LÈS 18
Kon Bo Por Sa Ken Ta e Kristiannan Berdadero?
Míles di miónes di hende ta bisa ku nan ta kristian, pero nan no tin e mesun kreensianan ni e mesun normanan ku otro. Pues, kon nos por sa ken ta e kristiannan berdadero?
1. Kiko ta un kristian?
Un kristian ta un disipel òf siguidó di Hesukristu. (Lesa Echonan 11:26.) Kon un persona por demostrá ku e ta un disipel di Hesus? Hesus a bisa: “Si boso keda fiel na mi palabranan, boso realmente ta mi disipelnan.” (Huan 8:31) Esaki ta nifiká ku un kristian berdadero mester obedesé e siñansanan di Hesus. Hesus semper a siña hende for di e Skritura. Meskos ku Hesus, e kristiannan berdadero ta usa Palabra di Dios pa siña hende.—Lesa Lukas 24:27.
2. Kon kristian berdadero ta mustra amor na otro?
Hesus a bisa su siguidónan: “Stima otro meskos ku ami a stima boso.” (Huan 15:12) Kon Hesus a mustra su disipelnan ku e tabata stima nan? El a pasa tempu ku nan, animá nan i yuda nan. Su amor pa nan a bai asina leu ku asta el a entregá su bida pa nan. (1 Huan 3:16) Meskos ku Hesus, kristian berdadero no ta djis siña hende tokante amor. Nan ta demostrá amor na otro pa medio di nan echonan i nan palabranan.
3. Ki trabou importante kristian berdadero tin?
Hesus a duna su disipelnan un trabou importante. “El a manda nan bai prediká e Reino di Dios.” (Lukas 9:2) E promé kristiannan a prediká na lugá públiko i na kas di hende i no solamente na nan lugánan di adorashon. (Lesa Echonan 5:42 i 17:17.) Di mes manera, awe, kristian berdadero ta prediká na tur hende ku nan topa. Nan ta stima hende. P’esei, nan ta gusta usa nan tempu i energia pa laga hende sa, mediante Beibel, ki speransa i konsuelo Dios ta duna.—Marko 12:31.
KIKO MAS NOS POR SIÑA?
Laga nos wak kiko ta e diferensianan entre kristian berdadero i hende ku no ta sigui Hesus su ehèmpel i siñansanan.
4. Nan ta interesá pa sa kiko Beibel ta siña realmente
E promé kristiannan tabata balorá e Palabra di Dios
No ta tur hende ku ta bisa ku nan ta kristian ke haña sa e bèrdatnan di Beibel òf ke biba di akuerdo ku nan. Pasa e VIDIO. Despues, analisá e siguiente pregunta:
-
Kiko algun iglesia ku ta yama nan mes kristian a hasi pa hende no haña sa loke Hesus a siña hende?
Hesus a siña hende e bèrdatnan ku tin den Palabra di Dios. Lesa Huan 18:37. Despues, analisá e siguiente pregunta:
-
Segun Hesus, kon nos por sa si un kristian ta “na banda di e bèrdat”?
5. Nan ta kompartí e bèrdatnan di Beibel ku otro hende
E promé kristiannan tabata prediká na otro hende
Promé ku Hesus a bai shelu, el a duna su siguidónan un trabou importante, i te ainda e trabou ei ta tumando lugá. Lesa Mateo 28:19, 20 i Echonan 1:8. Despues, analisá e siguiente pregunta:
-
Te na ki tempu i te kon leu e siguidónan di Hesus lo mester prediká?
6. Nan ta biba di akuerdo ku loke nan ta siña otro hende
Kiko a konvensé un hòmber ku yama Tom ku el a topa hende ku di bèrdat ta sigui Hesus? Pasa e VIDIO. Despues, analisá e siguiente preguntanan:
-
Segun e vidio, kiko a pone Tom bira disgustá ku religion?
-
Kiko a konvensé Tom ku el a haña hende ku di bèrdat ta sigui Hesus?
Loke un hende ta hasi ta mas importante ku loke e ta bisa. Ademas, loke e ta hasi ta revelá ki sorto di persona e ta. Lesa Mateo 7:21. Despues, analisá e siguiente pregunta:
-
Kiko Hesus ta haña mas importante, ku nos ta bisa ku nos ta kere den dje òf ku nos ta demostrá esei pa medio di nos echonan?
7. Nan ta stima otro
E promé kristiannan tabata stima otro
Ta bèrdat ku algun kristian a yega di riska nan bida pa otro kristian? Pasa e VIDIO. Despues, analisá e siguiente preguntanan:
-
Den e vidio, kiko a motivá Ruman Lloyd pa riska su bida pa Ruman Johansson?
-
Bo ta kere ku loke Ruman Lloyd a hasi ta algu ku un kristian berdadero lo hasi?
Lesa Huan 13:34, 35. Despues, analisá e siguiente preguntanan:
-
Kon e disipelnan di Hesus (e kristiannan berdadero) lo a trata hende di otro nashon òf rasa?
-
Durante guera, kiko amor lo motivá e kristiannan berdadero pa hasi?
LOKE HENDE SA BISA: “No ta importá na ki religion bo ta pertenesé; nos tur ta sirbi e mesun Dios.”
-
Ki teksto bo por usa pa yuda un persona identifiká un berdadero sirbidó di Dios?
RESÚMEN
Kristian berdadero ta obedesé loke Beibel ta bisa. Ademas, nan ta dispuesto pa hasi sakrifisio pa otro kristian pasobra nan ta stima otro. Anto nan ta kompartí e bèrdatnan di Beibel ku otro hende.
Repaso
-
Riba kiko e kristiannan berdadero ta basa nan kreensianan?
-
Ki ta algun kualidat ku ta identifiká un kristian berdadero?
-
Ki trabou e kristiannan berdadero ta hasi?
MAS INFORMASHON INTERESANTE
Siña mas tokante un grupo di persona ku ta hasi esfuerso pa sigui e ehèmpel di Hesus i ta biba segun su siñansanan.
Wak kiko a yuda un sùr bira parti di “un berdadero hermandat mundial.”
“Nan A Usa Beibel pa Kontestá Tur Mi Preguntanan!” (E Toren di Vigilansia di 1 di aprel 2014)
Wak kon kristian berdadero ta mustra amor na nan rumannan ku tin mester di yudansa.
Nos Ta Yuda Nos Rumannan ora Tin Desaster Natural—Fragmento (na spañó) (3:57)
Wak kon e kristiannan berdadero awe ta imitá e promé kristiannan. Ademas, wak ku loke nan ta hasi ta eksaktamente loke Hesus a bisa ku lo identifiká e kristiannan berdadero.
“Kiko Ta Identifiká e Kristiannan Berdadero?” (E Toren di Vigilansia di 1 di mei 2012)
Otro Artíkulo Interesante
PREGUNTA KU HOPI HENDE SA HASI
Kon un Kurso di Beibel Ku Testigunan di Yehova Ta Bai?
Pa sigui un kurso di Beibel interaktivo grátis ku Testigunan di Yehova, bo por usa kualke tradukshon di Beibel ku bo ta preferá. Sinti bo liber pa invitá henter bo famia òf kualke amigu pa sigui e kurso di Beibel huntu ku bo.
