So miliaran niha sangumaʼö wa yaʼira andrö niha Keriso. Hizaʼi faböʼö-böʼö waʼaboto ba dödö niʼokhögöra ba lö lagoʼö wanuturu lala si fagölö. Na simanö hewisa lalada ba wamaehusi niha Keriso sindruhu?

1. Haniha nifotöi niha Keriso?

Niha Keriso yaʼia daʼö niha nifahaʼö mazui soloʼö khö Yesu Keriso. (Baso Halöwö Zinenge 11:26.) Hadia dandra sangoromaʼö wa sindruhu-ndruhu soloʼö khö Yesu zi samösa niha? Imane Yesu, ”Na lö tebulö mitöngöni wehedegu, sindruhu-ndruhu wa nifahaʼögu ami.” (Yohane 8:31) Eluahania, niha Keriso sindruhu yaʼia daʼö niha samalua famahaʼö Yesu. Börö me teʼodane-dane wamahaʼö Yesu ba Zura Niʼamoniʼö, andrö wa fefu nifaduhusi tödö niha Keriso sindruhu lö tola löʼö teʼodane-dane ba Zura Niʼamoniʼö.—Baso Luka 24:27.

2. Hewisa niha Keriso sindruhu ba wangoromaʼöra faʼomasi?

Iʼamenesi ndra nifahaʼönia Yesu imane, ”Miʼomasiʼö nawömi simane fangomasiʼögu yaʼami.” (Yohane 15:12) Hewisa wangoromaʼö Yesu faʼomasi khö ndra nifahaʼönia? Ibeʼe ginötönia fariawö khöra, ifarou dödöra ba itolo ira. Mendrua manö saʼae me itehegö nosonia salahira. (1 Yohane 3:16) Simane Yesu, niha Keriso sindruhu tenga ha lafahaʼö niha sanandrösa ba waʼomasi, hizaʼi laforomaʼö wa laʼomasiʼö nawöra ba wehede hegöi ba nifaluara.

3. Hadia halöwö nifalua niha Keriso sindruhu?

Ibeʼe halöwö khö ndra nifahaʼönia Yesu. ”Ifatenge ira ba wanuriaigö Famatörö Lowalangi.” (Luka 9:2) Ba götö siföföna, lafalua halöwö fanuriaigö ba nahia waʼowulo, ba nahia sato niha hegöi ba nomo-omo misa. (Baso Halöwö Zinenge 5:42; 17:17.) Ba götöda andre, niha Keriso sindruhu laturiaigö zindruhu moroi ba Zura Niʼamoniʼö gofu hezo manö. Laʼomasiʼö sibai nawöra, andrö wa laʼogunaʼö ginötö hegöi faʼabölöra ba wanuriaigö turia somuso dödö moroi ba Zura Niʼamoniʼö, si möi fondrara dödö ba niha, ba si tobali fanötöna.—Mareko 12:31.

 ODÖDÖGÖ NASA WANGALUI

4. Laforege wangalui sindruhu ba Zura Niʼamoniʼö

5. Laturiaigö zindruhu moroi ba Daromali Lowalangi

 6. Lafalua hadia zi no lafahaʼö yaʼira

Hadia zameʼe faʼafaduhu dödö khö Tom wa no isöndra agama sindruhu? Futa VIDEO, ba beʼe wanema li ba wanofu-nofu daʼa:

• Ba video andrö mege, hadia mbörö wa lö faduhu dödö Tom ba agama?

• Hadia mbörö wa faduhu dödönia wa no isöndra zindruhu?

Na so niha sangumaʼö soloʼö khö Yesu ia, moguna iforomaʼö daʼö moroi ba mbua-buania. Baso Mataiʼo 7:21, ba beʼe wanema li ba wanofu daʼa:

• Moloʼö Yesu, hana wa lö ibönö na ha asala tafaduhuʼö wa soloʼö khönia ita?

7. Faoma laʼomasiʼö nawöra

• Hewisa ndra nifahaʼö Yesu (niha Keriso sindruhu) ba woʼameʼegö tödö niha moroi ba ngawalö soi hegöi ba ngawalö mado?

• Hewisa wangoromaʼöra daʼö ba ginötö alua wasuwöta?

 RAHU-RAHU WAMAHAʼÖ

Niha Keriso sindruhu, laʼoʼö wamahaʼö moroi ba Zura Niʼamoniʼö, laʼomasiʼö nawöra, latehegö waʼaurira salahi ndra talifusöra ba laturiaigö zindruhu moroi ba Zura Niʼamoniʼö.

Hadia Wamahaʼö si Tola Öhalö?

• Hadia dane-dane waʼafaduhu dödö niha Keriso sindruhu?

• Hadia dandra niha Keriso sindruhu?

• Hadia halöwö nifalua niha Keriso sindruhu?