YACHAI 18
¿Picunataj Jesusta alli catincuna?
Achca gentecunaca: “Jesusta o Cristotami catinchij” nincunami. Chashna nishpapish mana shujlla yuyaita charincunachu. Paicunaca chꞌican chꞌican crishcacunatami charincuna. Shinaca ¿Jesusta alli catijcunataca ima shinataj rijsi tucunchij?
1. ¿Cristota alli catij canaca imatataj nisha nin?
Cristota alli catijca pai shina causangapaj, paipaj yachachishcacunatapish cazungapaj esfuerzota ruraj cashcatami nisha nin (Hechos 11:26-ta liyipai). Jesusca: “Ñuca yachachishcacunata catirashpaca, ñuca yachacujcunatajmi canguichij” nircami (Juan 8:31). Jesusca Dios quillcachishcacunamantami yachachij carca. Chaimantami paita alli catijcunapish Bibliapi yachachishcacunalla crincuna (Lucas 24:27-ta liyipai).
2. ¿Jesusta alli catijcunaca ima shinataj cꞌuyaita ricuchincuna?
Jesusca paita catijcunataca: “Ima shinami ñuca cancunata cꞌuyarcani, chashnallataj cancunapish caishuj chaishuj cꞌuyanacuichij” nishpami mandarca (Juan 15:12). ¿Jesusca paita catijcunata cꞌuyashcataca ima shinataj ricuchirca? Jesusca paicunahuanmi tiempota pasarca. Paicunata animarca, ayudarca, paicunamantapish huañurca (1 Juan 3:16). Jesús shina paita alli catijcunaca ruraicunahuanmi paicunapura cꞌuyanacushcata ricuchincuna.
3. ¿Jesusta alli catijcunaca imatataj rurancuna?
Jesusca paita catijcunamanca, ‘Diospaj Gobiernomanta huillachunmi’ mingarca (Lucas 9:2, NWT). Jesusta punta catijcunaca mana Tandanacuna Huasicunallapichu huillajcuna carca. Paicunaca huasin huasin rishpa, gentecuna tiyan ladocunaman rishpami huillajcuna carca (Hechos 5:42 y 17:17-ta liyipai). Cunan punllacunapipish Jesusta catijcunaca gentecuna tiyaj ladocunapimi Bibliamanta yachachincuna. Paicunaca shujtajcunata cꞌuyashcamantami paicunapaj tiempohuan, fuerzahuan Bibliamanta yachachishpa cushichincuna, esperanzatapish cuncuna (Marcos 12:31).
ASHTAHUAN YACHAI
Huaquin gentecunaca Jesuspaj ejemplota, paipaj yachachishcacunatapish mana catincunachu. Jesusta alli catijcunaca paicunamanta imapi chꞌican cashcata ricushun.
4. Bibliamanta yachangapajmi esfuerzota rurancuna
Jesusta punta catijcunaca Diospaj Shimitami valorajcuna carca.
Huaquincunaca Jesusta alli catinchij nishpapish Biblia yachachishcacunataca mana valorancunachu. VIDEOTA ricui. Qꞌuipaca cai catij tapuitami yachashun:
-
¿Huaquin iglesiacunapica Jesuspaj yachachishcacunata gentecuna ama yachachunca ima shinataj jarcarcacuna?
Jesusca Diospaj Shimi mana llulla cashcatami yachachirca. Juan 18:37-ta liyipai. Qꞌuipaca cai catij tapuitami yachashun:
-
¿Jesús nishca shinaca ‘mana llullapaj cajcunaca’ imatataj rurancuna?
5. Bibliamantami yachachincuna
Jesusta punta catijcunaca shujtajcunamanmi yachachijcuna carca.
Jesús manaraj jahua pachaman rishpaca paipaj catijcunamanmi Diosmanta yachachichun mandarca. Cunancamami chai obrata rurancuna. Mateo 28:19, 20 y Hechos 1:8-ta liyipai. Qꞌuipaca cai catij tapuitami yachashun:
-
¿Jesusta catijcunaca ima horacama, maicamataj huillana can?
6. Jesusta alli catijcuna cashcataca ruraicunahuanmi ricuchincuna
¿Tom shuti runaca alli religionta tarishcataca imamantataj seguro carca? VIDEOTA ricui. Qꞌuipaca cai catij tapuicunatami yachashun:
-
Videopi ricushca shinaca ¿Tomca imamantataj religioncunamanta caruyarca?
-
¿Tomca imamantataj alli religionta tarishcata seguro carca?
Imata nishpaca ruraicunahuanmi ricuchina canchij. Mateo 7:21-ta liyipai. Qꞌuipaca cai catij tapuitami yachashun:
-
¿Jesusca imatataj ashtahuan valichin shimihuan nishcallata o ruraicunahuan ricuchishcata?
7. Caishujmanta chaishujmantami cꞌuyanacuncuna
Jesusta punta catijcunaca cꞌuyanacushpami causarcacuna.
Jesusta alli catijcunaca paicunapaj huauqui panicunamantami llaquita apashcacuna. VIDEOTA ricui. Qꞌuipaca cai catij tapuicunatami yachashun:
-
¿Lloyd shuti huauquica imamantataj Johansson huauquimanta paipaj causaita cusha nirca?
-
¿Huauqui Lloydca Jesusta alli catij cashcatachu ricuchirca?
Juan 13:34, 35-ta liyipai. Qꞌuipaca cai catij tapuicunatami yachashun:
-
¿Jesusta alli catijcunaca shujtaj ladomanta cajcunataca ima shinataj tratana can?
-
¿Guerracuna tiyajpica paicunaca ima shinataj shujtajcunata cꞌuyashcata ricuchin?
HUAQUINCUNACA: “Jesustami catinchij nishpapish millaita rurashpami causancuna. ¿Paicunaca maitataj Jesusta alli catijcuna cangari?” nincunami.
-
¿Picuna Jesusta alli catijcuna cashcata ricuchingapajca ima versotataj liyinguiman?
YUYARISHUNCHIJ
Jesusta alli catijcunaca Bibliapi imata yachachishcatami cazuncuna. Chaimantami shujtajcunata cꞌuyashpa tucuita rurancuna, Bibliamantapish yachachincuna.
Yuyaringapaj tapuicuna
-
¿Jesusta alli catijcunapaj crishcacunaca maipitaj can?
-
¿Jesusta alli catijcunaca imatataj ricuchincuna?
-
¿Ima obratataj rurancuna?
CAICUNATAPISH RICUI
Jesuspaj ejemplota catijcunata, paipaj yachachishcacunatapish catijcunata ashtahuan rijsi.
Shuj huarmica monjami carca. Pai Jesusta alli catijcunata ima shina rijsishcata liyi.
“Ñuca tapuicunataca Bibliahuanmi cutichircacuna” (Huillaj, 1 de abril de 2014)
Jesusta alli catijcuna huauqui panicunata ima shina ayudajta ricui.
Llaquicuna tiyajpica huauquicunatami ayudanchij (shuj partella) (3:57)
Jesusca paita alli catijcunaca ima shina canatami huillarca. Punta catijcunapaj punllacunapipish cunan punllacunapipish Diosta ima shina adoracushcata yachai.
“¿Jesusta catinchij nijcunaca ciertotachu Jesusta alli catin?” (Huillaj, 1 de marzo de 2012)
Puede que también le interese
GENTECUNA RURASHCA TAPUICUNA
¿Testigo de Jehovacunaca ima shinataj Bibliamanta yachachincuna?
Testigo de Jehovacunahuan Bibliamanta gratis estudiacushpaca can charishca Bibliatami utilizai tucungui. Cambaj familiata o cambaj amigocunatapish canta compañachun invitai tucungui.
