ISIFUNDO 18
Singawabona Njani AmaKrestu Weqiniso?
Abantu abanengi bathi bamaKrestu. Nanyana kunjalo, abakholelwa entweni efanako begodu abaphili ngeenkambiso ezifanako. Nje-ke singawabona njani amaKrestu weqiniso?
1. UmKrestu mumuntu onjani?
AmaKrestu bafundi namkha balandeli bakaJesu Krestu. (Funda izEnzo 11:26.) Atjengisa njani ukuthi abafundi bakaJesu? UJesu wathi: “Nanihlala nilalela ilizwi lami, kwamambala nibafundi bami.” (Jwanisi 8:31) Lokhu kutjho ukuthi amaKrestu weqiniso kufuze alalele iimfundiso zakaJesu. Njengombana uJesu athembela emiTlolweni bona asekele iimfundiso zakhe, namaKrestu weqiniso asekela akukholelwako eBhayibhelini.—Funda uLukasi 24:27.
2. AmaKrestu weqiniso aba nethando njani?
UJesu watjela abalandeli bakhe wathi: ‘Thandanani njengombana nami nginithandile.’ (Jwanisi 15:12) UJesu wenzeni ukuthanda abafundi bakhe? Bekenza isikhathi sokuba nabo, abakhuthaze bekabasize. Wanikela ngitjho nangokuphila kwakhe ngebanga labo. (1 Jwanisi 3:16) Ngendlela efanako, amaKrestu weqiniso enza okungaphezu kokukhuluma ngethando. Abonakala ngamezwi nangezenzo ukuthi ayathandana.
3. AmaKrestu weqiniso amajadu ngamuphi umsebenzi?
UJesu wanikela abafundi bakhe umsebenzi. “Wabathuma bona bayokutjhumayela ngomBuso kaZimu.” (Lukasi 9:2) AmaKrestu wokuthoma bekatjhumayela koke la afumana khona abantu, ngitjho nemzinabo. (Funda izEnzo 5:42; 17:17.) Ngokufanako, amaKrestu weqiniso namhlanjesi atjhumayela iqiniso leBhayibheli nanyana kukuphi lapho kunabantu khona. Athanda abanye abantu, yeke athabela ukusebenzisa isikhathi sawo namandlawo bona abatjele umlayezo weBhayibheli wethemba nenduduzo.—Markosi 12:31.
FUNDA NGOKUNGENELELEKO
Cabanga ngokuthi khuyini ehlukanisa amaKrestu weqiniso ebantwini abangalandeli iimfundiso zakaJesu nesibonelo sakhe.
4. Bafuna iqiniso leBhayibheli
AmaKrestu wokuthoma bekathatha iliZwi lakaZimu njengeliqakathekileko
Akusibo boke abathi bamaKrestu abathathaiBhayibheli njengeliqakathekileko. Dlala IVIDIYO, bese nicoca ngombuzo olandelako.
-
Labo abazibiza ngokuthi maKrestu babhalelwe kufundisani ngoJesu?
UJesu wafundisa iqiniso eliseliZwini lakaZimu.Funda uJwanisi 18:37, bese nicoca ngombuzo lo:
-
UJesu wathi singawabona njani amaKrestu ‘asehlangothini leqiniso’?
5. Afundisa iqiniso leBhayibheli
AmaKrestu wokuthoma bekatjhumayeza abanye
Ngaphambi kobana uJesu akhuphukele ezulwini, wanikela abalandeli bakhe umsebenzi osaragela phambili nanamhlanjesi. Funda uMatewu 28:19, 20 nezEnzo 1:8, besenicoca ngombuzo lo:
-
Kuzokutjhunyayelwa kufikela kuphi?
6. Benza lokhoabakutjhumayelako
Khuyini eyaqinisekisa u-Tom ukuthi ufumene ikolo yeqiniso? Dlala IVIDIYO, bese nicoca ngemibuzo elandelako.
-
Evidiyweni, khuyini eyenza u-Tom wangasafuni ikolo?
-
Khuyini emenza aqiniseke ukuthi ufumene iqiniso?
Izenzo zikhuluma khudlwana kunamezwi. Funda uMatewu 7:21, bese nicoca ngombuzo lo:
-
Yini eqakathekileko kuJesu—ngilokho esithi siyakukholelwa namkha ngilokho esikutjengisa ngezenzo zethu?
7. Ayathandana
AmaKrestu wokuthoma bekathandana
Khekwenzeka na bona amaKrestu afake ukuphila kwawo engozini ngebanga lomunye umKrestu? Dlala IVIDIYO, bese nicoca ngemibuzo elandelako.
-
Evidiyweni le, khuyini eyenze uLloyd wafaka ukuphila kwakhe engozini ngebanga lomFowethu uJohansson?
-
Kghani wenze njengomKrestu weqiniso?
Funda uJwanisi 13:34, 35, bese nicoca ngemibuzo elandelako:
-
Abafundi bakaJesu (amaKrestu weqiniso) bayiphatha njani eminyeimihlobo namkha iintjhaba?
-
Azokwenza njani lokhu ngesikhathi sepi?
ABANYE ABANTU BATHI: “AmaKrestu enze izinto ezimbi khulu—angaba njani yikolo yeqiniso?”
-
Ngimuphi umtlolo ongawufunda otjengisa bona singawabona njani amaKrestu weqiniso?
ISIRHUNYEZO
AmaKrestu weqiniso alandela iimfundiso zeBhayibheli, athanda ngokusuka ehliziyweni begodu atjhumayela iqiniso leBhayibheli.
Buyekeza
-
AmaKrestu weqiniso akusekela kuphi lokho akukholelwako?
-
Khuyini esenza sibone amaKrestu weqiniso?
-
Ngimuphi umsebenzi owenziwa maKrestu weqiniso?
HLOLA OKUNGENZASI
Funda okungeziweko ngesiqhema sabantu abenza okusemandlenabo bona balandeleisibonelo sakaJesu Krestuneemfundiso zakhe.
Qala bona khuyini esize omunye obekangusista bona afumane “umndeni othanda uZimu.”
“Basebenzisa IBhayibheli Ukuphendula Yoke Imibuzo!” (IsiThala, Apreli 1, 2014)
Funda ngendlela amaKrestu weqiniso anethando ngayo kilabo alotjha nabo abatlhoga isizo.
Okhunye Ongakuthabela
OKUBUZWAKO
Siyini Isifundo SeBhayibheli?
Fumana iimpendulo zemibuzo emalungana nehlelo lethu lesifundo seBhayibheli.
