DILONGIESHA 18
Bia kutundula bena Kidishitu ba binyibinyi
Midiyala ya bantu ikuete kuiyitanyina bu bena Kidishitu. Anka ta be na nkumiino i mumune nya, na ta be na miiya i mumune. Biabia, mbikunyi biatudi balombene kutundula bena Kidishitu ba binyibinyi?
1. Bena Kidishitu mba nnanyi?
Bena Kidishitu, nyi mbalongi ba Yesu Kidishitu. (Badika Bikitshino 11:26.) Mbikunyi biabadia kulesha’shi, mbalongi ba Kidishitu? Yesu bambile’shi: ‘Su nwashala mu eyi dyande, nwi balongi bande eyendo.’ (Yowano 8:31, Kilombeno kipya 2014) Bino abilesha’shi bena Kidishitu ba binyibinyi abitungu batumikile malongiesha a Yesu. Bu bibadi Yesu alongiesha nka penda ku bukuashi bua Bifundue, malongiesha a bena Kidishitu ba binyibinyi aakatukilaa nka penda mu Bible.—Badika Luka 24:27.
2. Bena Kidishitu ba binyibinyi abaleshaa kifulo naminyi?
Yesu balunguile balongi baye’shi: “Nwifulene ku muntu na muntu bu binenufudile kifulo.” (Yowano 15:12, Esambi dipya) Yesu badi muleshe naminyi’shi mufule balongi baye? Badi akisha nabo nsaa pamune, kuibanyingisha na kuibakuasha. Na badi mpa na mutushe muwa waye pa muanda wabo. (1 Yowano 3:16) Mu mushindo umune, bena Kidishitu ba binyibinyi tabakulaa nka penda kifulo kia kukanua nya. Abekileshaa ku bishima na ku bikitshino biabio mpa na mu kuifulena ku muntu na muntu.
3. Bena Kidishitu ba binyibinyi mbepaane mu mudimo kinyi?
Yesu badi mupe balongi baye mudimo. “Bebatumine mu kuukisha [kulungula] mukandu wibuwa w’Efile Mukulu.” (Luka 9:2) Bena Kidishitu ba kumpala tababadi abalambukisha nka penda mu ma tempelo nya, babadi abalambukisha dingi mu ma mbalo e bantu bebungi mpa na ku mashibo a bantu. (Badika Bikitshino 5:42; 17:17.) Mu mushindo umune, bena Kidishitu ba binyibinyi lelo uno, bakuete kulungula bia binyibinyi bia mu Bible mbalo yoso yabapete bantu. Mbafule bantu nabo, na bakuete kufubisha bukome na nsaa yabo, bua kulungula na mulo oso mukandu wa mu Bible aunyingisha bantu na kuibapa lukulupilo.—Maako 12:31.
TUKIMBUULE BOSO
Tutale biodi mulombene kumona kuilekena kui pankatshi pa bena Kidishitu ba binyibinyi na bano bashabalondo malongiesha a Yesu na kileshesho kiaye.
4. Abakimbaa bia binyibinyi bi mu Bible
Bena Kidishitu ba kumpala babadi abata Eyi dy’Efile Mukulu na muulo
Bangi bantu abeitamina bu bena Kidishitu tabamonaa’shi kukimba bia binyibinyi bia mu Bible na kuibitumikila kui na muulo. Tala VIDEO, akupu nuisambile luno lukonko alulondo.
-
Buakinyi bangi bantu abeyitaminaa bu bena Kidishitu, tabobeshaa kulongiesha bipuilo biabo, bia binyibinyi bibadi bilongieshe Kidishitu?
Yesu badi mulongieshe bia binyibinyi abikatukila mu Eyi dy’Efile Muklu. Badika Yowano 18:37, akupu nuisambile luno lukonko alulondo:
-
Muyile Yesu, mbikunyi biatudi balombene kutundula bena Kidishitu “be mu binyibinyi.”?
5. Abalungulaa bia binyibinyi bia mu Bible
Bena Kidishitu ba kumpala babadi abedilungula bangi
Kumpala kua’shi Yesu ende muiyilu, badi mupe balongi baye mudimo ukuete kutungunuka mpa na lelo uno. Badika Mateo 28:19, 20 na Bikitshino 1:8, akupu nuisambile luno lukonko alulondo:
-
Abitungu kulungula mukandu wibuwa mpa na mbalo kinyi?
6. Abatumikilaa mianda ya balongiesha bantu
Nkinyi kibadi kishinkamishe ungi muana mulume abetamina bu Tom, shi bapete bena Kidishitu ba binyibinyi? Tala VIDEO, akupu nuisambile ino nkonko ailondo.
-
Mu uno video, nkinyi kibadi kilekieshe Tom kuenda mu kulanguila?
-
Buakinyi badi mushinkamishe’shi bapete bia binyibinyi?
Kukita nkukile kuakula. Badika Mateo 7:21, akupu nuisambile luno lukonko alulondo:
-
Nkinyi ki na muulo kui Yesu? Kuiamba’shi tui na lukumino su nkuilulesha ku bikitshino?
7. Mbefulene ku muntu na muntu
Bena Kidishitu ba kumpala babadi befulene ku muntu na muntu
Bena Kidishitu ba binyibinyi, be kukumina kutula muwa wabo mu masaku bua bakuabo bena Kidishitu su? Tala VIDEO, akupu nuisambile ino nkonko ailondo.
-
Mu uno video, nkinyi kibadi kitakule Loide bua kutula muwa waye mu masaku bua mukuabo mulume Johansson?
-
Onangushena’shi badi muleshe bikitshino bia bena Kidishitu ba binyibinyi su?
Badika Yowano 13:34, 35, akupu nuisambile ino nkonko ailondo:
-
Balongi ba Yesu sunga bena Kidishitu ba binyibinyi, abakitshinaa bantu ba dingi ekoba sunga ba ingi miilo mianda mu mushino kinyi?
-
We mulombene kukita kinyi mu kipungo kia ngoshi?
BANGI ABAMBA’SHI: “Bena Kidishitu mbakite mianda ibubi ibungi, be kuikala bu lulanguilo lua binyibinyi naminyi?”
-
Nkifundue kinyi kiodi mulombene kubadikila muntu akilesha bia kutundula bena Kidishitu ba binyibinyi?
MU KIKOSO
Bena Kidishitu ba binyibinyi abalondaa malongiesha a mu Bible, abepanaa bua kulesha bangi kifulo na abalongiesha bia binyibinyi bia mu Bible.
Kuambuula
-
Lukumino lua bena Kidishitu ba binyibinyi nduimeene pa kinyi?
-
We kutundula bena Kidishitu ba binyibinyi ku ngikashi kinyi?
-
Bena Kidishitu ba binyibinyi abakitaa mudimo kinyi?
TALUULA DINGI
Longa bibungi pabitale kisaka kia bantu kikite muakio moso bua kulonda malongiesha a Yesu na kileshesho kiaye.
Tala bibadi ungi Manseele a mu Katolike mupete “kifuko kia binyibinyi kia mu kikudi.”
“Mbafubishe Bible bua kualula ku nkonko yande yoso!” (Kitenta kya Mulami, 1/4/2014)
Tala bi bena Kidishitu ba binyibinyi, biabakuasha bakuabo be mu lukalo.
Tutale bena Kidishitu bia bakuete kukita mianda lelo uno, nka bu bibadi abikitshi bena Kidishitu ba mu siekele a kumpala, muyile bibadi Yesu muleshe, aibatundusha bu bena Kishitu ba binyibinyi.
“Abatundulaa bena Kidishitu ba binyibinyi ku kinyi?” (Kitenta kya Mulami, 1/3/2012)
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
