LESEN 18
Wiskain Yumi Ken Megaraut ol Prapa Kristian
I gad plenti bilion pipol uda akt po Kristian. Bat, dempla no bilib da seimting, ane ol no pole da seim tising wea laip. So, wiskain yumi go megaraut ol prapa Kristian?
1. Uda i Kristian?
Ol Kristian i klostuman, o pipol uda pole, Zizas Kraist. (Rid Pas Misnare Wok 11:26.) Wanem ol i mekem po prube ol i klostuman blo Zizas? Em spik: “Ip yupla i mata kip pole dem mesiz wea ai prisem, wa, yupla i ol klostuman blo mi.” (Zon 8:31) Dasmin ol prapa Kristian mas obei ol tising blo Zizas. Ane wa, wase Zizas bin ebritaim tise wanem da Baibol i spik, so ol prapa Kristian mas pole tising blo Baibol tu.—Rid Luk 24:27.
2. Wiskain ol prapa Kristian soe lab?
Zizas bin spik po dempla uda pole em: “Labe wananada seimkain wiskain ai labe yupla.” (Zon 15:12) Wiskain Zizas bin soe em labe ol klostuman blo em? Em bin wande meke taim wea dempla, inkariz dempla, ane elpe dempla. Em bin wiling po gibe laip blo em po dempla. (Zon 15:13) Seimkainwei wase Zizas, ol prapa Kristian no kasa tokbaut lab. Ol i soe lab, prom wiskain ol i tok ane wanem ol i mekem wea wananada.
3. Ol prapa Kristian meke wanem wok?
Zizas bin gibe wok po klostuman blo em. Em bin sane dempla “po spik . . . baut da Kingdom blo God.” (Luk 9:2) Dem pas Kristian no bin mata pris wea ol ples blo wosip, bat ol bin goraun po pris wea ol nada ples ane aus blo ol pipol tu. (Rid Pas Misnare Wok 5:42; 17:17.) Ol prapa Kristian tidei, meke seimkain wok ane gopo eni ples wea i gad pipol po prisbaut da trutok prom Baibol. Dempla labe ol nada pipol, so ol i mina api po yuze taim ane strong blo dempla, po sere da mesiz blo Baibol po gibe kampot ane oup.—Mak 12:31.
TINGBAUT MO NAU
Tingbaut wanem meke ol prapa Kristian dipren prom ol pipol uda no pole tising ane wei blo Zizas.
4. Dempla luk klostu po paine trutok blo Baibol
Wod blo God bin mina impotant po dem pas Kristian
Sam pipol uda spik dempla i Kristian, no tingk i impotant po prapa sabe ane paine trutok prom Baibol, o po yuzem wea laip. Plei da BIDYO, ane tokbaut dis kwestin ya.
-
Wanem sam sos uda akt po Kristian bin mekem, po stape pipol prom lan ol tising blo Zizas?
Zizas tise trutok prom Wod blo God. Rid Zon 18:37, ane tokbaut dis kwestin ya:
-
Prom wanem Zizas i spik, wiskain yumi ken megaraut ol Kristian uda “i pole dem trutok”?
5. Dempla pris trutok prom Baibol
Dem pas Kristian bin pris po nada pipol
Bipo Zizas bin go antap eben, em bin gibe demwan uda pole em, wan impotant wok po mekem ane i stil apen nau. Rid Matiu 28:19, 20 ane Pas Misnare Wok 1:8, ane tokbaut dem kwestin ya:
-
Da wok blo prising go kese aumas pipol ane kantri? Ane wanem taim i go pinis?
6. Dempla meke demting ol i prisbaut
Wanem bin elpe wan man, neim blo em Tom, po prapa sabe em bin paine da prapa Kristian rilizan? Plei da BIDYO, ane tokbaut dem kwestin ya.
-
Lo da bidyo, wanem bin meke Tom gibap ane no wande sabe rilizan?
-
Wanem bin elpe em po prapa sabe em bin paine demwan uda prapa pole Zizas?
I no nap po kasa tok, bat i impotant po soem prom wanem yu go mekem. Rid Zemes 2:24, ane tokbaut dis kwestin ya:
-
Wanem i mo impotant po Zizas—ol kasa tok baut wanem yumi bilib o wanem yumi mekem?
7. Dempla labe wananada
Dem pas Kristian bin labe wananada
Wiswei, i gad Kristian uda wiling po gibe laip blo dempla po ol nada Kristian bala ane sisi a? Plei da BIDYO, ane tokbaut dem kwestin ya.
-
Lo da bidyo, aukam Lloyd bin redi po gibe laip blo em po Bala Johansson?
-
Yu tingk em bin akt wase prapa Kristian?
Rid Zon 13:34, 35, ane tokbaut dem kwestin ya:
-
Wiskain demwan uda pole Zizas, ol prapa Kristian, go trite pipol blo ol nada kantri o neisin?
-
Wen i woataim, wiskain ol go trite pipol ane soe lab po dempla?
SAM PIPOL SPIK: “I nomata wanem rilizan o sos yu gopo, ol Kristian wosip da seim God.”
-
Wanem skripsa yu go ridem po samwan, po soe wiskain yumi go megaraut ol prapa Kristian?
WANEM YU BI LAN
Ol prapa Kristian pole tising blo Baibol, soe lab ane redi po elpe wananada, ane pris trutok prom Baibol.
Wiskain Yu Go Spik
-
Wea bilib blo ol prapa Kristian i kam prom?
-
Ol prapa Kristian soe wanem gudpasin?
-
Wanem wok ol prapa Kristian i mekem?
PAINDAUT MO
Lan mo baut wan grup uda traiad po pole tising ane wei blo Zizas Kraist.
Luk wanem bin elpe wan oman, uda bin nun, po paine wan “tru amenpamle.”
“They Used the Bible to Answer Every Question!” (The Watchtower, April 1, 2014)
Lan wiskain ol prapa Kristian i soe lab po ol amenbala ane sisi uda nide elp.
Redi po Elp Yumi Amenpamle Wen Adtaim lte Dempla—Smol Pat (3:57)
Paindaut wiskain ol prapa Kristian tidei meke da seimkainwei wase dem pas Kristian, sole yumi go megaraut uda prapa pole Zizas.
“What Are the Marks of True Christianity?” (The Watchtower, March 1, 2012)
Yu Mait Laik Dem Samting Ya Tu
OL KWESTIN PIPOL ASKEM
Wanem dem Baibol Stadi Lesen ol Zeoba Witnis i Gibem po Pipol?
Wea dis niu wei po stadi Baibol dat ol Zeoba Witnis i mekem, i pri, ane yu ken yuze eni Baibol yu wandem. Yu welkam po inbait pamle blo yu ane eni pren po stadi tu.
