LES 18
Suma na den tru Kresten?
Milyardmilyard sma e taki dati den na Kresten. Ma den no e bribi den srefi sani èn den no e hori densrefi na den srefi wet. Sobun, fa wi kan kon sabi suma na den tru Kresten?
1. Suma na wan Kresten?
Wan Kresten na wan disipel noso wan bakaman fu Yesus Krestes. (Leisi Tori fu den apostel 11:26.) Fa wan sma e sori taki en na wan disipel fu Yesus? Yesus ben taki: „Efu unu tan du den sani di mi taki, dan unu na mi disipel trutru” (Yohanes 8:31). Sobun, tru Kresten musu gi yesi na den leri fu Yesus. Èn neleki Yesus den musu leri sma san skrifi na ini Bijbel.—Leisi Lukas 24:27.
2. Fa tru Kresten e sori lobi?
Yesus ben taigi den bakaman fu en: „Lobi makandra neleki fa mi lobi unu” (Yohanes 15:12). Fa Yesus sori taki a ben lobi den disipel fu en? A ben e du sani makandra nanga den, a ben e gi den deki-ati èn a ben e yepi den. A dede gi den srefi (1 Yohanes 3:16). Na a srefi fasi tru Kresten no e taki nomo taki den lobi makandra, ma den e du sani fu sori taki den lobi makandra.
3. Sortu prenspari wroko tru Kresten e du?
Yesus gi den disipel fu en wroko fu du. ’A seni den fu go preiki fu Gado Kownukondre’ (Lukas 9:2). Den fosi Kresten no ben gi leri soso te den ben kon makandra fu anbegi Gado, ma den ben go na sma oso èn na tra presi tu. (Leisi Tori fu den apostel 5:42 nanga 17:17.) Na ini a ten disi tu tru Kresten e go preiki gi sma awinsi pe den de. Den lobi sma èn dati meki den e gebroiki den ten nanga den krakti fu prati a boskopu fu Bijbel nanga den. A boskopu disi e gi sma howpu èn a e trowstu den.—Markus 12:31.
SORTU TRA SANI YU KAN LERI?
Wi o luku san na a difrenti na mindri tru Kresten nanga sma di no e du san Yesus leri.
4. Den e du muiti fu kon sabi den tru leri fu Bijbel
Den Kresten na ini a ten fu den apostel ben lobi Gado Wortu, den ben preiki gi trawan èn den ben lobi makandra
Son sma di e taki dati den na Kresten, no feni taki a prenspari fu du san Bijbel e taki. Prei a FELEM èn taki fu na aksi disi:
-
San son Kresten kerki du fu sorgu taki sma no kon sabi san Yesus leri sma?
Yesus ben yepi sma fu kon sabi den tru leri di de na ini Gado Wortu. Leisi Yohanes 18:37 èn taki fu na aksi disi:
-
Soleki fa Yesus sori, dan san tru Kresten musu du?
5. Den e gi sma leri fu Bijbel
Den Kresten na ini a ten fu den apostel ben preiki gi trawan
Fosi Yesus go na hemel, a gi den bakaman fu en wan wroko fu du. A wroko dati e du te now ete. Leisi Mateyus 28:19, 20 nanga Tori fu den apostel 1:8. Baka dati taki fu na aksi disi:
-
O langa den bakaman fu Yesus ben o du a preikiwroko èn gi suma den ben musu preiki?
6. Den e du san den e leri
Fa wan man di nen Tom ben sabi taki a feni a tru bribi? Prei a FELEM èn taki fu den aksi disi:
-
Fu san ede Tom no ben wani sabi noti moro fu kerki?
-
Fa a ben sabi taki a feni a tru bribi?
Den sani di wan sma e du, moro prenspari leki den sani di a e taki. Leisi Mateyus 7:21 èn taki fu na aksi disi:
-
San moro prenspari gi Yesus—fu taki dati wi e bribi na ini en noso fu du san a leri wi?
7. Den lobi makandra
Den Kresten na ini a ten fu den apostel ben lobi Gado Wortu, den ben preiki gi trawan èn den ben lobi makandra
A tru taki Kresten de klariklari fu dede gi makandra? Prei a FELEM èn taki fu den aksi disi:
-
Fu san ede Brada Lloyd ben de klariklari fu dede gi Brada Johansson?
-
Yu feni taki a du san wan tru Kresten musu du?
Leisi Yohanes 13:34, 35 èn taki fu den aksi disi:
-
Fa den disipel fu Yesus musu libi nanga sma fu wan tra ras noso fu wan tra kondre?
-
Fa den e sori lobi te feti de?
SON SMA E TAKI: „Ala Kresten e dini a srefi Gado, awinsi fu sortu kerki den de.”
-
Sortu tekst yu ben o gebroiki fu sori fa wi kan kon sabi suma na tru Kresten?
SAN YU LERI?
Tru Kresten e du san Bijbel e taki, den e sori lobi gi makandra, den e preiki èn den e gi sma leri komoto fu Bijbel.
Fa yu ben o piki den aksi disi?
-
Pe den sani di tru Kresten e bribi komoto?
-
Sortu moi fasi tru Kresten musu abi?
-
Sortu prenspari wroko tru Kresten musu du?
TRA SANI DI YU KAN LUKU
Na ini a felem disi yu o si wan grupu sma di e meki muiti fu du san Yesus leri.
San yepi wan uma di ben de wan non fosi fu feni a tru bribi?
„Den gebroiki Bijbel fu piki ibri aksi!” (A Waktitoren, 1 april 2014)
Na ini a felem disi yu o si fa tru Kresten e yepi makandra te den de na nowtu.
Yepi gi den brada fu wi te wan rampu pasa—Wan syatu pisi (3:57)
Na ini na artikel disi wi o si fa wi kan sabi suma na den trutru bakaman fu Yesus. Wi o si tu taki tru Kresten na ini a ten disi e du den srefi sani leki den Kresten na ini a ten fu den apostel.
„Fa yu kan kon sabi san na a tru Kresten bribi?” (A Waktitoren, 1 maart 2012)
