LEKCIJA 18
Ko hine čačikane kresťana?
Milijoni manuša pal peste phenen, hoj hine kresťana. Ta paľis soske nane zajekh andre oda, so sikhľaren a sar dživen? Sar sprindžaras, ko hine čačikane kresťana?
1) Kresťanos – ko hin oda?
Kresťana hine ola, so džan pal peskero raj, pal o Ježiš Kristus. (Pregen Skutky 11:26) Sar oda keren? O Ježiš phenďa: „Te doľikerena miro lav, čačes san mire učeňika.“ (Ján 8:31 NZ) Čačikane kresťana musaj te dživen pal oda, so sikhľarelas o Ježiš. O Ježiš savoro, so sikhľarelas, zathovelas pro Devleskero lav. Vašoda čačikane kresťana keren oda isto. (Pregen Lukáš 24:27)
2) Sar čačikane kresťana sikaven o kamiben?
O Ježiš phenďa peskere učeňikenge: „Kamen jekh avres avke, sar me tumen kamav.“ (Ján 15:12 NZ) Sar sikaďa o Ježiš, hoj kamelas peskere učeňiken? Avka, hoj sas lenca. Pomožinelas lenge a tiš len podhazdelas, sar sas lenge phares. A mek the muľa vaš lenge. (1. Jána 3:16) The o čačikane kresťana keren buter sar ča, hoj vakeren pal o kamiben. Olestar sar dživen a so vakeren, dičhol, hoj pes čačes rado dikhen.
3) Savi buťi keren čačikane kresťana?
O Ježiš diňa peskere učeňikenge buťi. „Bičhaďa len te vakerel pal o Devleskero kraľišagos.“ (Lukáš 9:2) Perše Ježišoskere učeňika vakerenas pal o Del na ča pro than, kaj pes jekhetane zgele. Rodenas le manušen avri a phirenas pal lende kher kherestar. (Pregen Skutky 5:42; 17:17) Adaďives čačikane kresťana tiš phiren pal o manuša u sikhľaren len la Biblijatar. Rado dikhen le manušen. Jilestar den peskero časos the zor, kaj avren te podhazden lačhe lavenca andal e Biblija. (Marek 12:31)
DODŽAN TUT BUTER
Sar sprindžareha, ko hine čačikane kresťana? A ko pestar ča kerel, aľe čačes na dživel pal oda, so kerelas u sikhľarelas o Ježiš.
4) Roden o čačipen andre Biblija
Le Ježišoskere učeňika rado genenas le Devleskero lav, vakerenas pal o Del avrenge u kamenas jekh avres
Na savore, so phenen, hoj hine kresťana, roden čačipen andre Biblija. Mukh o VIDEJO a paľis vakeren jekhetane.
-
Sar o rašaja previsarde oda, so sikhľarelas o Ježiš?
O Ježiš sikhľarelas o čačipen andal le Devleskero lav. Pregen Ján 18:37 a paľis vakeren jekhetane:
-
So phenďa o Ježiš pal o kresťana, so pes zaačhaven vaš o čačipen?
5) Vakeren o čačipen andal e Biblija
Le Ježišoskere učeňika rado vakerenas pal o Del avrenge
Sigeder, sar o Ježiš geľa pale andro ňebos, diňa peskere učeňikenge buťi, savi pes kerel dži adaďives. Pregen Matúš 28:19, 20 the Skutky 1:8 a paľis vakeren jekhetane:
-
Dži kaj pes dochudle ola lava, so pes vakeren pal o Del?
6) Dživen pal ada, so sikhľaren avren
Soske jekh murš paťanďiľa, hoj arakhľa čačikane kresťanen? Mukh o VIDEJO a paľis vakeren jekhetane.
-
Soske o Tom imar na kamelas ňisavi vjera?
-
Soske peske hin akana isto, hoj arakhľa čačikaňi vjera?
Oda, so keres hin buter sar oda, so vakeres. Pregen Matúš 7:21 a paľis vakeren jekhetane:
-
So hin bareder andre le Ježišoskere jakha – kana ča phenas, hoj paťas abo kana oda sikavas amare dživipnaha?
7) Rado dikhen jekh avres
Le Ježišoskere učeňika kamenas jekh avres
Hin čačipen, hoj o kresťana den vaš peske o dživipen? Mukh o VIDEJO a paľis vakeren jekhetane.
-
Soske Loid kamelas te del peskero dživipen vaš o phral Johanson?
-
So phenes, sikaďa oleha, hoj hino čačikano kresťanos?
Pregen Ján 13:34, 35 a paľis vakeren jekhetane:
-
Sar dikhen le Ježišoskere učeňika, čiže čačikane kresťana, pre ola, so len hin aver cipa the čhib?
-
Sar kampel te doľikerel ala lava, sar hin o mariben (vojna)?
VAREKO ŠAJ PHENEL: „Hin jekh andre savi vjera sal, te paťas andro Ježiš Kristus.“
-
So pregenďahas ajse manušeske andal e Biblija, kaj te dikhel, ko hino čačikano kresťanos?
SO SIKHĽIĽAM
Čačikane kresťana pes ľikeren la Biblijatar, presikaven andro dživipen, hoj kamen jekh avres u vakeren avrenge o čačipena andal e Biblija.
So bi phenehas
-
Pre soste hin zathodo oda, so sikhľaren čačikane kresťana?
-
Save hine čačikane kresťana?
-
Savi buťi keren čačikane kresťana?
DIKH TUKE BUTER
Dodžan tut buter pal o kresťana, save čačes keren u sikhľaren oda, so o Ježiš.
Pregen tuke, sar jekh mňiška arakhľa čačikaňi vjera.
„Každú otázku mi zodpovedali z Biblie!“ (Strážna veža z 1. apríla 2014)
Dikh, sar peske čačikane kresťana presikaven kamiben, te pes ačhel vareso nalačho.
Pomožinas amare phralenge pal e bari balvaj – charneder videjo (3:57)
Pregen tuke: Andre soste hine čačikane kresťana adaďives ajse sar perša Ježišoskere učeňika?
Čím sa vyznačujú praví kresťania? (Strážna veža z 1. marca 2012)