LESOGNE 18
Akore ty Amantaragne ty Tena Kristiana?
Agn’arivo’e tapetrisa ty ndaty mirehake tie Kristiana. Faie tsy mitovy ty raha inoa iareo, ndra ty fitsipike orihe iareo. Akore areke ty amantaragne ty tena Kristiana?
1. Ino ty atao tihoe Kristiana?
Mpiana i Jesosy Kristy ndra mpanonjohy ty lia’e ty atao tihoe Kristiana. (Vakio ty Asan’ny Apostoly 11:26.) Akore ty amantaragne fa tena mpiana i Jesosy iareo? Hoe ty Jesosy: “Naho tsy miala amy ty rehako nareo le tena mpianako vata’e.” (Jaona 8:31) Ty dika izay, tsy maintsy mankatò ty fampianara i Jesosy ty tena Kristiana. Ze raha agnate Baiboly ao avao ty nampianare i Jesosy. Toko’e hifototse amy ty Baiboly ka ty raha inoa ty tena Kristiana.—Vakio ty Lioka 24:27.
2. Akore ty ampisehoa ty tena Kristiana fa mifankatea iareo?
Hoe ty Jesosy tamy ze mpanonjohy ty lia’e: ‘Mifankateava nareo manahake ty niteavako anareo.’ (Jaona 15:12) Akore ty nampisehoa i Jesosy fa tea’e i mpiana’e rey? Nanokagne fotoagne niarahagne tamy iareo reke, nampahery iareo sady nagnampe iareo. Nagnomey ty fiai’e hoahy iareo aza reke. (1 Jaona 3:16) Tsy atao am-bava avao ty hatea ty tena Kristiana. Aseho iareo amy ty raha rehafe’e naho ty raha atao’e fa mifankatea vata’e iareo.
3. Ino ty asa imanea ty tena Kristiana?
Nagnomey asa hoahy i mpiana’e rey ty Jesosy. “Nirahe’e hitory i Fanjakàn’Andrianagnaharey” iareo. (Lioka 9:2) Tsy tamy ty toeram-pivavaha iareo tao avao ty nitoria o Kristiana voaloha’eo fa tamy ty toeragne maro ndaty naho isan-tragno. (Vakio ty Asan’ny Apostoly 5:42; 17:17.) Mitory amy ze toeragne misy ndaty ka ty tena Kristiana amy hinane zao. Tea iareo o ndatio, le mahafale iareo ty mampiasa ty fotoa’e naho ty heri’e mba hizaràgne ty hafatse magnomey fanantenagne naho fampionognagne amy Baiboly ao.—Marka 12:31.
ANDAO HANDINEKE TY PITSOPITSO’E
Hodinehentikagne ato ty mampiambake ty tena Kristiana amy ty ndaty tsy magnorike ty fampianara i Jesosy naho ty ohatse nimei’e.
4. Mikaroke ty hamarenagne amy Baiboly ao iareo
Sarobily tamo o Kristiana voaloha’e reo ty Saontsin’Andrianagnahare
Tsy ze ndaty mirehake ty tegna’e ho Kristiana ro mihevetse ty hamarenagne amy Baiboly ao ho sarobily. Alefaso i VIDEO oy, sady iharò midineke ty fagnonteneagne toy.
-
Ino ty natao ty fivavahagne ila’e mirehake ty tegna’e ho Kristiana mba hisakanagne o ndatio tsy hahafantatse ty raha nampianare i Jesosy?
Nampianatse ty hamarenagne boake amy ty Saontsin’Andrianagnahare ao ty Jesosy. Vakio ty Jaona 18:37, sady iharò midineke ty fagnonteneagne toy:
-
Akore ty amantaragne ty Kristiana “magnorike ty maregne”, naho henteagne o reha i Jesosy iohoe?
5. Mitory ty hamarenagne amy Baiboly ao iareo
Nitory tamy ty hafa o Kristiana voaloha’e reo
Taloha ty nandena i Jesosy an-dagnitse agne, le nagnomey asa ze mpanonjohy ty lia’e reke. Mbe mitohy hatrake amy izao o asa iohoe. Vakio ty Matio 28:19, 20 naho ty Asan’ny Apostoly 1:8, sady iharò midineke ty fagnonteneagne toy:
-
Hatrake aia ty hanoagne i asa fitoriagney sady ombia ty hifaragna’e?
6. Ampihare iareo amy ty fiaigna’e ze raha torie iareo
Ino ty nampieke ty lahilahy raike atao tihoe Tom toy fa nahatrea ty Fivavahagne Maregne reke? Alefaso i VIDEO oy, sady iharò midineke ty fagnonteneagne retoa.
-
Ino ty nahavy i Tom ho tofoke amo o fivavahagneo, arake i video teoy?
-
Nagnino reke ro rese lahatse fa nahatrea ty hamarenagne?
Ty raha atao ro tena lahibey fa tsy ty raha rehafegne avao. Vakio ty Matio 7:21, sady iharò midineke ty fagnonteneagne toy:
-
Ty aia ty lahibey amy i Jesosy, tie itika misenge tie mino aze sa tie itika mampiseho amy ty raha ataontikagne fa mino aze?
7. Mifankatea iareo
Nifankatea o Kristiana voaloha’e reo
Tena vognogne hamoe ty fiai’e hoahy ty mpiara-mivavake ama’e vata’e vao ty tena Kristiana? Alefaso i VIDEO oy, sady iharò midineke ty fagnonteneagne retoa.
-
Ino ty nahavy i Lloyd vognogne hamoe ty fiai’e hoahy i Rahalahy Johansson, arake i video teoy?
-
Akore ty heve’o, tena Kristiana vao reke?
Vakio ty Jaona 13:34, 35, sady iharò midineke ty fagnonteneagne retoa:
-
Akore ty fihevera ty mpiana i Jesosy [ty tena Kristiana] ze ndaty tsy mitovy foko ndra firenena ama’e?
-
Akore ty ampisehoa iareo izay naho fa misy aly?
MISY TY MIREHAKE FA: “Manao raha raty iaby o fivavahagneo!”
-
Ino ty andinin-teny azo’o rehafegne ama’e mba hampisehoagne ty fomba amantaragne ty tena Kristiana?
FAMINTIGNAGNE
Magnorike ty raha rehafe ty Baiboly, mifankatea naho mahafoe tegna sady mitory ty hamarenagne amy Baiboly ao ty tena Kristiana.
Fameregnagne
-
Mifototse amy ty ino ty raha inoa ty tena Kristiana?
-
Ino ty toetse mampiambake ty tena Kristiana?
-
Ino ty asa atao ty tena Kristiana?
FAGNAZAVAGNE FAGNAMPE’E
Dineho ato fa misy ndaty mikezake magnorike ty modely naho ty fampianara i Jesosy Kristy.
Ho trea’o ato ty nahavy ty masera raike taloha toy hahatrea “keleiagne ara-pagnahy.”
“Nampiasa Baiboly Lognandro Iareo!” (Fitalakesan-davitse 1 Avrily 2014)
Henteo ato ty fomba anehoa ty tena Kristiana hatea ty mpiharo finoagne ama’e zoem-boigne.
Ampeantikagne o Rahalahintikagne Nizoem-boigneo—Tapatapa’e (3:57)
Mitovy amy ty raha natao ty Kristiana voaloha’e ty atao ty tena Kristiana amy izao. Dineho ato ty raha nirehafe i Jesosy amantaragne ty tena mpanonjohy ty lia’e.
“Tena Kristiana vao ze Manao ty Tegna’e tie Kristiana?” (Fitalakesan-davitse 1 Marsa 2012)
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
