AISISIAET NA 18
Epone Lojenunet Ikristayon Lukabeit
Ipu noi itunga luebakasi ebe eraasi kesi Ikristayon. Konye egelegela aiyuununetakec, ido egitakina nuecamunitos kesi kwape nuejokuka keda nueroko. Aso, epone ani ipedoria oni ajenun Ikristayon lukabeit?
1. Ingai bo Ikristayot?
Eraasi Ikristayon ikesisiak arai bo atupitok luka Yesu Kristo. (Kosiom Aswamisio 11:26.) Anyoika bo nuitogogongoritos ebe eraasi kesi ikesisiak luka Yesu? Abala Yesu ebe: “Arai kisalakis toma akirotoka, abeit iraas ikakesisiak.” (Yokana 8:31) Akepolou ebe Ikristayon lukabeit ibusakinit arimaarit aisisianakineta nuka Yesu. Ido kwape etwasama Yesu Aiwadikaeta aitogogongia akiro nuesisianakini ngesi, ekoto akiro nuiyuunitos Ikristayon lukabeit koraasi nuelomunitos kotoma Obaibuli.—Kosiom Luka 24:27.
2. Epone ani itodunitotor Ikristayon lukabeit amin?
Abu Yesu kolimok atupitokoke ebe: “Kominanaros, kwape abu kaminar yes.” (Yokana 15:12) Epone ani abu Yesu kitodunia ebe amina ngesi ikesisiakake? Abu Yesu kodum apak naka ajaut keda ikesisiakake, esinyikonokini ngesi kes, ka aingaranakin kes. Ido abu ngesi kopal akeijar kanukec. (1 Yokana 3:16) Kwape ka Yesu, mam Ikristayon lukabeit inerasi einer bon nuikamunitos amin, konye itodunitos kesi kotoma akirokec ka aswamisio ebe eminasi luce.
3. Ani bo aswam naepol kakere naiswamaete Ikristayon lukabeit?
Abu Yesu koinak ikesisiakake aswam. Abu ngesi “kiyakia kes alimonokin Ajakanut Naka Edeke.” (Luka 9:2) Ikristayon lukolo sek alimonokinete mere kotoma aiboisiokec nuka aima bon, konye alimonokinete kaiboisio nuipuatar itunga ido bobo koreria luka itunga da. (Kosiom Aswamisio 5:42; 17:17.) Ikristayon lukabeit luakwana da elimonokinete abeit naka Ebaibuli kaiboisit adio kere naejaasi itunga. Naarai eminasi Ikristayon lukabeit itunga, elelakinitos aitwasam akecepak, ka agogong kanu aimor kaluce akiro nuka Obaibuli nueinakinitos amun keda aitalakaario.—Marako 12:31.
KISISIAU NUIPU
Kisisiau epone lotiakunet Ikristayon lukabeit kaneejaas itunga luebakasi ebe etupitos Yesu konye komam etupitos aisisianakinetake ka aanyuneteke.
4. Emoete abeit naejai Obaibuli
Ikristayon lukolo sek aminas Akirot Naka Edeke
Mam ngul kere luebakasi ebe eraasi Ikristayon epodokinitos ajenun ka aibwaikin toma aswamisioit abeit naejai toma Obaibuli. Koboliak EBIDIO, kosodete aimor aingiset naetupakini.
-
Epone ani ekarakinia idiinin luenyarakina ebe eraasi Ikristayon atupakin aisisianakineta nuka Yesu?
Abu Yesu kisisianak abeit naejai toma Akirot Naka Edeke. Kosiom Yokana 18:37, kosodete aimor aingiset nata:
-
Katupitos nuenera Yesu, epone ani ijenunia oni Ikristayon ‘lukabeit’?
5. Elimonokinete abeit naka Obaibuli
Ikristayon lukolo sek alimonokinete luce
Eroko Yesu ebongora toma akuj, abu ngesi kijaik ikatupitokoke aswam nainyikokinitai aitolot itoni lolo. Kosiom Matayo 28:19, 20 keda Aswamisio 1:8, kosodete aimor aingiset nata:
-
Alimonokin naka Ikristayon lukabeit edauni apak naetia ai ido ai bo enangakini?
6. Etupitosi kesi akiro nuelimonokinete
Inyo abu koinak etunganan loenyaritai Tom aiyuun ebe adumu ngesi Ekristayone lokabeit? Koboliak EBIDIO, kosodete aimor aingiseta nuetupakinete.
-
Kobidio kalo, inyo abu koinak Tom aijal akiro nuikamanara keda ediini?
-
Kanuinyo kwana iyuunitor ngesi ebe adumu abeit?
Aswamisiowok itejenunitos noi nuikamunitos oni adepar akirowok. Kosiom Matayo 7:21, kosodete aimor aingiset nata:
-
Anu bo eraasi nuepolok kaneejai Yesu—oni einer ebe kiyuunit nges arai bo nuitodunit oni kotoma aswamisiowok?
7. Eminanara bonik
Ikristayon lukolo sek aminanara bonik
-
Kotoma obidio, inyo abu koinak Onac Lloyd aibwaikin akeijar oitelesit kanuka Onac Johansson?
-
Iwomit kereka ijo ebe nuabu ngesi kiswama itodunitos nges kwape Ekristayot lokabeit?
Kosiom Yokana 13:34, 35, kosodete aimor aingiseta nuta:
-
Epone ani eyaitotor ikesisiak luka Yesu (Ikristayon lukabeit) itunga luka eceriagi arai bo luka acekwap?
-
Epone ani iswamata kesi ngun kapakio nuka ejie?
EBAKASI ICETUNGA EBE: “Ikristayon kere ijaanakinete Edeke ediopet karaida egelegela ikanisanakec”
-
Ani bo ekokoro loitodunit epone lojenunet Ikristayon lukabeit loipedori ijo aimor keda itunganan?
NUIDAU AISISIAUN
Ikristayon lukabeit erimaaritos aisisianakineta nuka Ebaibuli, itodunitos amina nakabeit, ido elimonokinete abeit naejai toma Obaibuli.
Ainyogoor
-
Ai bo elomunitotor aisisianakineta nuka Ikristayon lukabeit?
-
Ani bo epone lojenunet Ikristayon lukabeit?
-
Ani bo aswam naepol kakere naiswamaete Ikristayon lukabeit?
ISISIAU BOBO NUTA
Kisisiau nuipu nuikamunitos atukot naka itunga luiswamaete kagogong atupit aanyunet naka Yesu ka aisisianakinetake.
Koany ibore yenainakini aberu nasek arai abikiriat amoun “ekale lokabeit loka Ekristayone.”
“Etwasamaete Kesi Ebaibuli Abongonokinia Aingiseta Kere!” (Watchtower, Elap Loiwongonet 1, 2014)
Kisisau epone loitodikinitotor Ikristayon lukabeit iinacanekec luejaas erono amin.
Aingarakin Iinacanawok Naedokinia Kes Engeso—Nuetiakunitai (3:57)
Isisiau epone loeraatar Ikristayon lukabeit lolo loetupitos nueswamaenenete Ikristayon lukolo sek ido nuabala Yesu ebe ejenunere ikatupitoke lukabeit.
“Inyo Ejenunere Ikristayon Lukabeit?” (Watchtower, Elap Loiwuniet 1, 2012)
