lesha Lukas 24:27.
2. Aakriste yashili ohaya ulike ngiini ohole?
Jesus okwa lombwele aalanduli ye a ti: “Holathaneni, ngaashi naanaa ngame ndi mu hole.” (Johannes 15:12) Jesus okwa li u ulike ngiini kutya oku hole aalongwa ye? Okwa li ha kala nayo ethimbo, he ya tsu omukumo noku ya kwathela. Okwa li nokuli a si pehala lyawo. (1 Johannes 3:16) Sha faathana, Aakriste yashili ihaya popi owala ohole mokana, ihe ohaye yi ulike wo miilonga kutya oye holathane.
3. Aakriste yashili oyi ipyakidhila niilonga yini?
Jesus okwa pa aalongwa ye iilonga. ‘Okwe ya tuma ye ku uvithe Oshilongo shaKalunga.’ (Lukas 9:2) Aakriste yopetameko kaya li owala haya uvithile momahala gelongelokalunga, ihe oya li wo haya uvithile momahala gaayehe nomomagumbo gaantu. (Lesha Iilonga 5:42; 17:17.) Aakriste yashili kunena nayo ohaya uvithile aantu oshili yOmbiimbeli kehe mpoka taye ya adha. Oye hole aantu ooyakwawo, onkee ohaya longitha ethimbo lyawo noonkondo dhawo nehalo ewanawa, ya uvithile yalwe etumwalaka lyOmbiimbeli ndyoka tali gandja etegameno nehekeleko. — Markus 12:31.
ILONGA OSHINDJI
Tala nkene to vulu okundhindhilika mo Aakriste yashili mokati kaantu mboka haya ti ohaya landula omalongo gaJesus nosho wo oshiholelwa she.
4. Ohaya kongo oshili yOmbiimbeli
Aakriste yopetameko oya li ya lenga Oohapu dhaKalunga
Haantu ayehe mboka hayi i ti kutya Aakriste, ya lenga oshili yOmbiimbeli. Dhana OKAVIDIO, e tamu kundathana epulo tali landula.
-
Oongeleka ndhoka hadhi i ti odhopaKriste odha ndopa ngiini okulonga shoka Jesus a li a longo aantu?
Jesus okwa li a longo aantu oshili okuza mOohapu dhaKalunga. Lesha Johannes 18:37, e tamu kundathana epulo tali landula:
-
Jesus okwa ti kutya Aakriste mboka ‘haya kala moshili’ otatu ya ndhindhilike mo ngiini?
5. Ohaya uvitha oshili yOmbiimbeli
Aakriste yopetameko oya li haya uvithile yalwe
Manga Jesus inaa ya megulu, okwa li a pe aalongwa ye oshilonga shoka tashi tsikile sigo okunena. Lesha Mateus 28:19, 20 nosho wo Iilonga 1:8, e tamu kundathana epulo tali landula:
-
Iilonga yokuuvitha otayi longwa sigo uunake, nosigo openi?
6. Ohaya tula miilonga shoka haya uvitha
Oshike sha tompo omulumentu gwedhina Tom, kutya okwa mona elongelokalunga lyashili? Dhana OKAVIDIO, e tamu kundathana omapulo taga landula.
-
Mokavidio, oshike sha ningitha Tom kaa kale we e na ohokwe momalongelokalunga?
-
Oshike she mu tompo kutya okwa mona oshili?
Shoka omuntu ta ningi osho sha simana unene shi vulithe shoka ta popi. Lesha Mateus 7:21, e tamu kundathana epulo tali landula:
-
Oshike sha simana unene kuJesus, ooshoka hatu popi kutya otwi itaala nenge ooshono hashi hololwa kiilonga yetu?
7. Oye holathane
Aakriste yopetameko oya li ye holathane
Mbela Aakriste yashili ohaya tula shili oomwenyo dhawo moshiponga omolwAakriste ooyakwawo? Dhana OKAVIDIO, e to yamukula omapulo taga landula.
-
Mokavidio, oshike shi inyengitha omumwatate Lloyd i igandje oye a dhipagwe pehala lyomumwatate Johansson?
-
Sho to tala omumwatate Lloyd okwa katuka ngaa ngaashi Omukriste gwashili?
Lesha Johannes 13:34, 35, e tamu kundathana omapulo taga landula:
-
Aalongwa yaJesus (ano Aakriste yashili) oya li yu ungaunga ngiini naantu yomomihoko dhilwe nenge yomiigwana yilwe?
-
Ngele opwa holoka iita, ohole ohayi inyengitha Aakriste ya ninge po shike?
AANTU YAMWE OHAYA TI: “Kapu na elongelokalunga lyashili, oshoka Aakriste oyo naanaa haya ningi iinima iinyanyalithi?”
-
Enyolo lini to ka longitha, opo wu ya ulukile nkene taya vulu okundhindhilika mo Aakriste yashili?
OWI ILONGO SHIKE?
Aakriste yashili ohaya vulika kwaashoka shi li mOmbiimbeli, ohayi iyamba tayi inyengithwa kohole, nohaya uvitha oshili yOmbiimbeli.
Omapulo geendululo
-
Iinima mbyoka Aakriste yashili yi itaala oya kankamena koshike?
-
Uukwatya wuni hawu ndhindhilikitha mo Aakriste yashili?
-
Aakriste yashili ohaya longo iilonga yini?
UUYELELE WA GWEDHWA PO
Ilonga kombinga yongundu yaantu mboka haya kambadhala okulandula oshiholelwa shaJesus Kristus nomalongo ge.
Tala shoka shi inyengitha omukiintu gumwe ngoka a li omwiikaleli gwaKatoolika, a mone “uukwanegumbo washili wopaKriste.”
“Ohaya longitha Ombiimbeli ya yamukule epulo kehe!” (Oshungolangelo, 1 Apilili 2014)
Tala nkene Aakriste yashili haya ulukile ooitaali ooyakwawo mboka ya pumbwa ekwatho, ohole.
Ohatu kwathele aamwatate uuna ya adhika kiiponga — Oshitopolwa shokavidio (3:57)
Konakona wu mone nkene Aakriste yopetameko nosho wo Aakriste yashili kunena haya ningi iinima mbyoka Jesus a ti oyo tayi ka ndhindhilikitha mo aalanduli ye.
“Oshike hashi ndhindhilikitha mo Aakriste yashili?” (Oshungolangelo, 1 Maalitsa 2012)
Opu na ishewe uuyelele mbuka
OMAPULO NGOKA HAGA PULWA OLUNDJI KOMBINGA YOONZAPO DHAJEHOVA
Ekonakonombiimbeli ndyoka hali ningwa kOonzapo dhaJehova oshike?
Oto vulu okulongitha Ombiimbeli kehe mootundi dhopaMbiimbeli dhoshali, ndhoka hadhi ningwa kOonzapo dhaJehova. Oto vulu okuhiya aantu yaandjeni nenge ookuume koye.
