LECCIÓN 18
Kén wel tikmati te̱ religión kichi̱wa yej Dios kineki
Komati personas kijtowaj iga kitokaj Cristo, pero ayá̱ nochimej kipiáj ino̱nsan creencias niga ayá̱ nemij ken Dios kineki. Inó̱n iga, ¿te̱ religión kichi̱wa yej Dios kineki?
1. ¿Kén maya̱kan yej melá̱ kitokaj Cristo?
Los cristianos yawij yej kitokaj Jesucristo (xiktajto̱lti Hechos 11:26). ¿Kén kine̱xtiáj iga melá̱ kitokaj Jesucristo? Jesús kijtoj: «Siga amejamej anmoconfia̱rotoskej pan notájto̱l anmochi̱waskej annomelaʼdisci̱polomej» (Juan 8:31). Iní̱n kijto̱jneki iga yej melaʼnokta yawij cristianos makichi̱wakan yej Jesús kine̱xtij. Jesús nochipa kine̱xtij yej kijtowa la Biblia, wan yej kimelaʼtokaj ijko̱nsan no̱ kichi̱waj (xiktajto̱lti Lucas 24:27).
2. ¿Kén kine̱xtiáj iga monekij yej melaʼnokta kitokaj Cristo?
Jesús kijlij idiscipulojmej: «Ximosennekikan ken nej nimitznekij» (Juan 15:12, TNM). ¿Kén kine̱xtij Jesús iga kinekiá idiscipulojmej? Kipano̱ltij tiempo wan yejeme̱n, ki-anima̱roj wan kipale̱wij, wan hasta mik iga yejeme̱n (1 Juan 3:16). Ijko̱nsan ken Jesús, yej melá̱ kitokaj Cristo aya̱san kijtowaj iga kinekij seuʼmej; sino kine̱xtiáj wan nochi yej kichi̱waj.
3. ¿Te̱ makichi̱wakan yej melá̱ kitokaj Cristo?
Jesús kijtoj te̱ makichi̱wakan idiscipulojmej, «lwan kititankej iga matajto̱kan de Irreinoj Dios» (Lucas 9:2). Yej achto cristianojmej aya̱san kine̱xtiayaj de Irreinoj Dios ka̱nsan monechkowa̱yaj, yajkij no̱ ka̱n onoyaj komati gente wan pan icha̱mej de la gente (xiktajto̱lti Hechos 5:42; 17:17). A̱man no̱ yej kimelaʼtokaj Cristo tajtowaj de yej kine̱xtiá la Biblia no̱ya̱n la̱j ka̱n onoʼ gente. Iga kinekij seuʼmej personas, yo̱lpa̱kij iga kinentiáj itiempoj wan ienergías iga matajto̱kan de yej Dios yawi kichi̱wati (Marcos 12:31).
MATIMOMACHTI̱KAN MA̱J DE INÍ̱N TEMA
Matikitakan té íga yej melá̱ kitokaj Cristo ayéj ken seuʼmej personas yej ayá̱ kichi̱waj niga tamachtiáj ken Cristo kichij.
4. Kite̱mowaj yej melaʼnokta kine̱xtiá la Biblia
Yej achto cristianojmej pux kiye̱ʼitayaj Itajto̱l Dios.
Ayá̱ nochimej yej kijtowaj iga kitokaj Cristo kitaj iga la Biblia wel te̱pale̱wiá. Xikitakan el VIDEO wan xitajto̱kan de iní̱n:
-
Sekin Iglesias yej kijtowaj iga kitokaj Cristo akinekiáj iga la gente maki̱xmati yej Jesús kine̱xtia̱ya, ¿kén kichi̱wakej?
Jesús kine̱xtij yej melá̱ kijtowa Itajto̱l Dios. Xiktajto̱ltikan Juan 18:37 wan xitajto̱kan de iní̱n:
-
Ken kijtoj Jesús, ¿kén wel tikmatij a̱ʼ yéj yawij los cristianos yej kijtowaj «yej melaʼcie̱rtoj»?
5. Kine̱xtiáj yej melá̱ kijtowa la Biblia
Yej achto cristianojmej tajto̱lmoya̱wayaj.
Achto iga Jesús mayawi al cielo, kiti̱tan idiscipulojmej iga makichi̱wakan se̱ tekipano̱l yej hasta a̱man nemi mochi̱wa. Xiktajto̱ltikan Mateo 28:19, 20 wan Hechos 1:8, wan xitajto̱kan de iní̱n:
-
¿Hasta ke̱man wan hasta ka̱n mone̱xtia̱ya yej kijtowa Itajto̱l Dios?
6. Kichi̱waj ken kine̱xtiá Itajto̱l Dios
¿Té íga kimatiá se̱ ta̱gaʼ yej ito̱ka̱ Tom iga kasiyaʼ yej melá̱ kitokaj Cristo? Xikitakan el VIDEO wan xitajto̱kan de iní̱n:
-
Ken kine̱xtiá el video, ¿té íga Tom modecepciona̱roj de la religión?
-
¿Té íga Tom kimatiá iga kasiʼ la verdad?
Tikchi̱waj yej tikijtowaj. Xiktajto̱ltikan Mateo 7:21 wan xitajto̱kan de iní̱n:
-
¿Te̱ yej ma̱j kiye̱ʼita Jesús: yej tikijtowaj iga ticre̱rowaj, o yej tikne̱xtiáj iga yej tikchi̱waj?
7. Nochimej monekij
Yej achto cristianojmej monekiáj nochimej.
¿Kimakaya ivida se̱ cristiano iga iyikni̱wan espirituales? Xikitakan el VIDEO wan xitajto̱kan de iní̱n:
-
¿Té íga tokni̱n Lloyd kinekiá mamiki iga tokni̱n Johansson?
-
¿Tikijtowa̱ya iga kichij ken yej melá̱ kitokaj Cristo?
Xiktajto̱ltikan Juan 13:34, 35 wan xitajto̱kan de iní̱n:
-
Yej melá̱ kitokaj Cristo, ¿Kén makitakan la gente de seuʼmej raza o seuʼ nación?
-
Wan, ¿kén kine̱xtia̱yaj kua̱ manentoʼ guerra?
YEJ SEKIN KIJTOWAJ: «Los cristianos kichijkej komati tejté̱ yej aye̱kti. ¿Kén yaskej la religión verdadera?».
-
¿Te̱ texto tiktajto̱ltia̱ya iga xikne̱xti a’ yej yawij yej melaʼnokta kitokaj Cristo?
TE̱ TIMOMACHTIJ
Yej melá̱ kitokaj Cristo kichi̱waj yej kine̱xtiá la Biblia, kinekij makichi̱wakan sacrificios iga kinekij seuʼmej wan kine̱xtiáj yej melá̱ kijtowa la Biblia.
Matikejla̱mikikan te̱ timomachtijkej
-
¿Ka̱n kiki̱xtiáj yej kicre̱rowaj yej melá̱ kitokaj Cristo?
-
¿Té cualidad kine̱xtiáj yej melá̱ kitokaj Cristo?
-
¿Te̱ tekipano̱l kichi̱waj?
XIKMATI MA̱J
Xiki̱xmati se̱ grupo yej motekitiliáj iga kichi̱waj ken Jesús kine̱xtij.
Xiktajto̱lti ken se̱ siwa̱ yej mochijka monja kasiʼ «se̱ familia espiritual».
«Contestaron todas mis preguntas con la Biblia» (La Atalaya, 1 de abril de 2014)
Xikita ken yej melá̱ kitokaj Cristo kine̱xtiliáj iyikni̱wan iga kinekij kua̱ kipano̱ltiáj tejté̱ yej aye̱kti.
Nikpale̱wiáj nokni̱wan kua̱ panowa se̱ desastre (tajkol) (3:57)
Jesús kine̱xtij ken ya̱yaj yej melaʼ idiscipulojmej. Xikita iga yej achto cristianojmej kichijkej ken Jesús kine̱xtij wan ijko̱nsan no̱ kichi̱waj yej a̱man kimelaʼtokaj Cristo.
«¿Qué identifica a los cristianos verdaderos?» (La Atalaya, 1 de marzo de 2012)
