18 YACHANA PARTI
Pigunata Jesusta sirtu catinaun
Ashca huaranga runagunami, Jesusta catisha cristiano manchi ninaun. Chasna acpihuas, mana tucuigunachu chillatata quirisha, chasnallata causanaun. Chasna ashaga, piguna Jesusta sirtu caticcuna ashcata imasata yachashun.
1. Sirtu cristianoga pitan
Cristianogunaga Jesucristota catic manaun (Hechos 11:26ta leipai). Sirtu Jesusta caticcuna ashcata, imasata ricuchinaun. Jesus casna nira: “Canguna ñuca rimashca shimigunata casusha causashaga sirtupacha ñucahua quiquin runaguna manguichi” (Juan 8:31). Caiga nisha nin, sirtu cristianogunaga Jesus yachachishcatami casuna anaun. Sirtu Jesusta caticcunaga Biblia nishcatami quirinaun. Jesus shinami, Bibliahuanlla yachachinaun (Lucas 24:27ta leipai).
2. Sirtu cristianogunaga imasata shuccunata llaquishcata ricuchinaun
Jesusca paita caticcunata casna mandara: “Ñuca cangunata llaquishcacuintallata, tucui cangunapura chasnallatas llaquinacusha causaichi” (Juan 15:12). Jesusca imasata paita caticcunata llaquishcata ricuchira. Timputa surcusha, paigunatas sinzhiyachisha yanapara. Paigunamanda paiba causaitas cura (1 Juan 3:16). Jesus shinallata, sirtu cristianogunaga mana llaquinamandalla rimanaunzhu, randi paiguna rashcagunahuan shuccunata llaquishcata ricuchinaun.
3. Sirtu Jesusta caticcunaga ima tarbaitata pundaibi churasha pactachinaun
Jesusca paita caticcunata shuc tarbaitami saquira. ʻDiospa ali mandanamanda yachachigrichi nisha cacharaʼ (Lucas 9:2). Punda Jesusta caticcunaga mana paiguna tandarina huasibillaichu predicac anaura. Randi, ashca runaguna aushca pistuibi, huasi huasibi, runagunata predicangahua ric anaura (Hechos 5:42; 17:17ta leipai). Cunan punzhagunaibihuas, sirtu cristianogunaga runaguna tiashca pistuibimi, Bibliamanda predicanaun. Runagunata llaquishcamanda, paiguna timputa, ursata surcusha, Bibliahuan yachachisha cushiyachisha yanapanaun (Marcos 12:31).
CAIMANDA MASTA YACHAI
Jesus yachachishcata, pai causashca shina mana catic runagunamanda, sirtu cristianogunaga imaibi chican ashcata ricushun.
4. Bibliamanda sirtu yachaita mascanaun
Punda Jesusta caticcunaga Diospa Shimita balichinaura
Mana tucui cristiano manchi niccunachu, Biblia yachachishcata balichinaun. VIDEOTA ricuichi, huasha cai tapuimanda cuintanacuichi:
-
Maican iglesiagunaga, Jesus yachachishca shina, runagunata mana yachachinaurachu. Imasata chita ranaura.
Jesusca Diospa shimimanda sirtutami yachachira. Juan 18:37ta leichi, huasha cai tapuimanda cuintanacuichi:
-
Jesus caibi nishca shina, piguna “sirtu shimita rimac” cristianoguna ashcata, imasata yachashun.
5. Bibliamanda sirtu shimita predicanaun
Punda Jesusta caticcunaga shuccunata predicanaura
Cieloma mana rishallata, Jesusca, paita caticcunata cunangama predicasha catinguichi nisha mandara. Mateo 28:19, 20 y Hechos 1:8ta leichi, huasha cai tapuimanda cuintanacuichi:
-
Jesusta caticcunaga ima punzhagama, maigamashi predicana anaura.
6. Paiguna rashcagunahuan, Jesusta ali caticcuna ashcata ricuchinaun
Tom shutiyuc runaga, sirtu Jesusta caticcunata tupashcata imahuata quirira. VIDEOTA ricuichi, huasha cai tapuigunamanda cuintanacuichi:
-
Videoibi ricushca shina, Tom nishca runaga imahuata religionbi quirinata saquira.
-
Paiga imahuata sirtu religionda tupashcata quirira.
Ñucanchi rimashcagunata, rashcagunahuan pactachishami ricuchinchi. Mateo 7:21ta leichi, huasha cai tapuimanda cuintanacuichi:
-
Jesusraicuga imata mas balishca an: ñucanchi quirisha nishcaguna o ñucanchi rimashcata pactachishcaguna.
7. Pariumanda llaquinacunaun
Punda Jesusta caticcunaga pariumanda llaquinacunaura
Jesusta catic cristianogunaga, paiguna huauquigunata huañunamanda quishpichingahua, imatata rac anaura. VIDEOTA ricuichi, huasha cai tapuigunamanda cuintanacuichi:
-
Huauqui Lloyd imahuata huauqui Johanssonda huañunamanda quishpichira.
-
Canga imatata ningui, casna rashaga huauqui Lloyd sirtu cristiano ashcatachu ricuchira.
Juan 13:34, 35ta leichi, huasha cai tapuigunamanda cuintanacuichi:
-
Sirtu Jesusta quirisha caticcunaga, imasata chican llactamanda runagunata ricuna anaun.
-
Guerra tiacpiga, imasata Jesusta sirtu caticcuna ashcata ricuchinata ushanaun.
MAICANGUNAGA CASNAMI NINAUN: “Ima religionmanda ashahuas mana imas chan. Huingunami shuc Diosllata adoranchi”.
-
Diosta alita sirvingahua, pai mandashcata pactachina ashcata, ima textohuanda yachachina ushangui.
IMATA YACHASHCANGUI
Sirtu cristianogunaga Biblia yachachishcatami catinaun. Shuc runagunata llaquishcamandami, tucui shunguhuan yanapanata munanaun. Chasnallata, Bibliamanda sirtu shimita predicanaun.
Yachashcata cuintai
-
Sirtu cristianogunaga Biblia nishcatachu quirinaun.
-
Sirtu cristianogunaga imasata apanacusha causanaun.
-
Ima tarbaitata pactachinaun.
CANLLATA MASTA YACHAI
Jesus yachachishcata, pai nishca shina causac muntunda ricsi.
Shuc monja huarmiga imashina sirtu Jesusta caticcunata tupashcata ricui.
“Tucui ñuca tapushcagunata Bibliahuan contestahuanaura” (La Atalaya, 1 de abril de 2014)
Sirtu Jesusta caticcunaga paiguna huauquiguna turmintuta charishcaibi, imasa llaquisha yanapashcata ricui.
Turmintuibi auc ñucanchi huauqui panigunata yanapanchi (ichilla video parti) (3:57)
Jesusca paita caticcuna imasa ana ashcatami nira. Callari timpuibi, cunan timpuibihuas, sirtu Jesusta caticcuna imasa ashcata yachai.
“Sirtu Jesusta caticcunaga piguna tanaun” (La Atalaya, 1 de marzo de 2012)
