Aramas lik kei kin nda me dene irail Kristian. Ahpw dahme irail koaros kin kamehlele oh koasoandi me irail kin mourki sohte kin duwepenehte. Eri, ia duwen atail kak kasawihada Kristian mehlel kan?

1. Dahkot Kristian?

Kristian kan iei sapwellimen Sises Krais tohnpadahk de irail akan me kin idawehn ih. (Wadek Wiewia 11:26.) Ia duwen ar kin kasalehda me irail iei sapwellimen Sises tohnpadahk? E mahsanih: “Ma kumwail kin kapwaiada ei mahsen kan ahnsou koaros, kumwail iei uhdahn nei tohnpadahk.” (Sohn 8:31) Met wehwehki me Kristian mehlel kan anahne peikiong sapwellimen Sises padahk kan. Ahnsou koaros Sises kin ketin padahngki dahme Paipel mahsanih. Kristian mehlel kan pil kin wia soahngohte.​—Wadek Luk 24:27.

2. Ia duwen Kristian mehlel kan ar kin kasalehda limpoak?

Sises mahsanihong sapwellime tohnpadahk kan: “Kumwail poakohng emenemen duwehte ei kin poakohng kumwail.” (Sohn 15:12) Ia duwen Sises eh ketin kasalehda me e poakohng sapwellime tohnpadahk ko? E kin ketin wiahda ahnsou en mihmi rehrail, kangoange irail oh sewese irail. E pil ketin tounmeteikihla sapwellime mour ong irail. (1 Sohn 3:16) Duwehte Sises, Kristian mehlel kan sohte kin koasoiahte duwen limpoak. Re kin kasalehda sang ni ar lokaia oh wiewia kan me re kin poakpene.

3. Doadoahk dah me Kristian mehlel kan kin soupisengki?

Sises ketikihong sapwellime tohnpadahk kan doadoahk ehu. ‘E poaroneirailla ren kalohki Wehin Koht.’ (Luk 9:2) Tepin Kristian kan sohte kin kalohkte nan ar wasahn kaudok kan ahpw re pil kin kalohk wasa kan me aramas kin pokonpene oh pil ni imwen aramas akan. (Wadek Wiewia 5:42; 17:17.) Pil duwehte Kristian mehlel kan rahnwet, re kin lohkihong aramas akan padahk mehlel nan Paipel wasa koaros. Re poakohng aramas akan, kahrehda re kin perenki doadoahngki ar ahnsou oh kehl pwe ren ehukihong irail rohng en Paipel kan me kin kihda koapworopwor oh nsenamwahu.​—Mark 12:31.

 KALAUDEHLA OMW ESE MET

4. Re kin rapahki padahk mehlel nan Paipel

5. Re kin kalohki padahk mehlel nan Paipel

 6. Re kin kapwaiada dahme re kin kalohki

Dahme kamehlelehiong ohl emen me adaneki Tom me e diaradahr pelien lamalam en Kristian mehlel? Kilang KISIN KASDO, oh mwuri koasoiapene peidek pwukat.

• Sang nan kisin kasdou, dahme kahrehiong Tom en nsensuwedkihla pelien lamalam?

• Dahme kamehlelehiong ih me e diaradahr padahk mehlel?

Wiewia kesempwalsang lokaiahte. Wadek Madiu 7:21, oh mwuri koasoiapene peidek wet:

• Mehnia me uhdahn kesempwal ong Sises​—dahme kitail kin nda me kitail kamehlele de dahme kitail kin kadehdehda sang ni atail wiewia kan?

7. Re kin poakpene

• Dahme sapwellimen Sises tohnpadahk kan (Kristian mehlel kan) pahn kin wiahiong aramas akan sang keinek de wehi teikan?

• Dahme re pahn wia ni ahnsoun mahwen?

 DAHME KE SUKUHLKIER

Kristian mehlel kan kin peikiong dahme Paipel mahsanih, kasalehda limpoak en tounmetei, oh kalohki padahk mehlel nan Paipel.

Kousapahl

• Dahme Kristian mehlel kan kin padahngki?

• Dahme Kristian mehlel kan kin kasalehda sang ni ar wiewia kan?

• Doadoahk dah me Kristian mehlel kan kin wia?