18 YACHACHIKUY
¿Imaynan kanku cheqaq cristianokuna?
Askha runakunan ninku: “Noqaqa iñinin Cristopiqa”, nispa. Ichaqa chay runakunaqa manan kaqllatachu Bibliamanta yachachinku, manataqmi Bibliapi kaq kamachikuykunatapas kasukunkuchu. Chhaynaqa, ¿imaynapitaq yachasunman pikunapunichus cheqaq cristianokuna kanku chayta?
1. ¿Imaynatan kausanku cheqaq cristianokuna?
“Cristiano” nispaqa nikun Jesusta qatikuqkunatan, paypa discipulonkunatan (leey Hechos 11:26). Jesusmi paykunata nirqan: “Sichus yachachisqayta waqaychallankichispuni chayqa, cheqaqtapunin discipuloykuna kankichis”, nispa (Juan 8:31). Chhaynaqa Jesusta cheqaq qatikuqkunaqa paypa yachachisqanman jinan kausananku. Chaymantapas, imaynan Jesuspas ruwarqan jinatan Bibliaq nisqanman jinapuni imatapas yachachinanku (leey Lucas 24:27).
2. ¿Imaynatan cheqaq cristianokuna rikuchinku munanakusqankuta?
Jesusmi discipulonkunata kamachirqan: “Jujkuna-jujkunawanmi munanakunkichis, imaynan noqapas qankunata munakuykichis jinata”, nispa (Juan 15:12). Jesusqa munakurqanpunin qatikuqninkunata, chaymi paykunawan tiempota pasaq, paykunatan yanapaq kallpachaq ima, chaymantapas paykunaraykun wañurqan (1 Juan 3:16). Jesusta qatikuqkunapas chhayna munakuqmi kananku, manan simillawanchu “munakuykin” ninakunanku, aswanpas ruwayninkuwanmi chaytaqa rikuchinanku.
3. ¿Ima ruwaypin cheqaq cristianokuna astawan llank’ananku?
Jesusmi qatikuqninkunata kamachirqan “Diospa gobiernonmanta willamunankupaq” (Lucas 9:2). Chay tiempopi Jesuspa qatikuqninkunaqa manan juñunakunanku wasillapichu Diosmanta willaqku, aswanpas tukuy ladopin. Plazakunapi, mercadokunapi, runakunaq wasinpi iman yachachiqku (leey Hechos 5:42; 17:17). Kay tiempopipas Jesusta cheqaq qatikuqkunaqa llapa runakunamanmi Diosmanta willananku. Paykunaqa runamasinkuta munakusqankuraykun tiemponkuta t’aqanku runakunata Bibliaq nisqanwan kallpachanankupaq, sumaq kausaymanta willanankupaqwan (Marcos 12:31).
ASTAWAN YACHASUNCHIS
¿Imaynan Jesusta cheqaq qatikuqkuna kanku? ¿Imaynan yanqalla “Jesustan qatikuni” niqkuna kanku? Chaykunamantan kunan yachasunchis.
4. Jesusta cheqaq qatikuqkunaqa allintan Bibliata t’aqwinku
Ñaupaq tiempopi Jesuspa discipulonkunaqa Diospa Simintan anchata valoraqku.
Yanqalla “cristianon kayku” niqkunaqa manan llapankuchu Bibliaq yachachisqanta kasukuyta munanku. VIDEOTA qhawaychis, jinaspa jamuq tapuyman jina parlariychis:
-
¿Imatan ruwarqanku “cristianon kayku” niq religionkuna Jesuspa yachachikuyninkuna ama jujkunaman chayananpaq?
Jesusqa Bibliaq nisqanman jinapunin yachachiq. Leeychis Juan 18:37 textota, jinaspa jamuq tapuyman jina parlariychis:
-
Jesuspa nisqan jina, ¿imaynan kanku “cheqaq kaqman jina kausaq” cristianokuna?
5. Bibliaq yachachisqantan jujkunaman willanku
Ñaupaq tiempopi Jesuspa discipulonkunaqa Diosmantan jujkunaman yachachiqku.
Manaraq janaq pachaman ripushaspan Jesusqa qatikuqninkunaman juj jatun llank’ayta saqerqan, chay llank’aytaqa kunankamapas ruwakushallanmi. Leeychis Mateo 28:19, 20; Hechos 1:8 textokunata, jinaspa jamuq tapuykunaman jina parlariychis:
-
¿Jayk’aqkaman Jesusta qatikuqkuna Diosmanta willananku karqan? ¿Maykaman chayananku karqan?
6. Yachachisqankuman jinan kausanku
Yachasunchis Tom sutiyoq runamanta, payqa anchatan kusikurqan Diospa cheqaq llaqtan tarisqanmanta. VIDEOTA qhawaychis, jinaspa jamuq tapuykunaman jina parlariychis:
-
Chaypi rikukusqanman jina, ¿imaraykun Tom manaña religionkunamanta yachayta munarqanchu?
-
¿Imaynapin Tom tarirqan Diospa cheqaq llaqtanta?
Yachachisqanchisman jinan kausananchis. Leeychis Mateo 7:21 textota, jinaspa jamuq tapuyman jina parlariychis:
-
¿Iman Jesuspaq aswan allin kanman: simillanchiswan “Diostan munakuni” niychu, icha Diospaq jina kausasqanchischu?
7. Munanakuspan sumaqta kausanku
Ñaupaq tiempopi Jesuspa discipulonkunaqa paykunapuran munanakuqku.
Jesusta cheqaq qatikuqkunaqa wañuytapas mana manchakuspan iñiqmasinkuta yanapanku. VIDEOTA qhawaychis, jinaspa jamuq tapuykunaman jina parlariychis:
-
¿Imatan ruwarqan hermano Lloyd juj hermanota wañuchinanku kashaqtin? ¿Imaraykun chayta ruwarqan?
-
¿Piqpa yachachisqanman jinan hermano Lloyd ruwarqan?
Leeychis Juan 13:34, 35 textokunata, jinaspa jamuq tapuykunaman jina parlariychis:
-
¿Imaynatan Jesusta cheqaq qatikuqkuna qhawarinanku waj llaqtayoq runakunata, juj colorniyoq runakunatapas?
-
Guerraña kanman chaypas, ¿imatan ruwanankupuni Jesusta qatikuqkuna?
WAKIN RUNAKUNAN NINKU: “Cristianokunaqa imaymana mana allinkunatamá ruwarqanku, ¿chaychu maypipas cheqaq religión kankuman?”, nispa.
-
¿Bibliapi ima textowanmi chhayna niqkunata reparachiwaq pikunachus Jesusta cheqaq qatikuqkuna kanku chayta?
IMATAN YACHAMURQANCHIS
Jesusta cheqaq qatikuqkunaqa Bibliaq yachachisqanman jinan kausanku, runakunata munakusqankuraykun imaymanata ruwanku, Diosmantapas lliumanmi willanku.
Yuyarisun
-
¿Maymantan jamun cheqaq cristianokunaq ima yachachisqanpas?
-
¿Imayna kasqankupin sut’ita reparasunman pikunachus cheqaq cristianokuna kanku chayta?
-
¿Ima llank’aytan cheqaq cristianokuna astawan ruwashanku?
ASTAWAN YACHANAYKIPAQ
¿Pikunan kallpachakushanku Jesuspa yachachisqanman jina kausanankupaq? Chaymantan kay videopi yachanki.
Juj warmin ñaupaqpi monja karqan, ¿imaynatan pay tarirqan Diospa cheqaq llaqtanta? Chaymantan kaypi yachanki.
“Bibliawanmi llapa tapuyniykunaman kutichiwarqanku” (Qhawaq, 2014 watapi 1 mayo)
Jesusta cheqaq qatikuqkunaqa sasachakuypi tarikuqkunatan yanapanku. Chaymantan kay videopi yachanki.
Imapas kaqtinqa kaq ratun iñiqmasiykuta yanapayku (pisiyachisqa video) (3:57)
¿Imaynan ñaupa tiempopi cristianokuna karqanku? ¿Imaynan kay tiempopi cheqaq cristianokunapas kanku? Chaykunamantan kay qelqapi astawan yachanki.
“¿Imaynan cheqaq cristianokuna kanku?” (Qhawaq, 2012 watapi 1 abril)
Astawan yachanaykipaq
SAPA KUTILLA TAPUKUSQANKU
¿Imaynatan Jehová Diospa testigonkuna Bibliamanta yachachinku?
Jehová Diospa testigonkunawan Bibliata estudiaspaqa, munasqayki Bibliawanmi estudiawaq. Chaymantapas llapa familiaykita amigoykikunata iman invitawaq. Chayqa manan qolqepaqchu.
