Бут мануша ԥэнэн пэр пэстэ, кай вонэ христианоря, ай кажно патял и жувэл па пэстирятэ. Сар тэ полас, ко чачунэ христианоря?

1. Ко када христианоря?

Христианоря, када лэ Христостирэ ученикоря или кодэла, ко жал пала Иисусо. (Адиносар Деяния 11:26.) О Иисусо екжэно росԥэндя, ко лэстирэ ученикоря. Во ԥэндя: «Если тумэ ритярдён кодэлэсти, сости мэ сытярав, тоди тумэ па чачимастэ мэрнэ ученикоря» (Иоанна 8:31). Када сыкавэл, кай и чачунэ христианоря трэбуй тэ жувэн кадя, сар сытярэлас о Иисусо, ай о Иисусо вся и время сытярэлас па Писания. Важ када и чачунэ христианоря жувэн па Библия и вся, со вонэ росԥэнэн лэ манушэнди, анда Библия. (Адиносар Луки 24:27.)

2. Сар и чачунэ христианоря сыкавэн, кай любин?

О Иисусо ԥэндя пэстирэ учениконэнди: «Любин ек еқэс, сар мэ любисарав тумэн» (Иоанна 15:12). Сар во када терэлас? Во сыкавэлас када пэ дила. Во вся и время сас лэнца, поможыяс и подритярэлас лэн. Во дажэ отдя пала лэндэ пэстири жызня (1 Иоанна 3:16). Кадяжэ и адес, и чачунэ христианоря най кати ԥэнэн, кай любин, ай инке сыкавэн када пэ дила.

3. Сави дила терэн и чачунэ христианоря?

О Иисусо приԥэндя пэстирэ учениконэнди, сави дила вонэ трэбуй тэ терэн. Во бишалдя лэн тэ росԥэнэн пала лэ Дэвлэско Царство (Луки 9:2). И пэрви христианоря росԥэнэнас пала Дэл котэ, кай вонэ стидэнаспэ и везде, кай сас бут мануша, ай кадяжэ вонэ росԥэнэнас па цэра. (Адиносар Деяния 5:42; 17:17.) Андэ амари время и чачунэ христианоря росԥэнэн о чачимос анда Библия везде, кай исин мануша. Вонэ любин всаворэ манушэн и важ када на жалуин пэско зор и время, кай тэ росԥэнэн па Библия пала лашимос, саво авэла англэ (Марка 12:31).

 УӶАНАМ МАЙ БУТ

4. Вонэ родэн о чачимос андэ Библия

5. Вонэ росԥэнэн о чачимос анда Библия

 6. Вонэ жувэн кадя, сар и сытярэн

Сар о Томо поля, кай арақля чачунэ христианонэн? Диқам о ВИДЕО и подам дума пала вопросоря, савэ посли видео.

• Васо о Томо парашэля тэ патял андэ веры?

• Сар во поля, кай арақля о чачимос?

И дила май бут сыкавэл, чем алава. Адиносарам Матфея 7:21 и подам дума пала вопросо, саво май тэлэ.

• Со важ о Иисусо май ӷлавно, кай амэ тэ ԥэнас, кай патяс андэр лэстэ или тэ жувас кадя, сар во сытярэл?

7. Вонэ любин ек еқэс

• Сар и христианоря, савэ кандэн лэ Иисусос, обжанпэ лэ манушэнца анда авэр нацыя?

• Парашэн вонэ тэ любин ек еқэс, кала жал война?

 ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай и чачунэ христианоря жувэн па Библия, любин ек еқэс кадя, кай ӷотови тэ отдэн пэстири жызня и сытярэн па Библия аврэн.

Сар ту гиндос?

• Со ӷлавно андэ жызня кай и чачунэ христианоря и пар со вонэ сытярэн?

• Со само ӷлавно, со доԥэнэн, ко чачунэ христианоря?

• Сави само важно дила терэн и чачунэ христианоря?