PFUNZIRO 18
Kodi Tingawazindikire Tani Akristau Wacadidi?
Wanthu azinji ambabziti ni Akristau. Tsono iwo ambauza lini anzawo bzomwe ambakhulupira, ndipo ambabziphatisa lini basa. Kodi tingawazindikire tani Akristau wacadidi?
1.Kodi Akristau ni mbani?
Akristau ni anyakupfunza ayai ateweri wa Jezu Kristu. (Werengani Mabasa 11:26.) Kodi iwo ambalatiza tani kuti ni anyakupfunza wa Jezu? Jezuyo adati: “Mukapitiriza kubvera fala langu, ndimwedi anyakupfunza wangu.” (Juwau 8:31) Bzimwebzi bzin’funa kulewa kuti Akristau wacadidi an’funika kubvera bzomwe Jezu ambapfunzisa. Jezu nthawe zentse akhapfunzisa bzomwe Bibliya limbalewa ndipo wentse omwe mbateweri wace ambaphatisambo basa Bibliya. — Werengani Luka 24:27.
2.Kodi Akristau wacadidi ambalatiza tani lufoyi?
Jezu adauza ateweri wace kuti: “Mumbafunane ninga momwe inepano ndidakufunirani.” (Juwau 15:12) Kodi Jezu adalatiza tani kuti akhafuna anyakupfunza wace? Iye akhakhala na nthawe yakuceza nawo, akhawalimbikisa na kuwathandiza. Ndipo mpaka iye adapereka moyo wace thangwe ra anyakupfunza wacewo. (1 Juwau 3:16) Ninga Jezu, Akristau wacadidi ambandolewa lini na mulomo kuti ana lufoyi. Iwo ambalatiza kuti ambafunana m’mafala na m’bzicito.
3.Kodi Akristau wacadidi ambacita basa liponi?
Jezu adapasa basa anyakupfunza wace. “Iye adawatuma kuti akapalizire bza Umambo bwa Mulungu.” (Luka 9:2) Akristau wakuyambirira alibe kupalizira kokha m’mbuto zawo zakunamatira, koma iwo adapalizirambo m’mbuto zakugumanika wanthu azinji na nyumba na nyumba. (Werengani Mabasa 5:42; 17:17.) Akristau wacadidi ntsiku zino ambapalizirambo kuli-kwentse komwe ambagumana wanthu. Iwo ambafuna wanthu winango, ndipopa mwakukondwa ambaphatisa basa nthawe yawo na mphanvu zawo kupalizira mafala ya m’Bibliya yomwe yambapasa cidikhiro na mtsangalazo. — Marko 12:31.
FUFUDZANI BZINANGO
Onani kusiyana komwe kulipo pakati pa Akristau wacadidi na wanthu omwe ambatewezera lini ciratizo ca Jezu na bzomwe iye ambapfunzisa.
4. Iwo ambafufudza cadidi ca m’Bibliya
Akristau wakuyambirira akhalemekeza Fala la Mulungu
Ni wentse lini omwe ambabziti ni Akristau wacadidi omwe ambabvesesa cadidi ca m’Bibliya na kuciphatisa basa. Onani VIDIYO, ndipo mukamala cezeranani mbvunzo wakutewerayu.
-
Kodi magereja manango yomwe yambabziti njacikristau yadatazira tani kupfunzisa wanthu bzomwe Jezu adapfunzisa?
Jezu adapfunzisa cadidi ca m’Fala la Mulungu. Werengani Juwau 18:37, ndipo mukamala cezeranani mbvunzo wakutewerayu:
-
Mwakubverana na mafala ya Jezu, kodi tingawazindikire tani Akristau wacadidi?
5. Iwo ambapfunzisa Cadidi ca m’Bibliya
Akristau wa magole dzana yakuyambirira akupalizira wanthu m’mii mwawo.
Pomwe Jezu akhanati kuyenda kudzulu, iye adapasa ateweri wace basa lomwe likupitiriza kucitika mpaka ntsiku zino. Werengani Mateu 28:19, 20 na Mabasa 1:8, ndipo mukamala cezeranani mbvunzo wakutewerayu:
-
Kodi basa lakupalizira lingadafika mpaka kuponi?
6. Iwo ambaphatisa basa bzomwe ambapalizira
Kodi n’ciyani comwe cidacitisa mwamuna wakucemeredwa Tom kutsimikiza kuti wagumana Akristau wacadidi? Onani VIDIYO, ndipo mukamala cezeranani mibvunzo ikutewerayi.
-
Mu vidiyoyi, kodi gereja idasunamisa tani Tom?
-
Kodi n’ciyani comwe cidamutsimikizira kuti wagumana ateweri wa cadidi wa Jezu?
Kodi n’ciyani comwe n’cakufunika kwene-kwene pakati pa mafala na bzicito? Werengani Mateu 7:21, ndipo mukamala cezeranani mbvunzo wakutewerayu:
-
Kodi n’ciyani cakufunika kwene-kwene kwa Jezu, ni bzomwe timbalewa kuti timbakhulupira ayai bzomwe timbalatiza na bzicito bzathu?
7. Iwo ambafunana
Akristau wa magole dzana yakuyambirira akupalizira wanthu m’mii mwawo.
Kodi Akristau wacadidi ambaikha moyo wawo pangozi thangwe ra Akristau anzawo? Onani VIDIYO, ndipo mukamala cezeranani mibvunzo ikutewerayi.
-
Mu vidiyoyi, n’ciyani comwe cidacitisa LIoyd kuikha moyo wace pangozi kuti akhotcerere m’bale Johansson?
-
Kodi imwepo mukukumbuka kuti bzomwe iye adacitabzi bzidalatiza kuti ni Mkristau wacadidi?
Werengani Juwau 13:34, 35, ndipo mukamala cezeranani mibvunzo ikutewerayi:
-
Kodi Akristau wacadidi ambacita tani bzinthu na wanthu wa mitundu inango ayai wa dziko linango?
-
Kodi iwo ambacita ciyani pa nthawe ya nkhondo?
WANTHU WINANGO AMBALEWA KUTI: “Akristau ambacita bzinthu bzakuipa, tsono bzingakwanisike tani kuti akhale na gereja ya cadidi?”
-
Kodi ni cinembo ciponi comwe mungawerengere munthu kuti mumuthandize kuzindikira Akristau wacadidi?
KODI MWAPFUNZA CIYANI?
Akristau wacadidi ambateweza bzomwe Bibliya limbapfunzisa, ambalatiza lufoyi lacadidi ndipo ambapalizira cadidi ca m’Bibliya.
Mibvunzo yakubwerezera
-
Kodi bzomwe Akristau wacadidi ambakhulupira bzimbacokera kuponi?
-
Kodi ni khalidwe liponi lomwe limbadziwikisa Akristau wacadidi?
-
Kodi ni basa liponi lomwe Akristau wacadidi ambacita?
ONANI POMWE IBZI
Pfunzani na thimu la wanthu lomwe lidacita ciri-centse kuti litewezere ciratizo ca Jezu na bzomwe iye adapfunzisa.
Onani comwe cidacitisa a irmã wa Cipembedzo Cacikatolika kukhala mpfumakazi zacadidi zauzimu.
Onani momwe Akristau wacadidi ambalatizira lufoyi kuna Akristau anzawo omwe ambafunikira thandizo.
Kuthandiza Abale Omwe Agwedwa na Malengwa ya Pantsi — Cipande (3:57)
Onani momwe Akristau wacadidi wa ntsiku zino ambatewezerera Akristau wakuyambirira mwa kucita bzinthu bzomwe Jezu adalewa kuti bzingadawadziwikisa kuti ni anyakupfunza wace.
“Kodi Wentse Omwe Ambabziti ni Akristau ni Akristaudi?” (Ntsanza ya Mulindiri ya 1 Março, 2012)
Imwepo Mungakomedwembo na
MIBVUNZO YAKUBVUNZIDWA KAWIRI-KAWIRI
Kodi Pfunziro la Bibliya N’ciyani?
Onani mitawiro ya mibvunzo ya programa yathu ya pfunziro la Bibliya lafovolo.
