RÄ LECCIÓN 18
¿Hanja dä za gä pädihu̱ toꞌo nuꞌu̱ xa mäjuäni yä kristianu?
Mäpaya, yä miyontho nuꞌu̱ yä jäꞌi enä ge yä kristianu. Pe mäske njabu̱, nuꞌu̱ rꞌa nꞌañꞌo näꞌä kamfri ꞌne rꞌa nꞌañꞌo näꞌä rä mꞌu̱i tsitsꞌiꞌu̱. Nuꞌmu̱, ¿hanja dä za gä pädihu̱ toꞌo nuꞌu̱ xa mäjuäni yä kristianu?
1. ¿Te di signifika kristianu?
Nꞌa rä kristianu geꞌä nꞌa rä jäꞌi näꞌä de̱mbäbi rä mꞌu̱i Ñhesukristo (hñeti Hechos 11:26). Pe, ¿hanja dä za dä ꞌñudi nꞌa rä jäꞌi ge xa mäjuäni di de̱ni rä Hesu? Rä Hesu bi ꞌñenä: «Mu̱ gi sigi gi pe̱fihu̱ näꞌä xtä udi, nuꞌmu̱ xa mäjuäni gi de̱ngägihu̱» (Juan 8:31, TNM). Nꞌa rä kristianu debe dä gamfri ꞌne dä me̱fi näꞌä bi ꞌñudi rä Hesu. Mi mꞌu̱kua rä Hesu ha rä Xiꞌmhai, bi ꞌñuti yä jäꞌi näꞌä huxä ha rä Noya Äjuä. Mäpaya, geꞌä pe̱fi ꞌnehe nuꞌu̱ xa mäjuäni yä kristianu (hñeti Lucas 24:27).
2. ¿Hanja udi rä mhäte nuꞌu̱ xa mäjuäni yä kristianu?
Rä Hesu bi ꞌñembäbi yä de̱ni: «Mädihu̱ nꞌa ngu mänꞌaa ngu stä mäꞌäꞌihu̱» (Juan 15:12). ¿Hanja bi ꞌñudi rä Hesu ge mi mädi nuꞌu̱ yä jäꞌi mi de̱ni? Rä Hesu bi ꞌueke rä tiempo pa bi nupäbi yä mfeni, bi matsꞌi, ꞌne asta bi mꞌu̱i dispuesto dä du po geꞌu̱ (1 Juan 3:16, TNM). Njabu̱ ꞌnehe, nuꞌu̱ xa mäjuäni yä kristianu, udi ko näꞌä mää ꞌne ko näꞌä pe̱fi ge xa mäjuäni di mädi nꞌa ngu mänꞌaa.
3. ¿Te mä mäkä ꞌme̱fi di ja nuꞌu̱ xa mäjuäni yä kristianu?
Rä Biblia enä: «Rä Hesu bi me̱hni nuꞌu̱ yä de̱ni pa dä ungä ntꞌo̱de rä Tsꞌu̱tꞌhui Äjuä» (Lucas 9:2, TNM). Nuꞌu̱ yä mu̱di kristianu hingä ho̱nse̱ mi predika habu̱ mi ntini yä jäꞌi pa mi xo̱kämbeni Äjuä. ꞌNehe mi pa ha yä nguu, ha yä tai ꞌne habu̱ gatꞌho mi yꞌo yä jäꞌi (hñeti Hechos 5:42, TNM; 17:17, TNM). Mäpaya, njabu̱ ꞌnehe nuꞌu̱ xa mäjuäni yä kristianu. Koꞌmu̱ di mädi yä mikꞌei, ko rä johya usa de yä tiempo ꞌne gatꞌho näꞌä pe̱ꞌtsi, pa uti de rä Noya Äjuä, nupäbi yä mfeni, ꞌne uti näꞌä ma dä me̱fi Äjuä pa xudi ndämäni (Marcos 12:31, TNM).
HANJA DÄ ZA DÄ MAXꞌÄꞌI RÄ NOYA ÄJUÄ
Ma gä pädihu̱ hanja dä za gi da ngue̱nda toꞌo nuꞌu̱ xa mäjuäni di de̱mbäbi rä ejemplo rä Hesu ꞌne pe̱fi näꞌä bi mändaꞌä.
4. Honi näꞌä xa mäjuäni udi rä Biblia
Nuꞌu̱ yä mu̱di kristianu mi balora rä Noya Äjuä
Ndunthi yä jäꞌi di ñꞌetsꞌi ge yä kristianu, pe nuꞌu̱ hingi balora näꞌä udi rä Biblia. Yꞌe̱ntsꞌihu̱ rä BIDEO, ꞌnepu̱ thädihu̱ nunä rä ntꞌani:
-
Rꞌa yä nijä nuꞌu̱ mi ñꞌetsꞌi ge myä kristianu, ¿te bi me̱fi pa njabu̱ himbi hyopäbi yä jäꞌi dä bädi näꞌä bi ꞌñudi Ñhesukristo?
Mi mꞌu̱kua rä Hesu ha rä Xiꞌmhai, bi ꞌñudi näꞌä xa mäjuäni udi rä Noya Äjuä. Hñetihu̱ Juan 18:37, TNM, ꞌnepu̱ thädihu̱ nunä rä ntꞌani:
-
¿Te pe̱fi nuꞌu̱ xa mäjuäni yä kristianu?
5. Uti yä jäꞌi näꞌä udi rä Biblia
Nuꞌu̱ yä mu̱di kristianu mi predikabi märꞌaa
Änte de xä bo̱tsꞌe rä Hesu ha mähetsꞌi, näꞌä bi nkargobi nꞌa rä ꞌme̱fi nuꞌu̱ yä de̱ni. Näꞌä ꞌme̱fiꞌä tobe di sigi asta mäpaya. Hñetihu̱ Mateo 28:19, 20, TNM ꞌne Hechos 1:8, TNM, ꞌnepu̱ thädihu̱ nunä rä ntꞌani:
-
¿Asta habu̱ ꞌne asta hämꞌu̱ bi ꞌñenä rä Hesu ge ma dä tꞌudi rä Noya Äjuä?
6. Pe̱fi näꞌä udi
Hyandi hanja nꞌa rä zi ñꞌo̱ho̱ rä thuhu Tom ya hinte mi ne dä bädi de yä relijion. Pe hyandi te bi matsꞌi pa bi dini nuꞌu̱ xa mäjuäni yä kristianu. Yꞌe̱ntsꞌihu̱ rä BIDEO, ꞌnepu̱ thädihu̱ nuya yä ntꞌani:
-
Mäske Tom mi kamfri Äjuä, ¿por hanja ya hinte mi ne dä bädi de yä relijion?
-
¿Por hanja nubye̱ ꞌmu̱i kombensido ge xä dini näꞌä mäjuäni?
Nꞌa rä hogä ejemplo mänꞌa tse̱di ke yä noya. Hänge toꞌo mää ge di de̱ni rä Hesu, pe̱ꞌtsi te dä ꞌñudi ko näꞌä pe̱fi ha rä mꞌu̱i, hingä ho̱nse̱ ko näꞌä mää. Hñetihu̱ Mateo 7:21, TNM, ꞌnepu̱ thädihu̱ nunä rä ntꞌani:
-
¿Te mänꞌa di mportabi rä Hesu: Gä mäñhu̱ ge di kamfrihu̱, o gä udihu̱ ko näꞌä di pe̱fihu̱ ge xa mäjuäni di de̱nihu̱?
7. Xa mäjuäni di mädi nꞌa ngu mänꞌaa
Nuꞌu̱ yä mu̱di kristianu mi mädi nꞌa ngu mänꞌaa
Nuꞌu̱ xa mäjuäni yä kristianu, ꞌmu̱i dispuesto dä du po yä amigo. Yꞌe̱ntsꞌihu̱ rä BIDEO, ꞌnepu̱ thädihu̱ nuya yä ntꞌani:
-
¿Por hanja rä ku Lloyd go mi ꞌmu̱i dispuesto dä du po rä ku Johansson?
-
¿Gi kamfri ge rä ku Lloyd bi ꞌñudi ge xa mäjuäni de̱mbäbi yä paso rä Kristo?
Hñetihu̱ Juan 13:34, 35, TNM, ꞌnepu̱ thädihu̱ nuya yä ntꞌani:
-
Nuꞌu̱ xa mäjuäni yä kristianu, ¿hanja di debe dä trata yä jäꞌi de märꞌa yä luga, yä hnini ꞌne de märꞌa yä rasa?
-
Ora ja nꞌa rä gerra, ¿hanja di debe dä ꞌñudi rä mhäte nuꞌu̱ xa mäjuäni yä kristianu?
RꞌA YÄ JÄꞌI ENÄ: «Gatꞌho yä relijion xä me̱fi yä tsꞌo kosa, ¡hinte di ne gä pädi de geꞌu̱!».
-
Xiꞌmu̱ toꞌo dä xiꞌi njabu̱, ¿te mä testo de rä Biblia dä za gi usa pa gi ꞌñuti näꞌä jäꞌi dä bädi toꞌo xa mäjuäni yä kristianu?
NÄꞌÄ DÄ PÄDIHU̱
Nuꞌu̱ xa mäjuäni yä kristianu kamfri ꞌne pe̱fi näꞌä udi rä Biblia, ja yä sacrificio po märꞌaa, ꞌne predikabi märꞌa yä jäꞌi.
Pa gä benihu̱
-
¿Habu̱ bi hä o habu̱ ju̱ki näꞌä kamfri nuꞌu̱ xa mäjuäni yä kristianu?
-
¿Te mä mꞌu̱i udi nuꞌu̱ xa mäjuäni yä kristianu?
-
¿Te mä mäkä ꞌme̱fi di ja nuꞌu̱ xa mäjuäni yä kristianu?
HABU̱ DÄ ZA GI PÄDI MÄ NꞌA TU̱I
Hyandi toꞌo nuꞌu̱ di de̱mbäbi rä ejemplo rä Kristo ꞌne pe̱fi näꞌä bi ꞌñudi ꞌne näꞌä bi mända.
Hyandi hanja nꞌa rä zi ꞌme̱hñä näꞌä mrä monja, bi dini nuꞌu̱ xa mäjuäni yä kristianu.
Hyandi hanja nuꞌu̱ xa mäjuäni yä kristianu, udi rä mhäte po nuꞌu̱ yä ku ꞌne fatsꞌi ora pe̱ꞌtsi yä tsꞌo thogi.
Nꞌa xe̱ni de rä bideo: Di faxe mä kuhe ora pe̱ꞌtsi yä tsꞌo thogi (3:57)
Hyandi hanja nuꞌu̱ yä mu̱di kristianu, ꞌne nuꞌu̱ xa mäjuäni yä kristianu de mäpaya, de̱mbäbi rä ejemplo rä Hesu ꞌne pe̱fi näꞌä bi mändaꞌä.
«¿Te mä mꞌu̱i hätsꞌi nuꞌu̱ xa mäjuäni yä kristianu?» (La Atalaya, 1 de marzo de 2012)
Puede que también le interese
NÄꞌÄ DI ÑꞌANI YÄ JÄꞌI
¿Tengu nuꞌu̱ yä curso de rä Mäkä Tꞌofo uni yä testigo rä Jeoba?
Ora ma gi hñäni ri curso, nuꞌi dä za gi usa näꞌä rä Biblia go gi ne. ꞌNehe dä za gi mbitabi ri familia o nuꞌu̱ ri amigo pa dä nxadi rä Biblia kongeꞌi.
