ଆଜି ସାରା ଦୁନିଆରେ ଲକ୍ଷ ଲକ୍ଷ ଲୋକ ନିଜକୁ ଖ୍ରୀଷ୍ଟିୟାନ ବୋଲି କହନ୍ତି । କିନ୍ତୁ ସମସ୍ତେ ଅଲଗା ଅଲଗା କଥା ଉପରେ ବିଶ୍ୱାସ କରନ୍ତି ଓ ନିଜ ନିଜ ହିସାବରେ ଚଳନ୍ତି । ତାହେଲେ ଆମେ କିପରି ଜାଣିପାରିବା ଯେ ଏମାନଙ୍କ ମଧ୍ୟରୁ କେଉଁମାନେ ସତ୍ୟ ଖ୍ରୀଷ୍ଟିୟାନ ଅଟନ୍ତି ?

୧. କେଉଁମାନଙ୍କୁ ସତ୍ୟ ଖ୍ରୀଷ୍ଟିୟାନ କୁହାଯାଏ ?

ଯେଉଁମାନେ ଯୀଶୁ ଖ୍ରୀଷ୍ଟଙ୍କୁ ବିଶ୍ୱାସ କରନ୍ତି କିମ୍ବା ତାଙ୍କ ଶିଷ୍ୟ ଅଟନ୍ତି, ସେମାନଙ୍କୁ ଖ୍ରୀଷ୍ଟିୟାନ କୁହାଯାଏ । (ପ୍ରେରିତ ୧୧:୨୬ ପଢ଼ନ୍ତୁ ।) କିନ୍ତୁ ସେମାନେ କିପରି ପ୍ରମାଣ କରିପାରିବେ ଯେ ସେମାନେ ଯୀଶୁଙ୍କ ଶିଷ୍ୟ ଅଟନ୍ତି ? ଯୀଶୁ ନିଜେ କହିଥିଲେ, “ଯଦି ତୁମ୍ଭେମାନେ ମୋହର ବାକ୍ୟରେ ସ୍ଥିର ହୋଇ ରହିବ, ତେବେ ତୁମ୍ଭେମାନେ ପ୍ରକୃତରେ ମୋହର ଶିଷ୍ୟ ।” (ଯୋହନ ୮:୩୧) ଏହାର ଅର୍ଥ ହେଉଛି ଯେଉଁମାନେ ଯୀଶୁଙ୍କ କଥା ମାନନ୍ତି, ସେମାନେ ହିଁ ସତ୍ୟ ଖ୍ରୀଷ୍ଟିୟାନ ଅଟନ୍ତି । ଯୀଶୁ ଯାହା ବି ଶିଖାଉଥିଲେ ସେସବୁ ବାଇବଲ ଉପରେ ଆଧାରିତ ଥିଲା । ତେଣୁ ସତ୍ୟ ଖ୍ରୀଷ୍ଟିୟାନମାନେ ବି ଯାହା ବିଶ୍ୱାସ କରନ୍ତି ତାହା ବାଇବଲ ଉପରେ ଆଧାରିତ ହୋଇଥାଏ ।—ଲୂକ ୨୪:୨୭ ପଢ଼ନ୍ତୁ ।

୨. ସତ୍ୟ ଖ୍ରୀଷ୍ଟିୟାନମାନେ କିପରି ପରସ୍ପରକୁ ପ୍ରେମ ଦେଖାନ୍ତି ?

ଯୀଶୁ ନିଜ ଶିଷ୍ୟମାନଙ୍କୁ କହିଥିଲେ, “ମୁଁ ଯେପରି ତୁମ୍ଭମାନଙ୍କୁ ପ୍ରେମ କରିଅଛି, ତୁମ୍ଭେମାନେ ସେହିପରି ପରସ୍ପରକୁ ପ୍ରେମ କର ।” (ଯୋହନ ୧୫:୧୨) ଯୀଶୁ କେବଳ ନିଜ କଥାରେ ନୁହେଁ, ବରଂ ନିଜ କାମରୁ ବି ଦେଖାଇଲେ ଯେ ସେ ନିଜ ଶିଷ୍ୟମାନଙ୍କୁ ପ୍ରେମ କରନ୍ତି । ସେ ସେମାନଙ୍କ ସହ ସମୟ ବିତାଇଲେ, ସେମାନଙ୍କ ଉତ୍ସାହ ବଢ଼ାଇଲେ ଏବଂ ସେମାନଙ୍କୁ ସାହାଯ୍ୟ କଲେ । କେବଳ ଏତିକି ନୁହେଁ, ସେ ସେମାନଙ୍କ ପାଇଁ ନିଜ ଜୀବନ ମଧ୍ୟ ଦେଇଦେଲେ । (୧ ଯୋହନ ୩:୧୬) ଯୀଶୁଙ୍କ ଭଳି ଆଜି ସତ୍ୟ ଖ୍ରୀଷ୍ଟିୟାନମାନେ ବି କେବଳ ନିଜ କଥାରେ ନୁହେଁ, ବରଂ ନିଜ କାମରୁ ଦେଖାନ୍ତି ଯେ ସେମାନେ ପରସ୍ପରକୁ ପ୍ରେମ କରନ୍ତି । ସେମାନେ ପରସ୍ପରକୁ ସାହାଯ୍ୟ କରନ୍ତି ଏବଂ ପରସ୍ପର ସହ ଭଲ ବ୍ୟବହାର କରନ୍ତି ।

୩. ସତ୍ୟ ଖ୍ରୀଷ୍ଟିୟାନମାନେ କେଉଁ କାମ ସବୁବେଳେ କରନ୍ତି ?

ଯୀଶୁ ନିଜ ଶିଷ୍ୟମାନଙ୍କୁ ଗୋଟିଏ କାମ ଦେଇଥିଲେ । ‘ସେ ସେମାନଙ୍କୁ ଈଶ୍ୱରଙ୍କ ରାଜ୍ୟର ଘୋଷଣା’ କରିବା ପାଇଁ ପଠାଇଲେ । (ଲୂକ ୯:୨) ପ୍ରଥମ ଶତାବ୍ଦୀର ଖ୍ରୀଷ୍ଟିୟାନମାନେ କେବଳ ନିଜ ଉପାସନା କରିବା ଜାଗାରେ ପ୍ରଚାର କରୁ ନ ଥିଲେ, ବରଂ ବଜାରରେ ଏବଂ ଲୋକମାନଙ୍କ ଘରକୁ ଯାଇ ମଧ୍ୟ ପ୍ରଚାର କରୁଥିଲେ । (ପ୍ରେରିତ ୫:୪୨ ଓ ୧୭:୧୭ ପଢ଼ନ୍ତୁ ।) ଠିକ୍‌ ସେହିପରି, ଆଜି ମଧ୍ୟ ସତ୍ୟ ଖ୍ରୀଷ୍ଟିୟାନମାନେ ସବୁ ଜାଗାରେ ଯାଇ ପ୍ରଚାର କରନ୍ତି । ସେମାନେ ଲୋକମାନଙ୍କୁ ବହୁତ ପ୍ରେମ କରନ୍ତି । ତେଣୁ ସେମାନଙ୍କୁ ବାଇବଲର ସୁସମାଚାର ଶୁଣାଇବା ପାଇଁ ସମୟ ବାହାର କରନ୍ତି ଏବଂ ଏତେ ପରିଶ୍ରମ କରନ୍ତି ।—ମାର୍କ ୧୨:୩୧.

 ଭାବନ୍ତୁ ଓ ଶିଖନ୍ତୁ

୪. ସେମାନେ ବାଇବଲରୁ ଜାଣିବା ପାଇଁ ଚାହାନ୍ତି ଯେ ସତ୍ୟ କʼଣ

୫. ସେମାନେ ବାଇବଲରୁ ସୁସମାଚାର ପ୍ରଚାର କରନ୍ତି

 ୬. ସେମାନେ ଯାହା ଶିଖାନ୍ତି, ତାହା ନିଜେ ବି କରନ୍ତି

ଟମ୍‌ ନାମକ ଜଣେ ବ୍ୟକ୍ତିକୁ କିପରି ଜଣାପଡ଼ିଲା ଯେ ସତ୍ୟ ଖ୍ରୀଷ୍ଟିୟାନମାନେ କିଏ ? ଭିଡିଓ ଦେଖନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ ।

• ଟମ୍‌ କାହିଁକି କହିଲେ ଯେ ତାଙ୍କୁ ଆଉ ଧର୍ମ ଉପରେ ବିଶ୍ୱାସ ନାହିଁ ?

• ଟମ୍‌ କିପରି ଜାଣିପାରିଲେ ଯେ କେଉଁମାନେ ସତରେ ଯୀଶୁଙ୍କ ଶିକ୍ଷାଗୁଡ଼ିକୁ ମାନନ୍ତି ?

ଜଣେ ବ୍ୟକ୍ତି କିପରି ଅଟେ, ତାହା ତାʼ କଥାରୁ ନୁହେଁ ବରଂ ତାʼ କାମରୁ ଜଣାପଡ଼େ । ମାଥିଉ ୭:୨୧ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନ ଉପରେ ଆଲୋଚନା କରନ୍ତୁ:

• ଯୀଶୁଙ୍କ ପାଇଁ କʼଣ ମହତ୍ତ୍ୱ ରଖେ, ଆମେ ଯାହା କହୁ ନା ଆମେ ଯାହା କରୁ ?

୭. ସେମାନେ ପରସ୍ପରକୁ ପ୍ରେମ କରନ୍ତି

• ଏହି ପଦ ଅନୁସାରେ ଯୀଶୁଙ୍କ ଶିଷ୍ୟମାନେ (ଅର୍ଥାତ୍‌ ସତ୍ୟ ଖ୍ରୀଷ୍ଟିୟାନମାନେ) ଅନ୍ୟ ଦେଶ କିମ୍ବା ଜାତିର ଲୋକମାନଙ୍କ ସହ କିପରି ବ୍ୟବହାର କରିବେ ?

• ଯଦି ଯୁଦ୍ଧ ହୁଏ, ତାହେଲେ ସତ୍ୟ ଖ୍ରୀଷ୍ଟିୟାନମାନେ କʼଣ କରିବେ ?

 ଆମେ କʼଣ ଶିଖିଲୁ ?

ସତ୍ୟ ଖ୍ରୀଷ୍ଟିୟାନମାନେ ବାଇବଲର କଥାଗୁଡ଼ିକୁ ପାଳନ କରନ୍ତି, ନିଜଠୁ ଅଧିକ ଅନ୍ୟକୁ ପ୍ରେମ କରନ୍ତି ଆଉ ବାଇବଲରେ ଯାହା ଲେଖାଅଛି ତାହା ଅନ୍ୟମାନଙ୍କୁ ବି କହନ୍ତି ।

ଆପଣ କʼଣ କହିବେ ?

• ସତ୍ୟ ଖ୍ରୀଷ୍ଟିୟାନମାନେ ଯାହା ବିଶ୍ୱାସ କରନ୍ତି, ତାହା କାହା ଉପରେ ଆଧାରିତ ହୋଇଥାଏ ?

• ସତ୍ୟ ଖ୍ରୀଷ୍ଟିୟାନମାନଙ୍କଠାରେ କେଉଁ ଗୁଣ ଅଛି ?

• ସତ୍ୟ ଖ୍ରୀଷ୍ଟିୟାନମାନେ କେଉଁ କାମ ସବୁବେଳେ କରନ୍ତି ?