ROSO 18
Addu Kiristaana Bande Afa Dandiinanni Gara
Ninke Kiristaanaho yaannohu lowo biliyoone ikkanno manni no. Ikkollana, konni manni ammananna heeˈranno seeri mitto gara diˈˈikkino. Ikkina addu Kiristaana bande afa dandiineemmohu hiittoonniiti?
1. Kiristaanaho yaa mayyaate?
Kiristaanaho yaa Yesuusi Kiristoosi rosaanooti woy isi hoode haˈranno mannaati. (Soqqamaasinete Looso 11:26 nabbawi.) Insa Yesuusi rosaano ikkitinota leellishshannohu hiittoonniiti? Yesuusi togo yiino: “Rosiisoommoˈne coye agadhitiniro halaalenka rosaanoˈya ikkitinanni.” (Yohaannisi 8:31) Hatto yaa, addu Kiristaani Yesuusi rosiisino rosi garinni heeˈra hasiissannonsa yaate. Qoleno Yesuusi Qullaawa Borro yitannore rosiisino; konnira addu Kiristaani ammanano Qullaawu Maxaafi aana xintantinote.—Luqaasi 24:27 nabbawi.
2. Addu Kiristaani baxille leellishannohu hiittoonniiti?
Yesuusi rosaanosira togo yiino: “Ane hajajo, ani baxummoˈnente gede, kiˈne kiˈneneewano baxantinaraati.” (Yohaannisi 15:12) Yesuusi rosaanosi baxannota leellishinohu hiittoonniiti? Isi ledonsa yanna sayisino, jawaachishinonsa, hattono kaaˈlinonsa. Isi insa daafira yee heeshshosi nafa sayise uyino. (1 Yohaannisi 3:16) Addu Kiristaanino baxillu daafira rosiise calla diaguranno. Hatteentenni, coyiˈrannorinninna assootinsanni mimmito baxannota leellishanno.
3. Addu Kiristaani loosannohu qaru loosi maati?
Yesuusi rosaanosira loossanno looso uyinonsa. Isi “Gordu Gashshooti gamba yiinota manna baalaho kultanno gede” soyinonsa. (Luqaasi 9:2) Hundi Kiristaani Magano magansiˈranno bayicho calla ikkikkinni gudumaalehonna minunni mine haˈreno sabbakino. (Soqqamaasinete Looso 5:42; 17:17 nabbawi.) Xaa yannarano addu Kiristaani Qullaawu Maxaafi halaale mannu noowa baalankawa duduwanno. Insa manna baxxanno daafira, yannansanna wolqansa horoonsidhe hexxo uyitannotanna sheshifachishshannota Qullaawu Maxaafi sokka hagiirrunni kultanno.—Maarqoosi 12:31.
LEDDE XIINXALLI
Addu Kiristaana, Yesuusi rosiisino rosonna lawishshasi harunsannokki manniwiinni bada dandaatto gara rosi.
4. Insa Qullaawu Maxaafi halaale ayirrissanno
Hundi Kiristaani Maganu Qaale ayirrisanno
Ninke Kiristaanaho yaannohu mitu manni Qullaawu Maxaafi halaale dinaadanno. VIIDIYO laˈe; hakkiinni aante noo xaˈmo hasaabbe.
-
Ninke Kiristaanaho yitannoti mite beetekiristaanna Yesuusi rosiisinore rosiisa agurte maa assitino?
Yesuusi Maganu Qaali giddo noo halaale rosiisino. Yohaannisi 18:37 nabbabbe; hakkiinni tenne xaˈmo hasaabbe:
-
Yesuusi coyiˈrino garinni, ‘halaalu widoonni uurrinoha’ addu Kiristaana bande afa dandiineemmohu hiittoonniiti?
5. Insa Qullaawu Maxaafi halaale dudubbanno
Hundi Kiristaani wolu mannira sabbakanno
Yesuusi iimira haˈrara albaanni, rosaanosira loossanno looso uyinonsa; konne looso xaa yanna geeshsha loonsanni heeˈnoonni. Maatewoosi 28:19, 20 nna Soqqamaasinete Looso 1:8 nabbabbe; hakkiinni aante noo xaˈmo hasaabbe:
-
Sabbakate looso mageeshshi geeshsha loosa hasiissanno?
6. Insa rosiissanno rosi garinni heedhanno
Toomi yinanni manchi halaalu ammaˈno afiˈrinota ammananno gede assinosiri maati? VIIDIYO laˈe; hakkiinni aante noo xaˈmuwa hasaabbe.
-
Viidiyote giddo laˈnummonte gede, ammaˈno Toomi hexxo mudhanno gede assitinosihu hiittoonniiti?
-
Isi halaale afiˈrinota ammananno gede assinosiri maati?
Coyiˈneemmorinni assineemmori roore wolqa afiˈrino. Maatewoosi 7:21 nabbabbe; hakkiinni aante noo xaˈmo hasaabbe:
-
Yesuusi coyiˈrino garinni, ninke isi rosaanooti yaa calla diguddanno yineemmohu mayiraati?
7. Insa mimmito baxxanno
Hundi Kiristaani mimmito baxanno
Kiristaanu ammanate roduuwinsara yee addinta heeshshonsa qarru giddo tugino? VIIDIYO laˈe; hakkiinni aante noo xaˈmuwa hasaabbe.
-
Tenne viidiyo giddo, Roduu Loyidi Roduu Joonseni daafira yee heeshshosi qarru giddo tuganno gede assinosiri maati?
-
Kuni rodii addu Kiristaani assannore assinoha dilawannohe?
Yohaannisi 13:34, 35 nabbabbe; hakkiinni aante noo xaˈmuwa hasaabbe:
-
Yesuusi rosaano (addu Kiristaani) wole sircho woy wole daga wido ikkino manna ma garinni laˈanno?
-
Olu yannara, baxillu addu Kiristaani maa assanno gede kakkayisannonsa?
MITU MANNI TOGO YAANNO: “Yesuusi Kiristoosilla ammanittoro, baxitto beetekiristaaneno eittoro qarru dino.”
-
Mittu manchira addu Kiristaana bande anfanni gara kulannoha hiikkoye qummeeshsha nabbawa dandaatto?
XAPHISHSHA
Addu Kiristaani Qullaawu Maxaafi rosi garinni heeˈranno, uminsa qiniite agure wolu mannira baxille leellishanno, hattono mannaho Qullaawu Maxaafi halaale kulanno.
Kageeshsha Rosoottore
-
Addu Kiristaani ammana mayi aana xintantinote?
-
Addu Kiristaana bande anfanni gede assanno akati hiikkoyeti?
-
Addu Kiristaani loosanno loosi hiikkoyeti?
EGENNO LEXXI
Yesuusi Kiristoosi lawishshinna rosi garinni heeˈrate sharrantanni noori ayeootiro ledde huwati.
Bashshoora molokositte ikkitino mancho xa “addunnita ayyaanaamittete maate” afidhino gara wodanchi.
“Insa Xaˈmoˈya Baalantera Dawaro Qoltinoehu Qullaawu Maxaafinniiti!” (Agarooshshu Shaera fulino birxicho)
Addu Kiristaani kaaˈlo hasiissannonsarira ammanate roduuwinsara baxille leellishanno gara rosi.
Kalaqamu Dano Kalaqantanno Woyite Roduuwanke Kaaˈla—Murre Haaˈnoonnita (3:57)
Hundi Kiristaaninte gede, yannankera noohu addu Kiristaani Yesuusi rosaano assitanno yinoonnire assanni noo gara xiinxalli.
“Addu Kiristaana Bande Anfannihu Mayinniiti?” (Agarooshshu Shae, Badheessa 1, 2012)
Kurino Lai
DUUCHU MANNI XAˈMANNO XAˈMO
Yihowa Farciˈraasine Qullaawa Maxaafa Xiinxallissannohu Hiittoonniiti?
Yihowa Farciˈraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiˈra dandaatto. Xiinxallokkira maatekki gudisse woy jaallakki koyisa dandaatto.
