NXA̱DI 18
¿ʼBe̱pu̱ dä za̱ gä pähmu̱ toʼoʼu̱ majuäni ëʼkyëiʼä Cristo?
Yu̱ pa di ʼbu̱hmu̱ya yu̱ miyonetho yu̱ jäʼi ëna ge ëʼkyëiʼä Cristo, pe̱ di hye̱ʼtsi nuʼä ëʼkyëi ʼna ngü ʼnaʼu̱, ʼne kextä di hye̱ʼtsi ʼbe̱pu̱ ni thänneʼä Ojä. ʼNe nuʼä o̱rbu̱ ja ra mʼbu̱iʼu̱ ʼne nuʼä ʼbe̱ʼä mbënʼu̱ kextä di hye̱ʼtsi madägeʼä ëna ge ëʼkyëiʼä Cristo. Janangeʼä, ¿ʼbe̱pu̱ dä za̱ gä pähmu̱ toʼoʼu̱ majuäni ëʼkyëiʼä Cristo?
1. ¿ʼBe̱ʼä o̱ʼtu̱ yu̱ jäʼi ge majuäni ëʼkyëiʼä Cristo?
Nuʼu̱ yu̱ ʼyëʼkyëi, geʼu̱ majuäni te̱nnä Jesucristo ʼne o̱ʼte nuʼä di manda (dä mi nu Hechos 11:26). Xiʼu̱ ¿ʼbe̱pu̱ üdi ge majuäni ëʼkyëi ʼne te̱nnä Cristo? Nuʼä Jesús bi ʼyëna: “Nuʼbu̱ gi thoki gi te̱nhnu̱ ma nhmanga̱, majuäni ma ʼyëʼkyëiʼähu̱” (Juan 8:31). Nuna, ürkähu̱ ge nuʼu̱ majuäni ëʼkyëiʼä Cristo, te̱nni ʼne o̱ʼte nuʼä di mandaʼä. Nuʼu̱ majuäni ëʼkyëʼiʼä Cristo, ho̱nʼtä bä ʼyëpu̱ ja Biblia ëʼkyëiʼu̱, ʼne kextä o̱ʼte tengütho bi ʼyo̱ʼtä Cristo, ge xa̱mbäʼu̱ yu̱ jäʼi nuʼä bä ʼyëpu̱ ja Biblia (dä mi nu Lucas 24:27).
2. ¿ʼBe̱pu̱ üdi nuʼä ra nhuëkäte nuʼu̱ yu̱ ʼyëʼkyëi majuäni?
Nuʼä Jesús bi xiʼu̱ yu̱ disipulo: “Nuʼbu̱ gi thoki gi te̱nhnu̱ ma nhmanga̱, majuäni ma ʼyëʼkyëiʼähu̱” (Juan 15:12). ¿ʼBe̱pu̱ bi ʼyüʼä Jesús ge emme mi huëʼku̱ yu̱ disipulo? Nuʼä Jesús bi hyäkna tiempo pa nangeʼu̱ yu̱ disipulo, bi ze̱di ʼne bi hyürpä na mu̱iʼu̱ nuʼbu̱ mi honʼä mfa̱ʼtsi, ʼne asta bi ne bi ʼyünʼä na te pa nangeʼu̱ (1 Juan 3:16). Nuʼu̱ yu̱ ʼyëʼkyëi majuäni, te̱nnä ra ejemploʼä Jesús, nuʼu̱, majuäni üdi ge ja na nhuëkäteʼu̱ ʼne hingä ho̱nʼtho mantho.
3. ¿ʼBe̱ʼä ma ʼbe̱fi manʼna jaʼtse̱di o̱ʼtu̱ yu̱ ʼyëʼkyëi?
Nuʼä Jesús bi zokpä ʼna ra ʼbe̱fiʼu̱ yu̱ disipulo, bi be̱hni dä xiʼu̱ yu̱ jäʼi nangeʼä ra ʼTsu̱ʼtabi Ojä (Lucas 9:2). Nuʼu̱ yu̱ mu̱di ʼyëʼkyëi hingä ho̱ntho mi predikabu̱ hapu̱ mi mpe̱tiʼu̱, kextä mi predikabu̱ hapu̱ mi ʼbu̱ʼi xi ngü yu̱ jäʼi, tengü nubu̱ ja yu̱ ta̱i, yu̱ ʼyü ʼne nubu̱ ja yu̱ ngünʼu̱ yu̱ jäʼi (dä mi nu Hechos 5:42; 17:17). Nuʼu̱ yu̱ pa di ʼbu̱hmu̱ ya, nuʼu̱ yu̱ ʼyëʼkyëi majuäni kextä di ʼyombä na Nhman Ojä ʼne honʼu̱ yu̱ jäʼi ho̱mbu̱ go hapu̱ ʼbu̱i. Nuʼu̱ yu̱ ʼyëʼkyëi majuäni emme di huëʼku̱ yu̱ mikjäʼihu̱, häkna tiempo ʼne honʼä ʼbe̱ʼä pe̱ʼtsi pa dä za̱ dä mbabu̱ bi ʼbu̱hyu̱ jäʼi ʼne di predikabi (Marcos 12:31).
GÄ PÄHMU̱ MANʼNA NANGEHNA
Gä nuhu̱ ʼbe̱pu̱ di hye̱ʼtsi nuʼä o̱ʼtu̱ yu̱ ʼyëʼkyëi majuäni ʼne nuʼä o̱ʼtu̱ yu̱ jäʼi ge ëna ëʼkyëiʼä Cristo pe̱ ge hinmajuäni te̱nni nuʼä na ejemploʼä Jesús.
4. Nuʼu̱ yu̱ ʼyëʼkyëi majuäni di nxa̱ʼä bä ʼyëpu̱ ja Biblia
Nuʼu̱ yu̱ mu̱di ʼyëʼkyëi mi ëspi ʼne mi te̱nni nuʼä na Nhman Ojä, mi nhuëki ʼna ngü ʼnaʼu̱ ʼne mi ʼyombä na Nhman Ojäʼu̱.
Hingä ga̱ʼthoʼu̱ ëna yu̱ ʼyëʼkyëi te̱nni o ëʼkyëiʼä mambu̱ ja Biblia. Dä mi nuui ä BIDEO ʼne manhmi nangehna:
-
ʼRa yu̱ nijä bi ʼyägi nuʼä mambu̱ ja Biblia ʼne hinmi nepe ge yu̱ jäʼi dä bädi nuʼä bi ʼyüʼä Jesús, ¿ʼbe̱ʼä bi ʼyo̱ʼtu̱ yu̱ nijä pa ge yu̱ jäʼi hindä bädi nuʼä mambu̱ ja Biblia?
Nuʼä Jesús bi xa̱mbä yu̱ jäʼi nuʼä mambu̱ ja Biblia. Dä mi nuui Juan 18:37 ʼne manhmi nangehna:
-
Nangeʼä bi manʼä Jesús, ¿ʼbe̱pu̱ dä za̱ gä pähmu̱ toʼoʼu̱ yu̱ ʼyëʼkyëi majuäni?
5. Nuʼu̱ yu̱ ʼyëʼkyëi majuäni di nʼyonʼä na Nhman Ojä
Nuʼu̱ yu̱ mu̱di ʼyëʼkyëi mi ëspi ʼne mi te̱nni nuʼä na Nhman Ojä, mi nhuëki ʼna ngü ʼnaʼu̱ ʼne mi ʼyombä na Nhman Ojäʼu̱.
Ante ge dä bengbu̱ mahëʼtsiʼä Jesús, bi zokpä ʼna ra ʼbe̱fiʼu̱ yu̱ disipulo, ʼne nuʼä ra ʼbe̱fi pa ma thoki ʼto̱ʼte nuya yu̱ pa di ʼbu̱hmu̱. Dä mi nuui Mateo 28:19, 20 ʼne Hechos 1:8, ʼne manhmi nangehna:
-
¿Hapu̱ ja dä zo̱nʼä na Nhman Ojä ʼne njämʼbu̱ dä guaʼä ra ʼbe̱fi bi zoʼä Jesús?
6. Nuʼu̱ yu̱ ʼyëʼkyëi majuäni kextä o̱ʼte nuʼä xa̱mbäʼu̱ yu̱ jäʼi
¿Hanja nuʼä Tom mi ka̱mfëni ge bi dinʼä ra mpe̱ti majuäni? Dä mi nuui ä BIDEO ʼne manhmi nangehna:
-
Nangeʼä bideo gä nu, ¿hanja nuʼä Tom bi nkue̱ nangeʼä bi nubu̱ ja yu̱ nijä?
-
¿Hanja nuʼä Tom bi ka̱mfëni ge bi dinʼä ra mpe̱ti majuäni?
Nuʼu̱ yu̱ ʼyëʼkyëi majuäni kextä o̱ʼte nuʼä xa̱mbäʼu̱ yu̱ jäʼi. Dä mi nuui Mateo 7:21 ʼne manhmi nangehna:
-
¿ʼBe̱ʼä manʼna jaʼtse̱di pa nangeʼä Jesús ge ho̱ntho gä manhmu̱ nuʼä di ëʼkyëihu̱ o ge majuäni gä te̱nhnu̱ nuʼä di ëʼkyëihu̱?
7. Nuʼu̱ yu̱ ʼyëʼkyëi majuäni di nhuëki ʼna ngü ʼnaʼu̱
Nuʼu̱ yu̱ mu̱di ʼyëʼkyëi mi ëspi ʼne mi te̱nni nuʼä na Nhman Ojä, mi nhuëki ʼna ngü ʼnaʼu̱ ʼne mi ʼyombä na Nhman Ojäʼu̱.
Nuʼu̱ yu̱ ʼyëʼkyëi majuäni xi ʼye̱nna teʼu̱ pa nangeʼu̱ yu̱ kü. Dä mi nuui ä BIDEO ʼne manhmi nangehna:
-
¿Hanja nuʼä kü Lloyd bi ne bi ʼye̱nna te ge nangeʼä kü Johansson?
-
Nangeʼä bi ʼyo̱ʼtä Lloyd, ¿ha bi ʼyüdi ge majuäni ja na nʼtëʼkyëi?
Dä mi nuui Juan 13:34, 35 ʼne manhmi nangehna:
-
Nuʼu̱ yu̱ ʼyëʼkyëi majuäni, ¿ʼbe̱pu̱ ja dä nuʼu̱ miʼra yu̱ jäʼi ge ʼrahmi ʼnanʼyo yu̱ hnini bi neʼtsi?
-
Geʼbu̱ di nja ʼna ra däsu̱i, ¿ʼbe̱pu̱ ja dä ʼyüʼu̱ yu̱ ʼyëʼkyëi majuäni ge di nhuëkju̱ʼu̱ yu̱ kü?
NUʼÄ ʼBE̱ʼÄ MANʼU̱ ʼRA YU̱ JÄʼI: “Nuʼu̱ ëna yu̱ ʼyëʼkyëi manʼna xi nʼtso o̱ʼtu̱ ge dä geʼu̱ hingä ʼyëʼkyëi. Nangeʼä di mbënga̱ ge hinʼyu̱ ʼna ra nʼtëʼkyëi majuäni”.
-
¿ʼBe̱ʼä ma texto dä za̱ gi ma pa gi ʼyüdi ge nuʼu̱ yu̱ ʼyëʼkyëi majuäni hingä ngübu̱ o̱ʼtu̱?
NUʼÄ MANʼNA JAʼTSE̱DI
Nuʼu̱ yu̱ ʼyëʼkyëi majuäni te̱nnä bä ʼyëpu̱ ja Biblia, di ʼyonʼä na Nhman Ojä ʼne asta hingi sü di ünʼä ra te pa nangeʼu̱ yu̱ kü.
Nuʼä dä pähmu̱
-
¿Hapu̱ nʼtoʼti nuʼä ëʼkyëi ʼne te̱nnu̱ yu̱ ʼyëʼkyë majuäni?
-
¿ʼBe̱pu̱ di fäʼu̱ yu̱ ʼyëʼkyëi majuäni?
-
¿ʼBe̱ʼä ma ʼbe̱fi o̱ʼtu̱ yu̱ ʼyëʼkyëi majuäni?
DÄ MI PÄDI MANʼNA
Dä mi pädi xi nho nangeʼu̱ ʼra yu̱ jäʼi ge o̱ʼtä ʼtse̱di ge te̱nnä bi ʼyüʼä Jesucristo.
Dä mi pädi nangeʼä ʼna xisu ge mi monja ʼne hanja bi ʼyo̱ʼte na familiaʼu̱ yu̱ testigo ä Jeoba.
“Nuʼu̱ bi dädi ko nuʼä Biblia ga̱ʼthoʼu̱ yu̱ nʼta̱nni mi jagi” (La Atalaya, 1 abril ge 2014)
Dä mi pädi ʼbe̱pu̱ nuʼu̱ yu̱ ʼyëʼkyëi majuäni üdi ge majuäni di huëʼku̱ yu̱ kü ʼne di ze̱ʼu̱ nuʼbu̱ thohyu̱ ʼyänthi.
Di ze̱hmeʼu̱ ma kühe nuʼbu̱ thohyu̱ ʼyänthi (ʼna xe̱kitho) (3:57)
Nuʼä Jesús bi ma nuʼä ʼbe̱ʼä ja dä ʼyo̱ʼtu̱ yu̱ ʼyëʼkyëi majuäni. Dä mi pädi ʼbe̱pu̱ nuʼu̱ yu̱ mu̱di ʼyëʼkyëi bi de̱nni nuʼä bi mandaʼä Jesús ʼne ʼbe̱ʼä o̱ʼtu̱ yu̱ ʼyëʼkyëi majuäni nuʼu̱ yu̱ pa di ʼbu̱hmu̱ya.
“¿ʼBe̱pu̱ dä za̱ gä pähmu̱ʼu̱ yu̱ ʼyëʼkyëi majuäni?” (La Atalaya, 1 marso ge 2012)
