LECCIÓN 18
¿Verdadero cristianogunadaga imashinadi rrijsi pudinchi?
Ashca millón gentegunami cristianos ganchi nin, pero na tucuigunallu mismas creencias y mismo yuyaigunadallu charin. Shinaga, ¿imashinadi majinguna verdaderos cristianoguna gashcada yachai pudinchi?
1. ¿Verdadero cristianoga imashinadi gan?
Cristianogunaga Jesusbu discipuloguna o paida catijgunami gan (Hechos 11:26-da liyi). ¿De verdad Jesusda catijguna gashcadaga imashinadi rricuchin? Jesusga nircami: “Ñuca yachachishcagunada siempre cazushaga, ñuca discipulogunami ganguichi” (Juan 8:31). Caiga Jesusbu verdadero catijgunaga pai yachachishcagunada cazuna gashcadami nisha nin. Verdadero cristianogunaga Jesús shinami Biblia yachachishcabi crinajun (Lucas 24:27-da liyi).
2. ¿Verdadero cristianogunaga imashinadi juyaida rricuchinajun?
Jesusga paibu discipulogunamunga caida rrurrallunmi mandarca: “Ñuca juyashca shinalladi caishuj chaisuj juyaichi” (Juan 15:12). ¿Jesusga imashinadi paibu discipulogunada juyashcada rricuchirca? Paigunaun pasangabu tiempoda surcurca, animarca, ayudarca y hasta paigunamunda huañurca (1 Juan 3:16). Jesús shinami verdadero cristianogunaga na solo juyaimunda parrlan, nishcagunaun y rrurraigunaunmi juyaidaga rricuchin.
3. ¿Verdadero cristianogunaga ima importante trabajodadi rrurran?
Jesusga paibu discipulogunamunga shuj importante trabajoda rrurrallunmi mingarca, “Diosbu Gobiernomunda predicallun cacharca” (Lucas 9:2). Jesusda punta catijgunaga na solo Diosda adorana huasibi predicarca, sino plazagunabi, callegunabi y huasin huasin rrishmi predicarca (Hechos 5:42; 17:17-da liyi). Cunun funchagunabish verdadero cristianogunaga genteguna tiyashca puestogunabimi Biblia yachachishcagunada predican. Gentegunada juyashcamundami Bibliabu esperanza y consueloda predicangabu paigunabu tiempo y fuerzasda utilizan (Marcos 12:31).
CAI TEMAMUNDA MÁS YACHASHUNCHI
Jesusbu yachachishcagunada na catij gentegunamunda, verdadero cristianoguna imabi diferente gashcada rricushun.
4. Bibliabimi verdadta mascan
Jesusda catij punta cristianogunaga Diosbu palabra valishca gashcadami rricuchirca.
Cristianoguna ganchi nishash, huaquingunaga Bibliabu yachachishcagunadaga na rrijsinllu. VIDEODA rricush caimunda parrlaichi:
-
Cristianoguna ganchi nij huaquin iglesiagunaga Jesusbu yachachishcagunada genteguna ama yachallunmi jarcaigunada churarca, ¿imashinadi chaida rrurranajurca?
Jesusga Diosbu palabrabi tiyaj verdadta yachachirca. Juan 18:37-da liyish, chaimunda parrlaichi:
-
Jesús nishca shinaga, ¿“verdadta yachachij” cristianogunaga pigunashi gan?
5. Bibliamunda verdadta predican
Jesusda catij punta cristianogunaga cutishujgunamunmi predicanajurca.
Jesusga jahua cielomun narij rrishmi, paibu discipulogunamunga shuj trabajoda mingarca, chaidaga cunun funchagamami rrurranajun. Mateo 28:19, 20 y Hechos 1:8-da liyish, chaimunda parrlaichi:
-
¿Cai textogunabi nishca shinaga, ima horagama y maigamadi predicana ganchi?
6. Alli ejemplounmi predicanajun
¿Verdadero cristianogunada tarishcamundaga Tom shuti jariga imamundadi seguro garca? VIDEODA rricush caimunda parrlaichi:
-
Videobi rricushca shinaga Tom shuti jariga, ¿imamundadi religiongunamundaga ña na yachasha nirca?
-
¿Tom jariga verdadta tarishcadaga imamundadi seguro gan?
Ima parrlashcagunadaga rrurraigunaunmi rricuchina gan. Mateo 7:21-da liyish, chaimunda parrlaichi:
-
¿Jesusbuga imadi más importante gan: Ñucunchi shimillaun crishcada nina o ñucunchi rrurraigunaun rricuchina?
7. Caishuj chaishujmi juyanajun
Jesusda catij punta cristianogunaga caishuj chaishujmi juyanajurca.
¿Cristianogunaga paigunabu huauquipanigunamunda causaida cungabu dispuestollu gan? VIDEODA rricush caimunda parrlaichi:
-
¿Johansson huauquimunda Lloyd huauquiga imamundadi paibu causaida peligrobi churarca?
-
¿Verdadero cristiano shina comportarishcadallu cringui?
Juan 13:34, 35-da liyish, chaimunda parrlaichi:
-
¿Jesusda verdadero catijgunaga cutishuj llactamunda, cutishuj razamunda gentegunadaga imashinadi tratana gan?
-
¿Guerraguna tiyajpiga imashinadi alli tratana gan?
HUAQUINGUNAGA NINMI: “Cristianogunaga malo cosasgunadami rrurranajushca. ¿Chaiga imadi verdadero religión gangari?”.
-
¿Verdadero cristianoguna piguna gashcada rricuchingabuga majin textodadi utilizanguimun?
RESUMEN
Verdadero cristianogunaga Biblia yachachishcadami catin, cutishujgunada juyashcamundami sacrificiogunada rrurran, chaimundami Biblia verdadta nishcada predican.
Repaso
-
¿Verdadero cristianogunaga imabidi criin?
-
¿Verdadero cristianogunaga ima cualidadgunadadi rricuchin?
-
¿Ima trabajodadi rrurran?
ASHTAUN YACHAI
Jesucristobu yachachishcagunada, y paibu ejemploda catij gentegunada rrijsi.
Monja tucushca shuj huarmi imashina “verdadera familia espiritualda” tarishcada rricui.
“Contestaron todas mis preguntas con la Biblia” (La Atalaya, 1 de abril de 2014)
Verdadero cristianoguna paigunabu huauquipaniguna ayudallun ministijpi imashina juyaiun ayudashcada rricui.
Ayudamos a nuestros hermanos cuando se produce un desastre (fragmento) (3:57)
Jesusga paibu catijguna imashina gana gashcadami nirca, y cunun funchagunash verdadero cristianoguna imashina gashcada yachai.
“¿Qué identifica a los cristianos verdaderos?” (La Atalaya, 1 de marzo de 2012)
