SIKAIMOS 18
Sar te zhanas kon si le chache kristianuria
Millonuria manush phenen ke si kristianuria, numa chi pakian ai chi ningeren pesko traio sa iek fialo. Atunchi, sar shai zhanas save si le chache kristianuria?
1. So kerel iek chacho kristiano?
Le kristianuria si disipluria vai manush kai lenpe pala o Jesukristo (chito Hechos 11:26, NWT). Sar sikaven ke chachimasa lenpe pala leste? O Jesus phendias: “Te kerena so godi phenel murhi vorba, tume san chache murhe disipluria” (Iovano 8:31). Kako kamel te phenel ke le chache kristianuria trobun te keren so sikadias o Jesus. Sa so sikavelas ai kerelas o Jesus lelaspe anda e Vorba le Devleski, sa iek fialo so keren ai so phenen le chache kristianuria trobul te malavel la Bibliasa (chito Lucas 24:27, NWT).
2. Sar sikaven kamlimos le chache kristianuria?
O Jesus tradias ka peske disipluria te kamenpe iek avres, gadia sar vo kamlias len (Iovano 15:12). Sar sikadias o Jesus ke kamelas ka peske disipluria? Dias anda peski vriama, dias len zor, azhutisardias len, ai na numa godo, vi dias pesko traio pala lende (1 Iovano 3:16). Gadia sar o Jesus, le chache kristianuria na ferdi den duma pa o kamlimos; pala le prame kai keren ai pala le suaturia kai phenen von sikaven kako kamlimos iek avres.
3. Savi si e buki mai bari katar le chache kristianuria?
O Jesus dias iek buki ka peske disipluria: tradias len te den duma pa e Amperetsia le Devleski (Luk 9:2). Le pervo kristianuria na numa ningerenas le lashe viesti kai kidenaspe te luvudin le Devles, von zhanas kai sas but manush ai vi kal khera (chito Hechos 5:42; 17:17, NWT). Ai vi agies le chache kristianuria den duma pa so sikavel e Biblia ande fersavi rig kai avela manush. Sar kamen le manushen den anda pengi vriama ai anda pengi zor te ningeren lenge iek viasta kai del len vareso te azhukeren ai e pacha kai avel katar e Biblia (Marko 12:31).
TE MAI SIKIOS
Aida dikhas sostar nai iek fialo le chache kristianuria ai le kolaver manush kai chi lenpe pala so sikadias o Jesus.
4. Roden o chachimos la Bibliako
Le pervo kristianuria lenas opre le bare prame kai si ande Vorba le Devleski, ningerenas le lashe viesti ai kamenaspe iek avres.
Uni manush kai phenen ke si kristianuria chi len opre le bare prame kai sikavel e Biblia. Dikhen o VIDEO ai den duma pa:
-
Uni khangeria kai mothon ke si kristianuria chi kamle te zhanen le manush so sikadias o Jesus, sar kerde kako?
O Jesus sikadias o chachimos kai si ande Vorba le Devleski. Chiton Juan 18:37 [NWT] ai den duma pa:
-
Pa so phendias o Jesus, sar shai zhanas save si le kristianuria kai si ando “chachimos”?
5. Ningeren e viasta pa o chachimos la Bibliako
Le pervo kristianuria lenas opre le bare prame kai si ande Vorba le Devleski, ningerenas le lashe viesti ai kamenaspe iek avres.
Mai anglal te amboldel ando cheri, o Jesus dias iek buki ka peske disipluria kai zhi akana kerdiol ande amari vriama. Chiton Mateo 28:19, 20 [NWT] ai Hechos 1:8 [NWT], ai den duma pa:
-
Zhi kai ai zhi kana sas te ningerenpe le lashe viesti?
6. Sikaven ke si chache kristianuria pala so keren
Sostar zhanelas o Tom ke arakhlias kal chache kristianuria? Dikhen o VIDEO ai den duma pa:
-
Sostar o Tom aliardiaspe atsado pala e religion?
-
Sostar zhanel mishto o Tom ke arakhlias o chachimos?
Kana varekon phenel ke lelpe pala o Jesus, trobul te sikavel godo peske traiosa. Chiton Mateo 7:21 [NWT] ai den duma pa:
-
Pala so phendias o Jesus, sostar nai dosta numa te phenas ke las amen pala leste?
7. Kamenpe iek avres
Le pervo kristianuria lenas opre le bare prame kai si ande Vorba le Devleski, ningerenas le lashe viesti ai kamenaspe iek avres.
Kal chache kristianuria shai anklel lenge anda o ilo te den pesko traio pala iek phral ando chachimos? Dikhen o VIDEO ai den duma pa:
-
Sostar ka o phral Lloyd anklisto leske te del pesko traio pala o phral Johansson?
-
Gindis tu ke kerdias le prame sar iek chacho kristiano?
Chiton Juan 13:34, 35 [NWT] ai den duma pa:
-
Sar trobun te aven le disipluria le Jesusoske—le chache kristianuria—le manushentsa anda aver vitsa vai aver them?
-
Ai sar shai keren gado kana avel iek mundarimos?
UNI MANUSH PHENEN: “But religionuria phenen ke si kristianuria. Savi sikavel o chachimos?”.
-
Savo texto sas te chitos te sikaves kon si le chache kristianuria?
SO DIKHLIAM
Le chache kristianuria lenpe pala so sikavel e Biblia, keren sa so si ande lenge vast te sikaven kamlimos le kolavrenge ai ningeren o chachimos la Bibliako.
So sas te mothos?
-
Ande soste ninkerdiol o pakiamos katar le chache kristianuria?
-
Pala save prame kai sikaven dikhiol kon si le chache kristianuria?
-
Ai savi buki keren?
SHAI DIKHES VARESO MAI
Prinzhar mai mishto ka uni manush kai thon pendar te lenpe pala o Jesukristo ai pala so sikadias.
Chito sar iek zhuvli kai sas servitori ande peski religion arakhlias iek chachi familia ando chachimos.
“Dine suato la Bibliasa pa sa so pushavas man” (La Atalaya, 1 anda o abril, 2014)
Chito sar le chache kristianuria sikaven kamlimos ka peske phral kana trobun len.
Azhutis amare phralen kana nakhel vareso chorho ande lumia (kotororho) (3:57)
O Jesus phendias sar sas te aven le zhene kai sas te lenpe pala leste. Dikhta sar maladiol so phendias o Jesus ai so kerde le pervo kristianuria ai le kristianuria chache ande amari vriama.
“Sar das po gor kon si le kristianuria chache?” (La Atalaya, 1 anda o marzo, 2012)
Shai avela plachal tu
SO SHAI PUSHES TU
Sar sikaven le marturia le Jehovaske pa e Biblia?
Gadia sar sikaven le marturia le Jehovaske, tu shai les e Biblia kai tu kamesa. Ai Shai akhares sa cha familia vai le amiguria kai kamesa.
