XIDONDZRO 18
Xana Hi Nga Va Tivisa Kuyini Vakriste Va Ntiyiso?
Vhanu vanyingi ngopfu swinene va tibyela leswaku i vakriste. Kambe a hi hinkwavu lava kholwaka ka mintxhumu leyi fanaka, nambi milawu leyi va hanyaka ha yone a yi fani. Kutani ke, hi nga va tivisisa kuyini vakriste lava hakunene va landzraka Kriste?
1. I yini mukriste?
Vakriste i vadondzrisiwa, kumbe valandzreli, va Yesu Kriste. (Dondzra Amintiṛo 11:26.) Va swi kombisisa kuyini leswaku i vadondzrisiwa va Yesu? Yene a te: ‘Loko n’wi tsrhama a zritwini dzranga, n’wi ta va vadondzrisiwa vanga kunene.’ (Yohan 8:31) Leswi swi hlaya leswaku vakriste va ntiyiso va fanela ku yingiseta tidondzro ta Yesu. Nakone leswi Yesu a a tizrisa Matsralwa akuva a seketela tidondzro take, vakriste va ntiyiso na vone va seketela leswi va swi kholwaka hi ku tizrisa Bibele.—Dondzra Luka 24:27.
2. Xana vakriste va ntiyiso va dzri kombisisa kuyini lizrandzru?
Yesu a byele valandzreli vake a ku: ‘N’wi zrandzrana, swanga heswi ndzri n’wi zrandzriki.’ (Yohan 15:12) Xana Yesu a swi kombisise kuyini leswaku a a zrandzra vadondzrisiwa vake? A hete nkama navu, a va tiyisa a tlhela a va pfuna. Phela a patsre ni ku va fela. (1 Yohan 3:16) Hi ku fanana, vakriste va ntiyiso a vo khanela hi lizrandzru ntsena. Va kombisa hi mazritu ni hi mintizro yavu leswaku va zrandzranana.
3. Hi wini ntizro lowu vakriste va ntiyiso va wu yentxaka?
Yesu a nyike vadondzrisiwa vake ntizro. ‘A ha nga va zruma ku ya zrezra ta Mfumu wa Xikwembu Nkulukumba.’ (Luka 9:2) Vakriste va ku sungula a va zrezranga ntsena ka mimbangu ya wugandzreli, kambe ni le mimbangwini yin’wana lomu ku tlhanganaka vhanu hinkwavu ni le makaya kwavu. (Dondzra Amintiṛo 5:42; 17:17.) Hi la ku fanaka, ni namunhla vakriste va ntiyiso va zrezra ntiyiso lowu nga Bibeleni kwini na kwini lomu vhanu va kumekaka kone. Va zrandzra vhanu van’wana, xileswo hi mbilu hinkwayu va heta nkama ni ntamu wavu na va byela van’wana dzrungula dzra Bibele ledzri nyikaka dumbo ni ntxhavelelo.—Marka 12:31.
KELISISA
Vona ndlela leyi u nga va tivaka ha yone vakriste va ntiyiso a makazri ka vhanu lava nga landzrikiki tidondzro ta Yesu ni xikombiso xake.
4. Va djulisisa ntiyiso wa Bibele
Vakriste va ku sungula a va nyika lisima Zritu dzra Xikwembu Nkulukumba
A hi hinkwavu lava tihlayaka vakriste va nyikaka lisima ntiyiso wa Bibele. Vonani VHIDIYU, mi gama mi bulisana hi xivutiso lexi landzrelaka.
-
Xana makezreke ya kukazri lama tihlayaka ya wukriste ma hlulekise kuyini ku dondzrisa leswi Yesu a swi dondzrisiki?
Yesu a dondzrise ntiyiso lowu nga Zritwini dzra Xikwembu Nkulukumba. Dondzrani Yohan 18:37, mi gama mi bulisana hi xivutiso lexi:
-
Hi ku ya hi Yesu, xana hi nga va tivisa kuyini vakriste lava ‘nga va xihlayelamfuzri’?
5. Va zrezra ntiyiso wa Bibele
Vakriste va ku sungula a va zrezrela van‘wana
Na Yesu a nga si tlhantukela a tilweni, a nyike valandzreli vake ntizro lowu yaka mahlweni ku ta tlhasa namunhla. Dondzrani Matewu 28:19, 20 na Amintiṛo 1:8, mi gama mi bulisana hi xivutiso lexi:
-
Xana ntizro wa ku zrezra a wu ta yentxiwa ku ya tlhasa kwini?
6. Va hanya hi leswi va swi dondzrisaka
I yini lexi kholwisiki wanuna lwa vitaniwaka Tom leswaku a a kume wukhongoti bya wukriste bya ntiyiso? Vonani VHIDIYU, mi gama mi bulisana hi swivutiso leswi landzrelaka.
-
Ka vhidiyu, i yini leswi yentxiki Tom a tsrhika wukhongoti?
-
Ha yini a a kholwiseka leswaku a kume ntiyiso?
Mintizro yi vulavula ku tlula mazritu. Dondzrani Matewu 7:21, mi gama mi bulisana hi xivutiso lexi:
-
Hi swini leswi nga ni lisima dzrikulu ka Yesu—i kuva hi hlaya ntsena leswaku ha kholwa kumbe i kuva hi kombisa hi mintizro yezru?
7. Va zrandzrana
Vakriste va ku sungula a va zrandzrana
Xana va ve kone vakriste lava hakunene va bekiki wutomi byavu khombyeni akuva va huluxa vamakwavu? Vonani VHIDIYU, mi gama mi bulisana hi xivutiso lexi landzrelaka.
-
Ka vhidiyu, u vone leswaku i yini lexi susumeteliki Lloyd ku beka wutomi byake khombyeni akuva a huluxa makwezru Johansson?
-
Hi mavonela yaku, xana leswi a swi yentxiki swi komba leswaku i mukriste wa ntiyiso?
Dondzrani Yohan 13:34, 35, mi gama mi bulisana hi swivutiso leswi landzrelaka:
-
Xana vadondzrisiwa va Yesu (vakriste va ntiyiso) a va ta va khomisa kuyini vhanu va lixaka kumbe tiko dzrin’wana?
-
A va ta swi kotisa kuyini ku yentxa leswo hi nkama wa yimpi?
VAN’WE VA LI: “Vakriste va yentxetele mintxhumu yinyingi ya ku txhavisa. Xileswo wukriste a hi wukhongoti bya ntiyiso!”
-
Hi yini ndzrimana leyi a wu ta mu dondzrela yone, leyi kombaka ndlela leyi hi nga va tivaka ha yone vakriste lava nga va ntiyiso?
NKATSRAKANYU
Vakriste va ntiyiso va landzra tidondzro ta Bibele, va ni lizrandzru ledzri sukelaka mbilwini, nakone va zrezra ntiyiso wa Bibele.
Mpfuxeto
-
Xana vakriste va ntiyiso va seketela leswi va swi kholwaka ka yini?
-
I yini leswi kombisaka leswaku mhunu i mukriste wa ntiyiso?
-
Xana vakriste va ntiyiso va yentxa ntizro muni?
HANDZRISISA
Dondzra leswi yengetelekiki hi ntlawa lowu tikazrataka akuva wu landzra xikombiso ni tidondzro ta Yesu Kriste.
Vona leswi yentxiki mun’we wa khale ka mu-irmã a kuma “ndangu wa moya wa ntiyiso”.
Dondzra ndlela leyi vakriste va ntiyiso va kombisaka ha yone lizrandzru ka vamakwavu va moya lava vilelaka ku pfuniwa.
Ku Pfuna Vamakwezru Lava Weliwiki Hi Timhangu—Xitlephu (3:57)
Kambisisa ndlela leyi vakriste va ku sungula ni vakriste va ntiyiso namunhla va twananaka ha yone ni leswi Yesu a tiki swi ta yentxa vadondzrisiwa vake va tiviwa ha swone.
“He Yini Minfungo Ya Vakriste Va Ntiyiso?” (Xihondzro Xa Ku Zrindzra, 1 ka Marsu wa 2012)
