Miliarẹ̌e taumata měngẹ̌ngaku Kristen. Katewe, apa pẹ̌pangimangeng i sire nẹ̌tatěntang, arau i sire tawe měbẹ̌biahẹ̌ tuhụ atorang mẹ̌sul᷊ung. Mạeng kerene, kerea carane i kitẹ botonge makakiral᷊a i sai tau Kristen tutune?

1. Apa mangal᷊ene tau Kristen?

Tau Kristen ene kai muritẹ̌, arau tumatol᷊eng i Yesus Kristus. (Basa Kisah 11:26.) Kerea i sire něnodẹ i sire kai muriti Yesus? Yesus nẹ̌bera, ”Mạeng i kamene turusẹ̌ měndesọ baweraku, i kamene kahěngang-hěngang muritẹ̌ku.” (Yohanes 8:​31) Ini mangal᷊ene tau Kristen tutune harusẹ̌ tumol᷊e těntirong i Yesus. Dasaru těntirong i Yesus ene kai Alkitapẹ̌. Hakị u ene, dasaru pangangimang tau Kristen tutune lai Alkitapẹ̌.​—Basa Lukas 24:27.

2. Kerea tau Kristen tutune něnodẹ kakěndagẹ̌?

Yesus naul᷊ị su manga murite, ”Kěndagẹ̌ko sěmbaụ su wal᷊inẹ kere iạ seng kiměndagẹ̌ si kamene.” (Yohanes 15:12) Kerea i Yesus něnodẹ i sie makěndagẹ̌ su manga murite? I sie něnadia tempo gunang i sire, něnoghasẹ̌ si sire, dingangu nẹ̌tul᷊ung si sire. I sie lai něgělị pěbawiahe gunang i sire. (1 Yohanes 3:​16) Kerene lai, tau Kristen tutune tawe kětạeng nẹ̌bisara soal u kakěndagẹ̌. I sire něnodẹ kakěndagẹ̌ su sěmbaụ su wal᷊inẹ bọu bawera dingangu kakanoạ.

3. Tau Kristen tutune sibukẹ̌ měkẹ̌koạ hal᷊ẹ̌ apa?

Yesus něgělị hal᷊ẹ̌ su manga murite. ”I sie něndolohẹ̌ si sire gunang měhabarẹ̌ soal u Kararatuangu Mawu.” (Lukas 9:2) Tau Kristen su abad humotong měngẹ̌nginjilẹ̌ bal᷊inẹ kětạeng su tampạ pěngangibadang i sire, katewe lai su tampạ piạ lawọ taumata dingangu su manga wal᷊e. (Basa Kisah 5:​42; 17:17.) Orasẹ̌ ini, tau Kristen tutune lai mělẹ̌habarẹ̌ katěngadẹ̌ bọu Alkitapẹ̌ su haghing tampạ. I sire makěndagẹ̌ su taumata wal᷊inẹ, hakị u ene i sire mal᷊uasẹ̌ měpakẹ tempo dingangu katatoghasẹ̌ gunang měmahiạ habarẹ̌ makahiborẹ̌ lai makaghělị pělaharapẹ̌ bọu Alkitapẹ̌.​—Markus 12:31.

 BANGKA PAKARAL᷊UNG

4. I sire nědeạ katěngadẹ̌ bọu Alkitapẹ̌

5. I sire němahiạ katěngadẹ̌ bọu Alkitapẹ̌

 6. I sire měkẹ̌koạ apa nitěntirong i sire

Apa nakakoạ sěngkatau esẹ arenge Tom mangimang i sie seng nakasingkạ sude tau Kristen tutune? Putarẹ̌ VIDEONE, bọu ene bisarai kakiwal᷊one.

• Su video ene, apa nakakoạ si Tom seng tawe mangimang su agama?

• Kawe nụe i sie mangimang i sie seng nakasingkạ i sai sěběnarẹ̌e muritẹ̌ i Yesus?

Kakanoạ limembong penting bọu bawera. Basa Matius 7:​21, bọu ene bisarai kakiwal᷊o ini:

• Sude limembong penting si Yesus: I kitẹ maul᷊ị i kitẹ mangimang arau i kitẹ měnodẹ ene bọu kakanoạ i kitẹ?

7. I sire měkẹ̌kakěndagẹ̌ sěmbaụ su wal᷊inẹ

• Kerea manga muriti Yesus (tau Kristen tutune) měkoạ taumata bọu ras arau bangsa wal᷊inẹ?

• Kerea i sire někoạ ene su tempong piạ perang?

 RINGKASAN

Tau Kristen tutune tụtol᷊e těntirong Alkitapẹ̌, něnodẹ kakěndagẹ̌ rela berkorban, dingangu něhabarẹ̌ katěngadẹ̌ bọu Alkitapẹ̌.

Apa seng nikaěndungangu?

• Apa dasaru pangangimang tau Kristen tutune?

• Sipatẹ̌ apa nakoạ tatialang tau Kristen tutune?

• Apa hal᷊ẹ̌ kẹ̌koatengu tau Kristen tutune?