18. LEKCIJA
Sar šaj te đana koj tane o prava hrišćanija?
But manuša phenena soj tane hrišćanija. Ama, on niti verujinena niti ićerena pe ko ista buća. Tegani, sar šaj ćaće te đana koj tane o prava hrišćanija?
1. So značini te ove pravo hrišćanin?
Te ove hrišćanin značini te ove e Isuseso učeniko hem te ićere tut ko odova so ov sikavđa. (Čitinen Dela apostolska 11:26.) Sar o hrišćanija mothovena soj tane e Isusese učenikija? Ov phenđa: „Ako ka ićeren tumen ko me sikljoviba, ćaće hijen me učenikija“ (Jovan 8:31). Odova značini so o prava hrišćanija valjani te ićeren pe ko odova so o Isus sikavđa. Ov uvek koristinđa e Devleso Lafi te sikavi e manušen. Isto ađahar, odova ko so verujinena o prava hrišćanija avela ando Devleso Lafi. (Čitinen Luka 24:27.)
2. Sar o prava hrišćanija mothovena mangipe?
O Isus phenđa pe učenikonenđe: „Mangen jekh jekhe sar so me mangljum tumen“ (Jovan 15:12). Sar o Isus mothovđa so manglja pe učenikonen? Ov arakhlja vreme olenđe, ohrabrinđa len hem pomožinđa lenđe. Čak hem po životi dinđa olenđe (1. Jovanova 3:16). Isto ađahar, o prava hrišćanija na phenena samo so valjani te mothovi pe mangipe, već odoleja so ćerena hem vaćerena mothovena so mangena jekh jekhe.
3. Kova zadatko isi len o prava hrišćanija?
O Isus dinđa pe učenikonenđe jekh zadatko. Ov „bićhalđa len te propovedinen ando Devleso Kraljevstvo“ (Luka 9:2). O hrišćanija ko prvo veko, na propovedinđe samo ko thana kuri služinđa pe e Devlese, već hem ko pazarija, ko trgija hem kotar ćher ko ćher. (Čitinen Dela apostolska 5:42; 17:17.) Isto ađahar, o prava hrišćanija propovedinena kuri god isi manuša. Sebepi so mangena e manušen, on dena sa pestar te vaćeren lenđe i šukar vest koja šaj te del len nada hem te utešini len (Marko 12:31).
SIKLJOV POBUTER
Sikljov sar o prava hrišćanija razlikujinena pe ando manuša kola na ićerena pe ko odova so o Isus sikavđa hem na ćerena odova so o Isus ćerđa.
4. On ićerena pe ko Devleso Lafi
O hrišćanija ko prvo veko ićerđe pe ko odova so pisini ko Devleso Lafi
Disave kola phenena soj tane hrišćanija na ićerena pe ko odova so pisini ko Devleso Lafi. Dikhen o VIDEO, hem palo odova vaćeren ando akava pućibe.
-
Sar odova so o hrišćanska crkve sikavđe tano averćhane ando odova so o Isus sikavđa?
O Isus sikavđa o ćaćipe ando Devleso Lafi. Čitinen Jovan 18:37, hem palo odova vaćeren ando akava pućibe:
-
Premalo Isusese lafija, sar šaj te đana koj tane o prava hrišćanija?
5. On propovedinena i šukar vest
O hrišćanija ko prvo veko propovedinđe averenđe
Angleder te đal ko nebo, o Isus dinđa pe učenikonenđe jekh zapovest. Olese učenikija hem avdije ićerena pe ki odija zapovest. Čitinen Matej 28:19, 20 hem Dela apostolska 1:8, hem palo odova vaćeren ando akava pućibe:
-
Đi ked ka propovedini pe i šukar vest hem kuri?
6. On ićerena pe ko odova so propovedinena
So uverinđa jekhe manuše, kova vićini pe Tom, so arakhlja i pravo religija? Dikhen o VIDEO, hem palo odova vaćeren ando akala pućiba.
-
Sose o Tom vazdinđa pe vasta andi religija?
-
So uverinđa le so arakhlja i pravo religija?
Odova so ćeraja tano považno ando odova so vaćeraja. Čitinen Matej 7:21, hem palo odova vaćeren ando akava pućibe:
-
Soj tano považno e Isusese – samo te phena so verujinaja ko Devel ja te mothova odova odoleja so ćeraja?
7. On mangena jekh jekhe
O hrišćanija ko prvo veko manglje jekh jekhe
Da li tane o prava hrišćanija spremna te meren jekh jekhese? Dikhen o VIDEO, hem palo odova vaćeren ando akala pućiba.
-
Sose o phral Lojd hine spremno te merel pe phralese, e Johansonese?
-
So mislineja, da li ov ćerđa odova so jekh pravo hrišćanin valjani te ćerel?
Čitinen Jovan 13:34, 35, hem palo odova vaćeren ando akala pućiba:
-
Sar o prava hrišćanija ponašinena pe premalo manuša andi aver nacija?
-
Sar odova mothovena ked isi maribe?
AKO NEKO PHENELA: „Nane važno ki koja religija hijam, sare služinaja jekhe Devlese.“
-
Kova stih bi čitineja nekase te mothove sar šaj te penđara koja tani i pravo religija?
SO SIKLJILJAM
O prava hrišćanija ićerena pe ko odova so pisini ko Devleso Lafi, mangena jekh jekhe hem propovedinena i šukar vest.
Te ponovina
-
Kotar avela odova ko so verujinena o prava hrišćanija?
-
Sar šaj te penđara e pravo hrišćanen?
-
So ćerena o prava hrišćanija?
RODE POBUTER
Sikljov pobuter ko ićeri pe ko odova so o Isus sikavđa hem ko ćerela odova so ov ćerđa.
Čitin sose jekh časno sestra ulji e Jehovaso svedoko.
„On koristinđe i Biblija te odgovorinen ko me pućiba“ (Stražarska kula, 1. april 2014)
Sikljov sar o prava hrišćanija mothovena mangipe jekh jekhese ked ovela disavi prirodno katastrofa.
Sar pomožinaja amare phralenđe ked ovela disavi prirodno katastrofa? – insert (3:57)
O Isus phenđa sar ka penđara e pravo hrišćanen. Dikh da li odova so avdije ćerena o prava hrišćanija ćerđe hem o hrišćanija ko prvo veko.
„Sar šaj te penđara e pravo hrišćanen?“ (Stražarska kula, 1. mart 2012)