Guü̃ i Naanewa muü̃tchiü̃ma i duü̃ü̃gü nüü̃ niu na õgütanüü̃gü niĩgü. Notürü norü nguꞌẽẽtaegü natoraü̃ü̃. Nhuꞌmatchi nhuãcü nüü̃ tacuaꞌgü teé niĩ i aicumaü̃tchi õgütanüü̃gü?

1. Taꞌacü niĩ wüi õgütanüü̃?

Yíema ya Ngetchutchu ya Cristuwe narüũ. (Nawa naugütae Puracügü 11:26.) Nhuãcü wüi duü̃ü̃ naweꞌ na Cristuarü ngúeü̃ niĩ? Ngetchutchu nhanagürü: “Ngẽguma pema meãma peyaõgüetchagu i ngẽma pemaã nüü̃ tchiuü̃, rü aicumaü̃tchi tá tchorü ngúeü̃gü peiĩgü.” (Juã́ũ 8:31) Nhuꞌmatchi i aicumaü̃tchi õgütanüü̃ i Ngetchutchuga naĩnü. Guü̃ma na Ngetchutchu nanangúeü̃ rü taꞌacü ga nanaüü̃ nawüigu ga Tupanaarü Oremaã. Ngẽgumarüü̃, rü aicumaü̃tchi õgütanüü̃gü nanawaꞌe nananguꞌẽẽ rü ta nanaü i taꞌacü Tupanaarü Ore yau. — Nawa naugütae Luca 24:27.

2. Nhuãcü i aicumaü̃tchi õgütanüü̃gü rü nanaweꞌ i ngetchaü̃?

Ngetchutchu norü ngúeü̃güü̃ nhanagürü: “Rü tchama peü̃ tchamu na pemücügüü̃ pengetchaü̃güü̃caꞌ, ngẽma tchama na peü̃ tchangetchaü̃ü̃rüü̃.” (Juã́ũ 15:12) Nhuãcü ga Ngetchutchu rü nanaweꞌ na norü ngúeü̃güü̃ nangetchaü̃? Ngetchutchu guü̃guma ga norü ngúeü̃güü̃tawa nayema na nüü̃ narüngü̃ẽẽü̃caꞌ, rü nüü̃ nanaporaeü̃. Rü ta nacaꞌ nayu. (1 Juã́ũ 3:16) Ngẽgumarüü̃, rü aicumaü̃tchi õgütanüü̃gü rü nanaweꞌ i aicuma nügü nangetchaü̃gü rü taꞌacü naügüwa i taꞌacü nüü̃ niugüwa.

3. Ngeü̃rüüü̃ niĩ i puracü na aicumaü̃tchi õgütanüü̃gü naügüü̃?

Ngetchutchu ga norü ngúeü̃güna nanaã ga wüi puracü ga meẽtchi. Rü nüma ‘nayamugü na duü̃ü̃gümaã nüü̃ yaugüeü̃caꞌ ga ore ga meü̃ ga Tupanaarü Ãẽꞌgacütchiga’. (Luca 9:2) Notürü õgütanüü̃gü rü tama tupaucagüwarica nüü̃ niugü. Notürü nümagü ta duü̃ü̃gümaã nüü̃ niugü ga Tupanaarü Oretchiga rü ĩpatagüwa rü togü i natchicagüwa. (Nawa naugütae Puracügü 5:42 rü 17:17.) Rü nhuꞌma i aicumaü̃tchi õgütanüü̃gü rü guü̃wama nüü̃ niugü i Tupanaarü Oretchiga erü duü̃ü̃güü̃ nangetchaü̃gü. Rü ngẽmacaꞌ taãẽãcü nügü naporaẽẽgü na togüü̃ nananguꞌẽẽü̃caꞌ i Tupanaarü unetatchiga, ngẽma rü nüü̃ nataãẽẽẽgü. — Marcu 12:31.

 YEERA NÜÜ̃ CUCUAꞌ

4. Nümagü nüü̃ nacuaꞌgütchaü̃ i aicuma i taꞌacütchiga i Tupanaarü Orewa ngẽma nüü̃ yau

5. Nümagü nüü̃ niugü i aicuma i Tupanaarü Oretchiga

 6. Nümagü rü nanaügü i ngẽma namaã nanguꞌẽẽtaegü

Taꞌacü nüü̃́ nanangútchaü̃ẽẽ ga wüi yatü ga naéga Tom, na nüü̃ nayangauü̃ i aicumaü̃tchi õgütanüü̃gü? Nüü̃ cudau i VÍDEO. Yicama pegümaã pideagü ngẽmatchiga:

• Vídeowa, tüꞌcüü̃ ga Tom ga yaõgüü̃tücumügüü̃ ínayataꞌ?

• Taꞌacü ga Tom rü nüü̃́ nüü̃ nacuaꞌẽẽ na nüü̃ nayangau i aicuma?

Taꞌacü taügüü̃ narümemaẽ taꞌacüarü torü deagü. Nawa naugütae Mateu 7:21. Yicama pegümaã pideagü ngẽmatchiga:

• Taꞌacü niĩ Ngetchutchucaꞌ rümemaẽü̃: Taꞌacü yiema nüü̃ iugü tórü õtchiga urü taꞌacü yiema iügü tórü õgagu?

7. Rü aicuma nügü nangetchaü̃güü̃

• Nhuãcü i Ngetchutchuarü ngúeü̃gü urü aicumaü̃tchi õgütanüü̃gü rü nügümaã niĩgü tá? Duü̃ü̃gü na natoraü̃ü̃ yiĩü̃, cuaꞌruü̃ i natchaꞌmüü̃waüü̃ rü natchaꞌmüü̃ rü waraü̃ urü togü natchiü̃anecü̃ãꞌ, eꞌna ngẽma ga Ngetchutchuarü ngúeü̃gücaꞌ nawüigu?

• Rü wüi gueragu, eꞌna meã nanaweꞌ tá nügü nangetchaü̃güü̃?

 TAꞌACÜ MARÜ NÜÜ̃ CUCUAꞌ?

Rü aicumaü̃tchi õgütanüü̃gü rü Tupanaarü Orega naĩnüẽ, rü nanaweꞌ na aicuma nügü nangetchaü̃ rü nüü̃ niugü i meü̃ i ore.

Ngeü̃rüüü̃ i curü ngãü̃?

• Taꞌacümaã nawüigu i aicumaü̃tchi õgütanüü̃güarü nguꞌẽẽtaegü?

• Rü aicumaü̃tchi õgütanüü̃gü, ngeü̃rüüü̃ i nacüma nüü̃ iwéü̃?

• Taꞌacü i puracü i aicumaü̃tchi õgütanüü̃gü naügüü̃?