دُنیا چ کروڑاں لوک ایہہ دعویٰ کردے نیں کہ اوہ مسیحی نیں پر اوہناں دے عقیدے اِک دوجے نالوں فرق نیں۔ نالے ایہناں وچوں بوہت سارے لوک پاک کلام چ لکھے اصولاں مطابق زندگی وی نئیں گزاردے۔ تے فیر اَسی کیویں جان سکنے آں کہ سچے مسیحی کون نیں؟‏

1.‏ اِک مسیحی ہون دا کیہہ مطلب اے؟‏

اِک مسیحی یسوع مسیح دا شاگرد ہوندا اے۔ (‏اعمال 11:‏26 نُوں پڑھو۔)‏ یسوع نے کہیا سی کہ جے تُسی میری تلیم تے عمل کردے رہوو گے تے فیر تُسی واقعی میرے شاگرد ہووو گے۔‏ (‏یوحنا 8:‏31‏)‏ ایس لئی اِک مسیحی لئی ضروری اے کہ اوہ مسیح دی تلیم تے عمل کرے۔ نالے اِک سچامسیحی یسوع وانگوں خدا دے کلام وچوں ای تلیم دیندا اے۔ تے اوہدے عقیدے وی خدا دے کلام دے مطابق ہوندے نیں۔—‏لُوقا 24:‏27 نُوں پڑھو۔‏

2.‏ سچے مسیحی اِک دُوجے لئی محبت کیویں ظاہر کر دے نیں؟‏

یسوع مسیح نے اپنے شاگرداں نُوں حکم دِتا سی کہ تُسی اِک دوجے نال اُنج ای محبت کرو جیویں میں تواڈے نال محبت کیتی اے۔‏ (‏یوحنا 15:‏12‏)‏ یسوع نے اپنے شاگرداں لئی فرق فرق طریقیاں نال محبت ظاہر کیتی۔اوہ اپنے شاگرداں نال وقت گزار دا سی، اوہناں دا حوصلہ ودھاندا سی تے اوہناں دی مدد کردا سی۔اوہنے تے اپنی جان تک اوہناں لئی قربان کر دِتی۔ (‏1-‏یوحنا 3:‏16‏)‏ ایسے طرحاں سچے مسیحی وی صرف موُنہوں ای نئیں کہندے کہ اوہ اِک دوجے نُوں محبت کردے نیں سگوں اوہ کر کے وی وکھاندے نیں۔ اوہ اِک دُوجے دی مدد کرن لئی ہمیشاں تیار رہندے نیں۔‏

3.‏ سچے مسیحی کیہڑا کم جی جان نال کردے نیں؟‏

جدوں یسوع زمین تے سی تے اوہنے اپنے شاگرداں نُوں گھلیا تاکہ اوہ خدا دی بادشاہی دی مُنادی کرن۔‏ (‏لُوقا 9:‏2‏)‏ ایس لئی شاگرداں نے عبادت‌گاہواں چ، گھراں چ تے گلیاں بازاراں چ بادشاہی دی مُنادی کیتی۔ (‏اعمال 5:‏42؛‏ 17:‏17 نُوں پڑھو۔)‏ ایسے طرحاں اَج سچے مسیحی وی جتھے جتھے لوکاں نال گل بات کرنا ممکن ہوندا اے اوتھے جا کے بادشاہی دی مُنادی کردے نیں۔ اوہ لوکاں نُوں بوہت پیار کردے نیں۔ ایس لئی اوہ خدا دے پاک کلام چوں اوہناں نُوں امید تے تسلی دا پیغام دین لئی اپنا سب کجھ قربان کرن لئی تیار رہندے نیں۔—‏مرقس 12:‏31‏۔‏

 ہور سوچ‌وچار لئی

4.‏ سچے مسیحی بائبل چ پائی جان والیاں سچائیاں نُوں سمجھن دی کوشش کردے نیں

5.‏ سچے مسیحی دُوجیاں نُوں بائبل چ پائی جان والیاں سچائیاں دی تلیم دیندے نیں

 6.‏ سچے مسیحی دُوجیاں نُوں جیہڑی تلیم دیندے نیں اوہدے تے آپ وی عمل کردے نیں

ایس ویڈیو چ ویکھو کہ ٹام ناں دے اِک بندے نُوں ایس گل دا یقین کیویں ہویا کہ اوہنوں سچا مذہب مل گیا اے۔ ویڈیو چلاؤ تے فیر ایہناں سوالاں تے گل بات کرو:‏

• کیس وجہ توں ٹام دا مذہب توں بھروسا اُٹھ گیا سی؟‏

• ٹام نُوں ایس گل تے یقین کیوں اے کہ اوہنوں سچے مسیحی لبھ گئے نیں؟‏

کسے بندے دِیاں گلاں توں نئیں سگوں اوہدے کماں توں پتہ چلدا اے کہ اوہ سچا اے یاں جھوٹھا۔ متی 7:‏21 نُوں پڑھو تے فیر ایس سوال تے گل بات کرو:‏

• یسوع مسیح دی نظر چ کیہڑی گل زیادہ ضروری اے؟ ایہہ کہ اَسی بس مسیحی ہون دا دعویٰ کرئیے یاں فیر ایہہ کہ اَسی اپنے کماں توں ثابت کرئیے کہ اَسی سچے مسیحی آں؟‏

7.‏ سچے مسیحی اِک دُوجے نال محبت کر دے نیں

• سچے مسیحی دُوجیاں قوماں تے نسلاں دے لوکاں نال کیویں پیش آندے نیں؟‏

• جنگ دے دوران سچے مسیحی دُوجیاں لئی محبت کیویں ظاہر کردے نیں؟‏

 خلاصہ

سچے مسیحی بائبل دی تلیم تے چلدے نیں، خدا دی بادشاہی دی مُنادی کردے نیں تے اِک دُوجے نال دلوں محبت کردے نیں۔‏

دہرائی

• سچے مسیحیاں دے عقیدے کدے مطابق ہوندے نیں؟‏

• سچے مسیحیاں چ کیہڑی خاص خوبی ہوندی اے؟‏

• سچے مسیحی کیہڑا خاص کم کردے نیں؟‏