ЛЕКЦИЈА 18
Кој тане о чачутне христијања?
Милијарде мануша вакерена кај тане христијања. Ама, ола нане лен о иста верувања хем на икерена пе ко иста мерилија. Тегани, котар шај те џана кола тане о чачутне христијања?
1. Со значинела те ове христијани?
Христијања тане е Исус Христосескере ученикија или следбеникија. (Читин Дела 11:26.) Сар некој сикавела кај тано е Исусескоро ученико? О Исус вакерѓа: „Ако ачховена мле лафенде, чаче сиен мле ученикија“ (Јован 8:31). Адава значинела кај о чачутне христијања икерена пе ко адава со сикавѓа о Исус. Ов секогаш сикавѓа адава со вакерела и Библија. О чачутне христијања џана пало лескоро пример. (Читин Лука 24:27.)
2. Сар о чачутне христијања сикавена мангипе?
О Исус вакерѓа пле следбениконге: „Манген тумен јекх јекхеа сар со мангљум тумен ме“ (Јован 15:12). Сар о Исус сикавѓа кај мангела пле ученикон? Ов накхавѓа бут време ленцар, охрабринѓа лен хем поможинѓа ленге. Ов чак денѓа пло живото ленге (1. Јованово 3:16). Исто сар о Исус, о чачутне христијања да на керена само лафи башо мангипе, него ола сикавена пле љубезна лафенцар хем постапкенцар кај мангена јекх јекхе.
3. Сави задача керена о чачутне христијања?
О Исус денѓа јекх задача пле учениконге. „Ов бичхалѓа лен те проповединен е Девлескоро Царство“ (Лука 9:2). О прва христијања на проповединена сине само ко пумаре тхана коте со обожавинена сине е Девле, него исто аѓаар ко прометна тхана хем таро кхер ко кхер. (Читин Дела 5:42; 17:17.) Исто аѓаар, авдиве да о чачутне христијања проповединена о чачипе тари Библија сегде коте со иси мануша. Ола мангена е манушен, адалеске користинена пумаро време хем сила те вакерен о хабери тари Библија со дела надеж хем утеха (Марко 12:31).
ДОЗНАЈН ПОВИШЕ
Дикх која тани и разлика машкар о чачутне христијања хем о мануша кола со само вакерена кај тане христијања, ама на икерена пе ко е Исусескере сикљојба хем на џана пало лескоро пример.
4. Ола родена о чачипе тари Библија
О прва христијања ценинена сине е Девлескоро Лафи
Несаве мануша со вакерена кај тане христијања на икерена пе ко чачипе тари Библија. Дикх о ВИДЕОКЛИПИ, а пало адава керен лафи башо акава пучибе:
-
Сар несаве цркве чхинавѓе е манушен те авен џи ко чачипе тари Библија?
О Исус сикавела сине о чачипе таро е Девлескоро Лафи. Читин Јован 18:37, а пало адава керен лафи башо акава пучибе:
-
Спрема е Исусескере лафија, сар шај те џана кој тано „тари страна е чачипаскири“?
5. Ола проповединена о чачипе тари Библија
О прва христијања проповединена сине о шукар хабери
Англедер те џал ко небо, о Исус денѓа јекх задача пле следбениконге која со важинела авдиве да. Читин Матеј 28:19, 20 хем Дела 1:8, а пало адава керен лафи башо акава пучибе:
-
Џи ки која мера ваљани те проповединел пе?
6. Ола живинена спрема адава со проповединена
Соске јекх мануш со викинела пе Том сине сигурно кај аракхља е чачутне христијанен? Дикх о ВИДЕОКЛИПИ, а пало адава керен лафи башо акала пучиба:
-
Соске о Том откажинѓа пе тари религија?
-
Соске тано акана сигурно кај аракхља о чачипе?
О постапке вакерена повише таро лафија. Читин Матеј 7:21, а пало адава керен лафи башо акава пучибе:
-
Сој тано поважно е Исусеске, адава со вакераја или адава со кераја?
7. Ола мангена јекх јекхе
О прва христијања сикавена сине мангипе јекх јекхеске
Дали о чачутне христијања чаче ка ден пло живото јекх јекхеске? Дикх о ВИДЕОКЛИПИ, а пало адава керен лафи башо акала пучиба:
-
Соске о Лојд сине спремно те дел пло живото е пхралеске Јохансон?
-
Со мислинеа, дали ов постапинѓа сар чачутно христијани?
Читин Јован 13:34, 35, а пало адава керен лафи башо акала пучиба:
-
Сар ваљани о чачутне христијања те понашинен пе е манушенцар тари јавер нација или раса?
-
Дали акава важинела хем кеда иси војна?
НЕСАВЕ ШАЈ ВАКЕРЕНА: „Сар шај о христијанство те овел и чачутни религија кеда о христијања керѓе бут страшна буќа?“
-
Кова стихо ка користине те шај те сикаве кола тане о чачутне христијања?
СО СИКЛИЛЕМ
О чачутне христијања икерена пе ко адава со сикавела и Библија, сикавена самопожртвувано мангипе хем проповединена о чачипе тари Библија.
Сар ка одговорине?
-
Ко со темелинела пе адава со верујнена о чачутне христијања?
-
Која особина ваљани те овел е чачутне христијанен?
-
Која задача керена о чачутне христијања?
ИСТРАЖИН
Сикљов повише башо мануша со икерена пе ко е Исусескере сикљојба хем со трудинена пе те џан пало лескоро пример.
Читин сар јекх калуѓерка аракхља „и чачутни духовно фамилија“.
„На секое прашање ми одговорија со Библијата“ (Стражарска кула таро 1 април 2014)
Дикх сар о чачутне христијања сикавена мангипе пумаре пхраленге кеда ваљани ленге помош.
Поможинаја амаре пхраленге кеда иси катастрофе — извадок (3:57)
Дикх со керена сине о чачутне христијања таро прво веко хем кој авдиве керела о исто.
„По што се препознаваат вистинските христијани?“ (Стражарска кула таро 1 март 2012)