LECCIÓN 18
¿Pikunataj cheqa cristianos kanku?
Ashkha runasqa Diosta yupaychasqankuta nispapis, mana kikin creenciasniyojchu kanku, nitaj Bibliaj nisqanman jinachu kausakunku. Chayrayku kaypi yachakusun pikunachus cheqa cristianos kasqankuta.
1. ¿Imaynataj cheqa cristianos kanku?
Cheqa cristianosqa Jesuspa discipulosnin chayri yachachisqasnin kanku (Hechos 11:26 leey). ¿Imaynatá paypa discipulosnin kasqankuta rikuchinku? Jesuspa kamachiykunasninta kasukuspa. Jesús paykunaman nerqa: “Nisqasniytachus kasukullankichejpuni chayqa, cheqamanta discipulosniy kankichej”, nispa (Juan 8:31). Chayrayku cheqa cristianosqa Jesús jina Diospa Palabranmantapuni yachachinku (Lucas 24:27 leey).
2. ¿Imaynatataj cheqa cristianos munanakusqankuta rikuchinku?
Cheqa cristianosqa parlasqankuwan ruwasqankuwan munanakusqankuta rikuchinku. Paykunaqa Jesús jinapuni ruwanku. Jesusqa kay kamachiyta discipulosninman qorqa: “Purajmanta munanakuychej, imaynatachus noqa munakuykichej ajinata”, nispa (Juan 15:12). ¿Imaynatá Jesús discipulosninta munakusqanta rikucherqa? Imatachus ruwasqanwan. Payqa discipulosninpaj tiempochakoj, kallpacharej, yanaparej ima. Chantapis kausayninta paykunarayku qorqa (1 Juan 3:16).
3. ¿Ima llankʼaytataj cheqa cristianos japʼinku?
Jesusqa discipulosninta “kacharqa Diospa Gobiernonmanta willamunankupaj” (Lucas 9:2). Chay llankʼayllatataj cheqa cristianospis japʼinku. Paykunaqa tukuynejpi runasman Bibliamanta parlarinku. Runa masinkuta munakusqankurayku tiemponkuta, kallpankuta ima churanku Bibliawan paykunata sonqocharinankupaj, jamoj sumaj kausaymanta willarinankupaj ima (Marcos 12:31). Ñaupa tiempomanta cristianospis ajinallatataj ruwarqanku. Paykunaqa mana maypichus Diosta yupaychanapaj tantakoj kanku chayllapichu predicaj kanku. Predicallajtaj kanku plazaspi, mercadospi, wasimanta wasi ima (Hechos 5:42; 17:17 leey).
ASTAWAN YACHAKUNA
Kaypi yachakusun ashkha runasqa mana Jesuspa yachachisqantachu yachachisqankuta, nitaj pay jinachu ruwasqankuta. Yachakullasuntaj cheqa cristianos imaynachus kasqankuta.
4. Cheqa cristianosqa Bibliaj nisqanta kasukunku
Ñaupa tiempomanta cristianosqa Diospa Palabranta jatunpaj qhawaj kanku.
Mana tukuy “cristianos kayku” nejkunachu Bibliaj nisqanta entiendenku, nitaj Bibliaj nisqantapis kasukunkuchu. VIDEOTA qhawariychej, chantá yachakojta tapuriy.
-
¿Imaynasmantataj ashkha iglesias runasta Diosmanta karunchasqanku?
Jesusqa Diospa Palabranmantapuni yachacherqa. Juan 18:37 leeriychej, chantá yachakojta tapuriy:
-
Jesús nisqanman jina, ¿imatataj uj cheqa cristiano ruwaj kasqa?
5. Cheqa cristianosqa Bibliawanpuni predicanku
Ñaupa tiempomanta cristianosqa predicaj kanku.
Jesusqa kay jallpʼapi kashaspa discipulosninman uj llankʼayta qorqa. Chay llankʼaytaj kunankama ruwakushallanpuni. Mateo 28:19, 20; Hechos 1:8 leeriychej, chantá yachakojta tapuriy:
-
¿Maykʼajkamataj predicanallanchejpuni kasqa? Chanta, ¿maykamataj willayninchejwan chayananchej kasqa?
6. Cheqa cristianosqa predicasqankuman jina kausakunku
Tom sutiyoj runaqa cheqa kajta tarisqanta nin. VIDEOTA qhawariychej, chantá yachakojta tapuriy.
-
¿Imaraykutaj Tom manaña ni mayqen iglesiamanta yachayta munasqachu?
-
¿Imataj yanaparqa pikunachus cheqa cristianos kasqankuta reparananpaj?
Cheqa cristianosqa yachachisqankuman jina kausakunku. Mateo 7:21 leeriychej, chantá yachakojta tapuriy:
-
¿Imataj aswan sumaj Jesuspaj kasqa, “Señor, Señor” ninanchejchu chayri Diospa munayninta ruwananchejchu?
7. Cheqa cristianosqa purajmanta munanakunku
Ñaupa tiempomanta cristianosqa purajmanta munanakoj kanku.
Cheqa cristianosqa kausayninkuta wañuy pataman churanku hermanosninkurayku. VIDEOTA qhawariychej, chantá yachakojta tapuriy.
-
¿Imaraykutaj hermano Lloyd, hermano Johanssonta jarkʼarqa?
-
¿Pikunallataj chayta ruwanku?
Juan 13:34, 35 leeriychej, chantá yachakojta tapuriy:
-
Cheqa cristianos, ¿waj colorniyoj runasta chayri waj llajtayoj runasta chejnikunkuchu?
-
Maykʼajllapis guerra kajtin, ¿imatataj cheqa cristianos mana ruwankumanchu munakuyniyoj kasqankurayku?
WAKIN RUNAS NINKU: “Waj iglesiamanta kaspapis tukuy uj Diosllata yupaychanchej”, nispa.
-
Ajinata nisojtinku, ¿Bibliamanta ima versiculotataj rikuchiwaj imatachus uj cheqa cristiano ruwanan kasqanta rikuchinaykipaj?
¿IMASTÁ YACHAKUNCHEJ?
Kaypi yachakunchej cheqa cristianosqa Bibliaj nisqanta kasukusqankuta, runa masinkuta munakusqankuta, Bibliamantapuni yachachisqankuta ima.
Yuyarikunapaj
-
¿Cheqa cristianos Bibliaj nisqanman jinapunichu ruwanku?
-
¿Imayna runastaj cheqa cristianos kanku?
-
¿Ima llankʼaytataj cheqa cristianos ruwananku tiyan?
ASTAWAN YACHAKUNAYKIPAJ
¿Pikunataj Jesús jina ruwanku, yachachinku ima? Chayta yachanaykipaj kay videota qhawariy.
Uj monja Jehovaj testigonman tukorqa. Paymanta astawan yachanaykipaj kayta leeriy.
“Tapuykunasniyman Bibliawanpuni kutichiwarqanku” (Torremanta Qhawaj, 1 de abril de 2014)
Cheqa cristianosqa hermanosninkuta munakunku, yanaparinkutaj. Chayta kay videopi qhawariy.
Hermanosniykuta llakiypi tarikojtinku yanapariyku (uj chhikan) (3:57)
¿Imayna runastaj ñaupa tiempomanta cristianos karqanku? Chanta, ¿imayna runastaj kay tiempomanta cristianos kanku? Chayta yachanaykipaj kayta leeriy.
“¿Qué identifica a los cristianos verdaderos?” (La Atalaya, 1 de marzo de 2012)
Kaykunatapis qhawaykurillawajtaj
¿IMATÁ TAPUKUNKU JEHOVAJ TESTIGOSNINMANTA?
¿Imaynatá Jehovaj testigosnin Bibliamanta yachachinku?
Jehovaj testigosnenqa, gratis Bibliamanta yachachiyku, qanpis gustasusqan Bibliawan yachakuyta atiwaj. Chantapis familiaykita, amigosniykitapis invitariwaj qanwan khuska yachakunankupaj.
