LECȚIA 18
Sar daisaras te jianas save si le ciace creștini
Miliardea manușa phenen că sile creștini. Tha na savore pachian ande sa codol buchia hai fiesavo trail cadea sar camel. Cadea că, catar daisaras te jianas save si le ciace creștini?
1. So si iech creștino?
Le creștini si le Isus Cristososche discipoli. (Citisaren Faptele 11:26.) Sar sicaven von că si le Isusosche discipoli? Vo phendea: „Dacă așen ande mânro cuvânto, san ciaces mânre discipoli”. (Ioan 8:31) Cadaia însemnol că le ciace creștini trebun te cheren cadea sar sicadea-le o Isus. O Isus sea o timpo sicadea so phenel i Biblia, hai codola cai jian pala leste trebun te cheren sa cadea. (Citisaren Luca 24:27.)
2. Sar sicaven le ciace creștini i iubirea?
O Isus phendea pesche discipolenghe: „Te iubin tumen iech averes, cadea sar me iubisardem tumen”. (Ioan 15:12) Sar sicadea o Isus iubirea caring pesche discipoli? Vo beșlea lența, zuriardea-le hai ajutisardea-le. Vo chiar mulea anda lende. (1 Ioan 3:16) Sa cadea, le ciace creștini na numai den duma anda i iubirea. Von sicaven vi prin so phenen, vi prin so cheren că iubin-pe anda ilo iech averes.
3. So buchi cheren le ciace creștini?
O Isus phendea pesche discipolenghe te cheren iech buchi. „Vo bișaldea-le te predichin o Regato le Devlesco.” (Luca 9:2) Le dintune creștini ci denas duma anda o Del numai andel thana cai chidenas-pe, tha vi avri, ande aver thana hai andel chăra le manușenghe. (Citisaren Faptele 5:42; 17:17.) Vi aghies, le ciace creștini den duma anda o ciacimos cai si andi Biblia, oricai arachen manușa. Von iubin le manușen hai anda codoia, pherde bucuria den anda pengo timpo hai anda pengo zuralimos, caște phenen lenghe le buchia andai Biblia. Cadala anen le manușenghe speranța hai sastiaren lengo ilo. (Marcu 12:31)
HACHIAR MAI MIȘTO
Va avela te diches save si le ciace creștini hai save si codola cai ci len-pe pala so phendea hai so cărdea o Isus.
4. Von roden o ciacimos andi Biblia
Le dintune creștini dichle cuci o Cuvânto le Devlesco
Na savore cai phenen că sile creștini dichen cuci o ciacimos andai Biblia. Dichen o MATERIALO VIDEO hai pala codoia den duma.
-
So cărde chichiva changherea cai phenen că sile creștino, caște na mechen le manușen te sichion anda le buchia cai phendea-le o Isus?
O Isus sicadea le manușen o ciacimos anda o Cuvânto le Devlesco. Citisaren Ioan 18:37 hai pala codoia den duma:
-
Cadea sar phendea o Isus, sar daisaras te jianas save si le creștini cai sile „de i rig le ciacimaschi”?
5. Von phenen vi averenghe o ciacimos andai Biblia
Le dintune creștini phende i vestea lași averenghe
Angla te vazdel-pe co cerii, o Isus dea pesche discipolenghe te cheren iech buchi. Von cheren cadai buchi vi aghies. Citisaren Matei 28:19, 20 hai Faptele 1:8 hai pala codoia den duma:
-
Ji cai avelas te avel cărdi cadai buchi?
6. Von cheren cadea sar sicaven averen
So cărdea ieche murșes po anav Tom te pachial că arachlea le ciace creștinen? Dichen o MATERIALO VIDEO hai pala codoia den duma.
-
Sostar mechlea o Tom i religia?
-
Sostar pachial vo că arachlea o ciacimos?
Daisaras te phenas but buchia tha, dacă ci cheras-le, nai-le niciech valoarea. Citisaren Matei 7:21 hai pala codoia den duma:
-
So si mai cuci anda o Isus: so phenas că pachias sau so sicavas prin amaro phiraimos?
7. Von iubin-pe anda ilo iech averes
Le dintune creștini sas len iech iubirea uji iech caring aver
Chiar sile gata le creștini te meren iech anda aver? Dichen o MATERIALO VIDEO hai pala codoia den duma.
-
Sostar o phral Lloyd sas gata te merel anda o phral Johansson?
-
Pachias că vo phiradea-pe sar iech ciacio creștino?
Citisaren Ioan 13:34, 35 hai pala codoia den duma:
-
Sar trebulas le discipoli le Isusosche (cai si le ciace creștini) te phiraven-pe le manușența cai sile anda aver them sau naționalitatea?
-
Sar trebulas te sicaven von cadai buchi cana si iech războio?
UNII MANUȘA PHENEN: „Le creștini cărde buchia zurales nasul. Sar daștil-pe ca len te avel-le i ciaci religia?”.
-
So verseto daștis te phenes varecasche caște sicaves con si le ciace creștini?
SO SICHILEAM
Le ciace creștini cheren so phenel i Biblia, iubin averen cadea de but că sile gata te meren anda lende hai phenen le manușenghe o ciacimos andai Biblia.
So dichleam
-
Ande soste pachian-pe le ciace creștini?
-
Pala so sile prinjiande le ciace creștini?
-
Savi si i buchi cai cheren-la le ciace creștini?
RODE MAI BUT
Va avela te prinjianes mai but buchia anda le manușa cai den sea penghi zor caște cheren le buchia cadea sar cărdea-le o Isus Cristos hai te len-pe pala lesche sicaimata.
Va avela te diches sar iech jiuvli cai sas călugărița arachlea „iech bari familia phralenghe hai pheianghe”.
„Denas răspunso andai Biblia ca orisavo pușimos” (O Turno de veghe, 1 aprilia 2014)
Va avela te diches sar sicaven le ciace creștini iubirea caring penghe phrala hai pheia cai nachen prin pharimata.
Sam gata te ajutisaras amare phralen cana nachen prin dezastrea (iech cotor) (3:57)
Va avela te diches sar le ciace creștini de aghies len-pe pala so phendea o Isus le dintune creștinenghe.
„Catar jianas sar si le ciace creștini?” (O Turno de veghe, 1 martia 2012)
Poate că fal-tu
PUȘIMATA ȘIUTINE BUTIVAR
So si o studio biblico le Martorența le Iehovasche?
Ande cado studio biblico gratuime le Martorența le Iehovasche, daștis te folosis orisavi Biblia cames. Daștis te achares ca o studio sea chi familia sau oricas cames.
