ELONGESO 18
Ovakilisitau Votyotyili Vaimbukilwa Kutyi?
Mouye, ovanthu ovanyingi vapopia okuti ovanthu va Huku. Mahi tyiti vala ou ulongesiwa etyi, ou ulongesiwa etyi. Opo, okutyi matuimbukila Ovakilisitau votyotyili?
1. Omukilisitau omunthu patyi?
Ondaka Omukilisitau ipopia omunthu ulandula Sesusi Kilisitu. (Tanga Ovilinga 11:26.) Sesusi wapopile onondaka ombu mbokuati: “Inkha mutualako okukala mondaka yange, opo tyotyili muvalongwa vange.” (Suau 8:31) Onondaka ombo mbahanda okupopia okuti Omukilisitau wotyotyili, oyou ulinga atyiho Sesusi alongesile. Atyiho Sesusi ankho alongesa utyipola Mondaka ya Huku. Novakilisitau votyotyili otyo valinga. Atyiho valongesa vetyipola Mondaka ya Huku Ombimbiliya. — Tanga Luka 24:27.
2. Oityi tutila okuti Ovakilisitau votyotyili vehole vakuavo?
Sesusi wapopilile ovalanduli vae ati: ‘Humbei vakwenyi ngetyi ame ndyimuhole.’ (Suau 15:12) Okuti Sesusi wetyipopile vala komulungu okuti uhole ovalongwa vae? Au. Ankho ukala navo vahipulule, ankho uvekuatesako. Na tyina vamasoyo, uvepameka. Atee umwe, wankhile ayovole ovalongwa vae. (1 Suau 3:16) Ovakilisitau votyotyili hono, navo valinga umwe nga Sesusi. Kavapopi vala okuti velihole. Muene ovipuka vapopia novipuka valinga vityilekesa umwe nawa.
3. Ovakilisitau votyotyili valinga otyilinga patyi?
Sesusi waavelele ovalanduli vae otyilinga. Ombimbiliya yapopia okuti “evetumu opo [vakalongese ovanthu] Ouhamba wa Huku.” (Luka 9:2) Ovakilisitau vo tete ankho kavalongesila vala Ondaka ya Huku apa ankho veliongiyila, mahi tupu ankho venda umwe momaumbo ovanthu. Tupu venda apa ankho vei okuti mavavasi-po ovanthu ovanyingi vapondola okulongesa. (Tanga Ovilinga 5:42; 17:17.) Novakilisitau votyotyili otyo valinga ngotyo. Vaovola ovanthu apa muene vavasiwa, na apa vakala, opo vevelongese Ombimbiliya. Mahi oityi valingila ononkhono ombo ambuho? Omokonda vehole ovanthu. Vahanda vanoñgonoke ovipuka Huku apopia meketulingila komutwe wandyila. — Maluku 12:31.
KUHANDE OKUNOÑGONOKA VALI?
Monoñgonoka ovipuka vimwe Ovakilisitau votyotyili valinga, viahalingwa novanthu veliti ovanthu va Huku, mahi otyo vahalingi etyi Sesusi alongesile.
4. Vaovola umwe nawa vanoñgonoke etyi muene-muene Ombimbiliya ilongesa
Ovakilisitau vo tete ankho vaendela muetyi Ondaka ya Huku ipopia, valongesa vakuavo Ondaka ya Huku, vehole vakuavo
Ovanthu vamwe veliti ovanthu va Huku, mahi soka kavetavela etyi Ombimbiliya ilongesa. Talei OVIDIU, amutomphola epulo eli.
-
Oityi ovikapela vimwe ankho vilongesa tyilipona netyi Sesusi alongesile?
Sesusi ankho ulongesa vala etyi tyili Mondaka ya Huku. Tangei Suau 18:37, amutomphola epulo eli:
-
Wamona etyi Sesusi apopia matyiimbukisa ovanthu vokuahula kotyili?
5. Valongesa vakuavo Ombimbiliya
Ovakilisitau vo tete valongesa vakuavo Ondaka ya Huku
Puetyi Sesusi eheneende keulo, watumine ovalongwa vae valinge otyilinga tyimwe otyinene. Na hono otyilinga otyo tyitualako. Tangei Mateusi 28:19, 20 nomukanda Ovilinga 1:8, amutomphola epulo eli:
-
Sesusi watile Ondaka ya Huku ina okulongesiwa atee-pi?
6. Etyi valongesa vakuavo navo otyo valinga
Omukulu umwe utiwa o Tom wavasile ovanthu vamwe, ati: ‘Ava Ovakilisitau votyotyili.’ Oityi amona kovanthu ovo? Talei OVIDIU, amutomphola omapulo aa:
-
Ngetyi watala movidiu, oityi tyaponesilwe Tom, nokunoñgonoka Huku ehesuku vali natyo?
-
Pahe oityi tyemukuatesako etyimono umwe okuti wavasa Ovakilisitau votyotyili?
Ovanthu vatala vali unene ku etyi tulinga tyipona etyi tupopia. Tangei Mateusi 7:21, amutomphola epulo eli:
-
Oityi Sesusi esuka vali natyo, ovievi tulinga ine ovievi tupopia?
7. Ovakilisitau votyotyili velihole
Ovakilisitau vo tete vehole vakuavo
Okuti ñgaa tyili ovanthu va Huku veliyumbahi umwe vakuateseko vakuavo? Talei OVIDIU, amutomphola omapulo aa:
-
Movidiu tuamona, omokonda yatyi Lloyd eliyumbilahi opo akuateseko Johansson?
-
Ku ove, otyipuka otyo Lloyd alinga, walinga nawa? Tyina usoka ñgaa, okuti Ovakilisitau votyotyili otyo umwe vena okulinga ngotyo?
Tangei Suau 13:34, 35, amutomphola omapulo aa:
-
Sesusi watile ovalanduli vae mavatekula ñgeni vakuavo vovilongo ovikwavo?
-
Otyipuka otyo Sesusi apopia, oñgeni Ovakilisitau votyotyili vaendela-mo tyina motyilongo tyavo muli nokuluwa?
OVANTHU VAMWE VATI: “Ovipuka Ovakilisitau valinga-linga, weheye umwe apa omphopila okuti kuna Ovakilisitau votyotyili!”
-
Omunthu ngoo, ñgeno wemutangela otesitu patyi aimbuke Ovakilisitau votyotyili?
ETYI WELILONGESA
Wanoñgonoka okuti Ovakilisitau votyotyili vaendela vala muetyi Ombimbiliya ipopia, vehole vakuavo, valongesa vakuavo Ombimbiliya.
Okupitulula
-
Ovipuka Ovakilisitau votyotyili valongesa, vevipola-pi?
-
Otyipuka patyi Sesusi apopile okuti otyo matyiimbukisa Ovakilisitau votyotyili?
-
Otyilinga patyi Ovakilisitau valinga?
KUHANDE OKUOVOLA VALI?
Movidiu ei, momono okuti pena ovanthu vamwe vekahi nokulinga ngetyi Sesusi alongesile.
Tala oñgeni omukai umwe ankho welipaka unene mongeleya, etyivila okuvasa ongeleya imwe ina ovanthu vemuhole.
“Nombimbiliya Vakumbulula Omapulo Aeho!” (Omutala Womulavi 1 ya Abril yo 2014)
Noñgonoka etyi Ovakilisitau votyotyili valinga tyina vakuavo vamonekelwa novihuna.
Oñgeni Tukuatesako Vakuetu Tyina Vamonekelwa Novihuna? — Otyinthimbu
Tyilinge Ovakilisitau vo tete, tyilinge Ovakilisitau votyotyili hono, valinga umwe etyi Sesusi apopile okuti otyo ankho matyiimbukisa ovalanduli vae. Oityi?
“Oepi Omanyingilikilo Ovakristau Votyotyili?” (Omutala Womulavi 1 ya Abril yo 2012)
