ခရစ်ယာန်ပါလို့ ဆိုသူ လူသန်းထောင်နဲ့ချီ ရှိတယ်။ ဒါပေမဲ့ သူတို့ရဲ့ ယုံကြည်ချက်တွေ၊ စံနှုန်းတွေ မတူကြဘူး။ ဒါဆိုရင် စစ်မှန်တဲ့ ခရစ်ယာန်တွေကို ဘယ်လို ခွဲခြားသိနိုင်မလဲ။

၁။ ခရစ်ယာန်ဆိုတာ ဘာလဲ။

ခရစ်ယာန်ဆိုတာ ယေရှုခရစ်ရဲ့ တပည့်နောက်လိုက်တွေပါ။ (တမန်တော် ၁၁:၂၆ ကို ဖတ်ပါ။) ယေရှုတပည့်ဖြစ်ကြောင်း ဘယ်လို သက်သေပြကြသလဲ။ ‘ခင်ဗျားတို့သာ ကျွန်တော့်စကားကို အမြဲလိုက်နာရင် ကျွန်တော့်တပည့်အစစ် ဖြစ်တယ်’ လို့ ယေရှု ပြောတယ်။ (ယောဟန် ၈:၃၁) ဒါကြောင့် ခရစ်ယာန်စစ်တွေဟာ ယေရှုရဲ့သွန်သင်ချက်ကို လိုက်နာရမယ်။ ယေရှုက ကျမ်းစာကို အခြေခံပြီး သွန်သင်တယ်။ ခရစ်ယာန်စစ်တွေရဲ့ ယုံကြည်ချက်ကလည်း ကျမ်းစာကို အခြေခံတယ်။​—လုကာ ၂၄:၂၇ ကို ဖတ်ပါ။

၂။ ခရစ်ယာန်စစ်တွေ ဘယ်လို မေတ္တာပြကြသလဲ။

“ကျွန်တော် ခင်ဗျားတို့ကို ချစ်သလို ခင်ဗျားတို့လည်း အချင်းချင်း ချစ်ကြပါ” လို့ နောက်လိုက်တွေကို ယေရှု ပြောတယ်။ (ယောဟန် ၁၅:၁၂) တပည့်တွေကို ချစ်ကြောင်း ယေရှု ဘယ်လို ပြသလဲ။ သူတို့ကို အချိန်ပေးတယ်။ အားပေးတယ်။ ကူညီတယ်။ သူတို့အတွက် အသက်ကိုတောင် စွန့်ခဲ့တယ်။ (၁ ယောဟန် ၃:၁၆) အလားတူပဲ၊ ခရစ်ယာန်စစ်တွေဟာ မေတ္တာထားဖို့ သင်ပေးရုံလောက်ပဲ မဟုတ်ဘူး။ အပြောနဲ့ရော အလုပ်နဲ့ပါ မေတ္တာပြကြတယ်။

၃။ ခရစ်ယာန်စစ်တွေ ဘာလုပ်ဆောင်ကြသလဲ။

ယေရှုက တပည့်တွေကို လုပ်စရာအလုပ် ပေးခဲ့တယ်။ “ဘုရားသခင့် နိုင်ငံတော်အကြောင်း ဟောပြောဖို့” စေလွှတ်တယ်။ (လုကာ ၉:၂) အစောပိုင်း ခရစ်ယာန်တွေဟာ ဝတ်ပြုတဲ့နေရာမှာသာမက လူအများရှိတဲ့နေရာ၊ အိမ်တွေမှာလည်း သွားဟောကြတယ်။ (တမန်တော် ၅:၄၂ နဲ့ ၁၇:၁၇ ကို ဖတ်ပါ။) ဒီနေ့ခေတ် ခရစ်ယာန်စစ်တွေလည်း လူတွေရှိတဲ့နေရာတိုင်းမှာ ကျမ်းစာအမှန်တရားကို ဟောကြတယ်။ လူတွေကို ချစ်တဲ့အတွက် အချိန်နဲ့ ခွန်အား စိုက်ထုတ်ပြီး မျှော်လင့်ချက်နဲ့ နှစ်သိမ့်မှုပေးတဲ့ ကျမ်းစာသတင်းတရား ဟောကြတယ်။​—မာကု ၁၂:၃၁။

ရှာဖွေလေ တွေ့ရှိလေ

၄။ ခရစ်ယာန်စစ်တွေ ကျမ်းစာအမှန်တရား ရှာဖွေကြ

၅။ ခရစ်ယာန်စစ်တွေ ကျမ်းစာအမှန်တရား ဟောပြောကြ

၆။ ခရစ်ယာန်စစ်တွေ အပြောနဲ့ အလုပ်ညီကြ

စစ်မှန်တဲ့ခရစ်ယာန်ဘာသာကို တွေ့ပြီလို့ တွမ် ဘာကြောင့် လက်ခံသွားသလဲ။ ဗီဒီယို ဖွင့်ပါ။ ပြီးတဲ့နောက် အောက်ပါ မေးခွန်းတွေကို သုံးသပ်ပါ။

• ဒီဗီဒီယိုမှာ ဘာသာရေးကို တွမ် ဘာကြောင့် စိတ်ပျက်ခဲ့သလဲ။

• အမှန်တရား တွေ့ပြီလို့ သူ ဘာကြောင့် လက်ခံသွားသလဲ။

အပြောထက် အလုပ်က ပိုထိရောက်တယ်။ မဿဲ ၇:၂၁ ကို ဖတ်ပါ။ ပြီးတဲ့နောက် ဒီမေးခွန်းကို ဆွေးနွေးပါ။

• ယုံကြည်တယ်လို့ ပြောရုံပြောတာ၊ လုပ်ရပ်နဲ့ သက်သေပြတာ ဘယ်တစ်ခုကို ယေရှု အလေးထားသလဲ။

၇။ ခရစ်ယာန်စစ်တွေ အချင်းချင်း ချစ်ကြ

• ယေရှုတပည့်တွေ (ခရစ်ယာန်စစ်တွေ) ဟာ လူမျိုးမတူသူတွေကို ဘယ်လို ပြုမူဆက်ဆံကြသလဲ။

• စစ်ဖြစ်ချိန်မှာ သူတို့ ဘာလုပ်ကြမလဲ။

အနှစ်ချုပ်

ခရစ်ယာန်စစ်တွေ ကျမ်းစာသွန်သင်ချက်ကို လိုက်နာကြတယ်။ ကိုယ်ကျိုးစွန့်မေတ္တာ ပြကြတယ်။ ကျမ်းစာအမှန်တရား ဟောကြတယ်။

ပြန်လည်သုံးသပ်ခြင်း

• ခရစ်ယာန်စစ်တွေရဲ့ ယုံကြည်ချက်တွေက ဘာကို အခြေခံသလဲ။

• ခရစ်ယာန်စစ်တွေ ဖြစ်ကြောင်း ဘယ်အရည်အသွေးက သိစေသလဲ။

• ခရစ်ယာန်စစ်တွေ ဘာကို လုပ်ဆောင်ကြသလဲ။