LÉZIʼI 18
Ngouô pégé gʉo lékô ta nzsé Mékléeté pé nénʉ?
Pʉa ta nkouʼ mémiléyaa gôôn ngié po ée Mékréeté. Taʼ, po té pou ngouʼté Ssé taʼ nti wô, mbing nké té pouté ngwiée taʼ tsuié wô. Ta ngouo pégé gʉo lékô ta nzsé Mékréeté pé nénʉ?
1. Mé gôôn taʼ Kréeté ngôôn wô?
Mékréeté ée mégaŋa kwo Yéeso (toŋo Mégang ntoum 11:26). Po gniè lékô ngié po ée mégaŋa kwo Yéeso? Yéeso la gôôn ngié: «Pi lôôn nkouʼté chouŋo yôôn, mba pi gé wô kouaʼ ngaŋa kwo yôôn» (Jang 8:31). Ayèe lôgô ngôôn ngié Mékréeté pé nénʉ tʉôgô kwo na ménziʼi Yéeso. Ndʉng ndʉng paʼ ménziʼi Yéeso lôôn nkuièe tsaa Ŋwaʼné Ssé la, choum sié Mékréeté pé nénʉ gwiée lé zuing kuiaa tsaa Biible (Toŋo Loukasé 24:27).
2. Mékréeté pé nénʉ gnia nkouŋé lékô?
Yéeso la gôôn mbwo mégaŋa kwo pé ngié: «Pi kouŋé pi né pi, paʼ méng n ka kouŋo wui la» (Jang 15:12). Yéeso la gniè lékô ngié a koung mégaŋa kwo pé? Paa po lôôn nzôgô, a kuingté wôb mbiŋé nkuiété wôb. A la naa two yé nti wôb (1 Jang 3:16). Ndésém pouʼou, Mékréeté pé nénʉ té lôg po ndaʼ ntchwo ngniè nkouŋo wô. Pégé giè nkouŋé yié po gwiée tsétsaa pôb ntchʉaté na choum sié po gôôn mboo méngʉoo no môb.
3. Aa yèe faʼ yié Mékréeté pé nénʉ gouôgô?
Yéeso la naa faʼ mbwo mégaŋa kwo pé. «A la toumo wôb ngié po gʉa choung paʼ no Léfouô Ssé aa pouʼou» (Loukasé 9:2). Mévôg mvfo Mékréeté lôôn téen chouŋo no Ssé po ndaʼ tsèe ménda gouʼté wô, po lôôn ngiŋé chouŋo no Ssé na méjʉʼ mié pʉa laa wo mboo méntchwo nda méntchwo nda (toŋo Mégang ntoum 5:42; 17:17). Ta mboo lièʼôôn, Mékréeté pé nénʉ choung méno nénʉ mié ée tsèe Biible jʉʼ ntsém. Paʼ po koung pʉa la, po gwiée lékag lé yousé tam wôb po métʉ môb lé lôg ntsui nkʉ Biible wuié é naa suiété, mbing nkuiété lé néŋé nzuiʼté métam mboŋo (Malékousé 12:31).
YING NKUIʼI NZIʼI
Gia paʼ ngouô pégé ling Mékréeté pé nénʉ laa pié é té yiŋé na ménziʼi Yéeso wô, nké té yiŋé na fʉʼ yé wô.
4. Po faʼa no nénʉ yié a kuièe tsèe Biible
Mékréeté pé nénʉ giè Ŋwaʼné Ssé paʼ mmo tʉnzuing
Mékréeté ntsém zoo té pou ngiè tʉnzuing na méziʼi Biible wô. Tsôʼô VIDÉO, mbing ngôôn no na yôôn nzèté.
-
Métchʉoosé pié é lôôn ngôôn ngié po ée Mékréeté la gʉo lékô ta ntaté pʉa lé zsé ménziʼi Yéeso?
Yéeso lôôn nziʼi pʉa no nénʉ yié a lôôn kuièe tsaa Chouŋo Ssé. Toŋo Jang 18:37, mbing chouŋé na yôôn nzèté:
-
Njʉʼʉ na méchouŋé Yéeso, ngouô pégé ling Mékréeté pié ée na «gouoong yé no nénʉ» lékô?
5. Po choung méno nénʉ mié ée tsaa Biible
Mékréeté pé nénʉ po chouŋo no Ssé mbwo pétsô
Yéeso la wo kouôʼ né tʉoo lépwo, nnaa faʼ mbwo mégaŋa kwo pé, , ayié pô gnié lièʼôôn ngouôgô gouôôg. Toŋo Matio 28:19, 20 po Mégang ntoum 1:8, mbing chouŋé na yôôn nzaté:
-
Faʼ lé tsui nkʉ Ssé lôôn gé gʉa ta kouou nzôô?
6. Po tʉôgô kwo a mmo yié po ziʼi mbwo pʉa
Akô la tsoté tsôô mambaŋa wuié lézing sé ée lé Tom lé zuing té mʉʼté ngié a giaa Mékréeté pé nénʉ? Tsôʼô VIDÉO, mbing chouŋé na ménzèté.
-
Paʼ vidéo gnièe, akô la tsoté Tom lé waʼa tchʉôôsé?
-
Nti kô a la ping nzuing té mʉʼté ngié a giaa no nénʉ?
Tsuié yégé gwiée tʉnzuing ntchʉa méchouŋo mégé. Toŋo Matio 7:21, mbing chouŋé na yôôn nzèté:
-
Mmo yié aa tʉnzuing mbwo Kristo aa wégé lé saʼ ngié pégée Mékréeté kée, ka po lé lôg méngʉoo no mégé ngnia?
7. Po gwiée nkouŋé tsétsèe pôb
Mékréeté pé nénʉ mbing ngwiée nkouŋé tsétsaa pab
Ta Mékréeté laa faʼa lé naa two yôb nti méfè pôb? Tsôʼô VIDÉO, mbing chouŋé na ménzèté.
-
No kô Lloyd la thié lé naa two yé nti fa wé wé mambaŋa Johansson?
-
Ta o kouang ngié a la gʉo paʼ ta Kréetè wé nénʉ?
Toŋo Jang 13:34, 35, mbing chouŋé na môôn ménzèté:
-
Mégaŋa kwo Yéeso (Mékréeté pé nénʉ) lié pʉa pié é gwiée ngoub nnè ndièʼè ka foo po tsaa laʼ ndièʼè lékô?
-
A gʉa na métam ntchou po lié pèe pʉa lékô?
TSO PɄA GÔÔN NGIÉ: «Pagʉa tchʉôôsé waa fʉʼ méno mié é bad tèʼ; a tchʉaté lékô ta po gôôn ngié po ée Mékréeté pé nénʉ?»
-
Ngouo o yousé wèe nkang ŋwaʼné lé lôg ngniè paʼ ngouô pégé ling Mékréeté pé nénʉ pouʼou?
TA O ZIʼII KÔ?
Mékréeté pé nénʉ tʉôgô kwo na ménziʼi mié ée tsaa Biible, po gwiée nkouŋé tsétsèe pôb mbing choung méno nénʉ mié ée tsèe Biible.
Ta o né nkimté?
-
Choum sié Mékréeté pé nénʉ zuing tsuiéʼé na kô?
-
Akô kuiété lé ling Mékréeté pé nénʉ?
-
Aa yèe faʼ yié Mékréeté pé nénʉ gouôgô?
KUIʼI FAʼ
Tsô nouô pʉa pié é la saʼ tʉ lé yiŋé na fʉʼ Yéeso mboo na ménziʼi mé.
Tsôô manzuiée wuié a la thié two mvfo tsaa tsoo tchʉôôsé la gʉo lékô ta ngia mmo yié a toŋo lé «tsiŋé nda yé nénʉ na chʉo wé zuigé»?
Fʉʼ yié tébé no kuièe, Mékréeté pé nénʉ gniè nkouŋé mbwo méfa pôb lékô?
Yéeso la gniè paʼ mé lôôn gé ling mégaŋa kwo pé. Gia choum sié é gniè ngié mévôg mvfo Mékréeté lôôn ngiŋé pouʼou, mboo Mékréeté pé nénʉ pé lièʼôôn.
« À quoi se reconnaît le christianisme authentique ? » (La Tour de Garde, 1er mars 2012)
