CHILAYIJO 18

Tingabaziba Chini MaKristo Echokomende

LIJA

Banhu banji banozuti maKristo. Koga abatodimbwa zunu zunofanana akale malalamilo nokuzubhata kwabo kulosiyana. Nokudalo tingabaziba chini tingabamaKristo echokomende?

1. Ini chinowi unKristo?

MaKristo balayijwa kana kuti batobeli baJesu Kristo. (Balani Mishingo 11:26.) Banotondeja chini kuti batobeli baJesu? Iye wakati: “Kana mugala muwhi lyangu, mulibalayijwa bangu bechokomende.” (Johani 8:31) Yozu zunoleba kuti maKristo echokomende anokwelela kuwhilila zwakalayijwa naJesu. Banolayija zumoBhayibhili sozwakabeta Jesu.—Balani Luka 24:27.

2. MaKristo echokomende anotondeja chini ludo?

Jesu wakabuja batobeli babe kuti: “Mudanane sozwandakamuda imi.” (Johani 15:12) Jesu wakatondeja chini kuti unoda batobeli babe? Wakabezupa nshaji nabo, ebakutayija akale ebabhancha. Wakabebada zokuti wakabafila. (1 Johani 3:16) Nokudalo maKristo echokomende atopelela pokulebeleka nondomo chete kuti banodanana. Banozuta namawhi akale nozuto.

3. Ndiwupi nshingo unotiwa namaKristo echokomende?

Jesu wakapa batobeli babe unshingo wokuta. “Wakabatuma kunobhawunula Bushe bwaMwali.” (Luka 9:2) MaKristo okutanga ajakabepupulila mujindawo jabo jokunamata chete koga bakabenda mujindawo jinowanikwa banhu akale nomujingumba jabo. (Balani Mishingo 5:42; 17:17.) Mazhubano maKristo echokomende anopupula ichokomende pose panowanika banhu. Banoda babakijani babo nokudalo banoshingisa isimba nonshaji wabo kuti bepupule mawhi anonyalaja akale anopa chibimbo chimomuBhayibhili.—Maliko 12:31.

FUNDA ZUNJI

Bona unsiyano upo pakati pamaKristo echokomende nabanhu basinotobeleja zwakabetiwa nozwakabelayijwa naJesu.

4. Banoshaka ichokomende imomuBhayibhili

MaKristo okutanga akabekoshesa Iwhi lyaMwali, bakabepupula indebo imbuya kunabamwe akale bedanana

Atobeli bose banozuti maKristo banokoshesa ichokomende. Yebani iVIDIYO, akale kwejisani nombuzo unotobela.

IVIDIYO: Indlela Amasonto Aqalisa Ngayo Ukufundisa Amanga (5:11)

Machechi anozuti maKristo bakakonelwa chini kulayija zwakabelayijwa naJesu?

Jesu wakalayija ichokomende imomuBhayibhili. Balani Johani 18:37, akale kwejisani nombuzo yoyu:

Jesu wakati tingabaziba chini maKristo “akokulutibi lwechokomende”?

5. Banopupula ichokomende imomuBhayibhili

MaKristo okutanga bakabepupula indebo imbuya kunabamwe

Esanu abwilila kudenga Jesu wakapa batobeli babe unshingo uchinotiwa nanasi. Balani Mateu 28:19, 20 naMishingo 1:8, akale kwejisani nombuzo yoyu:

Unshingo wokupupula uchatiwa kuswika lini?

6. Banoshingisa zwabanolayija

Ini zwakabhancha unhulume unowi Tom kuti ebone kuti wakabawana ichokomende? Yebani iVIDIYO, akale kwejisani nemibhuzo nemibhuzo inotobela.

IVIDIYO: Ngakhalala Ukukhonza (5:20)

Muvidiyo wabona na kuti ini zwakatisa kuti Tom eside zokunamata?
Ini zwakatisa kuti Tom evume kuti wakabawana ichokomende?

Zuto zunesimba kupinda kulebeleka nondomo. Balani Mateu 7:21, akale kwejisani nombuzo yoyu:

Ndizupi zulokosha kuna Jesu zwatinolebeleka kana kuti zwatinota?

7. Banodanana

MaKristo okutanga bedanana

MaKristo echokomende bangabiga bupenyu bwabo mungozi na kuti befile babanonamata nabo? Yebani iVIDIYO, akale kwejisani nemibhuzo inotobela.

IVIDIYO: Wayezimisele Ukufela Umfowabo (2:55)

Ini zwakatisa kuti Lloyd ebige bupenyu bubwe mungozi kuti efile mwanakwayina uwe Johansson?
Ubweni sokuti zwaakata zunotondeja kuti unKristo wechokomende na?

Balani Johani 13:34, 35, akale kwejisani nemibhuzo yeyi:

Batobeli baKristo kana kuti maKristo echokomende banokwelela kubhata chini banhu bolumwe luji kana kuti bokunemwe inyika?
Bangatondeja chini kuti banodanana munshaji wehondo?

BAMWE BANOTI: “Pana zunu zunji zubi zwakatiwa namaKristo nokudalo bangazuti kunamata kwabo ngukwechokomende chini?”