ቢልዮናት ሰባት ክርስትያናት ኢና ይብሉ እዮም። ኵላቶም ግና ሕደ እምነት የብሎምን፡ ብሕደ ስርዓታት እውን ኣይመላለሱን እዮም። እሞ ደኣ ነቶም ናይ ሓቂ ክርስትያናት ብኸመይ ከነለልዮም ንኽእል፧

1. ክርስትያን እንታይ እዩ፧

ክርስትያናት፡ ደቀ መዛሙርቲ ወይ ሰዓብቲ የሱስ ክርስቶስ እዮም። (ግብሪ ሃዋርያት 11:26 ኣንብብ።) ደቀ መዛሙርቲ የሱስ ምዃኖም ብኸመይ እዮም ዜርእዩ፧ የሱስ፡ “ኣብ ቃለይ እንተ ጸኒዕኩም፡ ብሓቂ ደቀ መዛሙርተይ ኢኹም” ኢሉ እዩ። (ዮሃንስ 8:31) ከምዚ ኺብሃል ከሎ፡ ናይ ሓቂ ክርስትያናት ንትምህርትታት የሱስ ኪእዘዙ ኣለዎም ማለት እዩ። ከምቲ ትምህርትታት የሱስ ወትሩ ኣብ ቅዱሳት ጽሑፋት እተመስረተ፡ እምነታት ናይ ሓቂ ክርስትያናት እውን ኣብ መጽሓፍ ቅዱስ እዩ ዚምስረት።—ሉቃስ 24:27 ኣንብብ።

2. ናይ ሓቂ ክርስትያናት ፍቕሪ ዜርእዩ ብኸመይ እዮም፧

የሱስ ንሰዓብቱ፡ “ከምቲ ኣነ ዘፍቀርኩኹም፡ ንሓድሕድኩም ክትፋቐሩ፡ ትእዛዘይ እዚ እዩ” ኢልዎም እዩ። (ዮሃንስ 15:12) የሱስ ንደቀ መዛሙርቱ ኸም ዜፍቅሮም ብኸመይ እዩ ኣርእዩ፧ ምሳታቶም ግዜ ኣሕሊፉን ኣተባቢዕዎምን ሓጊዝዎምን እዩ። ህይወቱ እውን ምእንታኦም ኣሕሊፉ እዩ። (1 ዮሃንስ 3:16) ብተመሳሳሊ፡ ናይ ሓቂ ክርስትያናት ብዛዕባ ፍቕሪ ኻብ ምዝራብ ንላዕሊ ይገብሩ እዮም። ንሓድሕዶም ከም ዚፋቐሩ ብቓሎምን ብግብሮምን የርእዩ እዮም።

3. ናይ ሓቂ ክርስትያናት ኣብ ምንታይ ንጥፈታት እዮም ትሑዛት ዚዀኑ፧

የሱስ ንደቀ መዛሙርቱ ዕዮ ሂብዎም እዩ። ብዛዕባ እዚ ኸኣ፡ “መንግስቲ ኣምላኽ ኪሰብኩ . . . ለኣኾም” ዚብል ነንብብ። (ሉቃስ 9:2) ቀዳሞት ክርስትያናት ኣብ ቦታታት ኣምልኾኦም ጥራይ ዘይኰነስ፡ ኣብ ካልእ ቦታታትን ኣብ ኣባይቲ ሰባትን እውን ይሰብኩ ነይሮም እዮም። (ግብሪ ሃዋርያት 5:42፣ 17:17 ኣንብብ።) ሎሚ ዘለዉ ናይ ሓቂ ክርስትያናት እውን ሰባት ኣብ ዚርከቡሉ ዘበለ ዅሉ ቦታ፡ ሓቅታት መጽሓፍ ቅዱስ ይሰብኩ እዮም። ንሰባት ስለ ዜፍቅሩ፡ ነቲ ኣብ መጽሓፍ ቅዱስ ዚርከብ መልእኽቲ ተስፋን ምጽንናዕን ንምንጋር ግዜኦምን ጕልበቶምን ተሓጒሶም ይውፍዩ እዮም።—ማርቆስ 12:31።

 ኣዕሚቝካ ዅዓት

4. ሓቂ መጽሓፍ ቅዱስ ይደልዩ

5. ሓቂ መጽሓፍ ቅዱስ ይሰብኩ

 6. ከምቲ ዚሰብክዎ ዀይኖም ይመላለሱ

ንሓደ ቶም ዝስሙ ሰብኣይ ናይ ሓቂ ክርስትና ኸም ዝረኸበ ዘእመኖ እንታይ እዩ፧ ቪድዮ ኣጻውት፡ ድሕሪኡ በዚ ሕቶታት ተመያየጡ፦

• ኣብታ ቪድዮ፡ ቶም ብሃይማኖት ተስፋ ኸም ዚቘርጽ ዝገበሮ እንታይ እዩ፧

• ሓቂ ኸም ዝረኸበ ዝኣመነ ስለምንታይ እዩ፧

ተግባር ካብ ቃል ንላዕሊ ይዛረብ እዩ። ማቴዎስ 7:21 ኣንብብ፡ ድሕሪኡ በዚ ሕቶ ተመያየጡ፦

• ንየሱስ ብዝያዳ ዜገድሶ እንታይ እዩ—እቲ ብኣፍና ንኣምነሉ ኢና እንብሎ ድዩ፡ ወይስ እቲ ብተግባርና እነርእዮ፧

7. ንሓድሕዶም ይፋቐሩ፧

• ደቀ መዛሙርቲ የሱስ (ናይ ሓቂ ክርስትያናት)፡ ካብ ካልእ ዓሌት ወይ ዜግነት ንዝዀኑ ሰባት ብኸመይ ይሕዝዎም፧

• ብግዜ ውግእ ከመይ ገይሮም እዮም ከምኡ ዚገብሩ፧

 ጽማቝ

ናይ ሓቂ ክርስትያናት፡ ትምህርትታት መጽሓፍ ቅዱስ ይስዕቡ፡ ጥቕሚ ርእሳ ዘይትደሊ ፍቕሪ የርእዩ፡ ኣብ መጽሓፍ ቅዱስ ዚርከብ ሓቂ ኸኣ ይሰብኩ።

ክለሳ

• እምነት ናይ ሓቂ ክርስትያናት ኣብ ምንታይ እተመስረተ እዩ፧

• ናይ ሓቂ ክርስትያናት ብምንታይ ባህርያት እዮም ዚልለዩ፧

• ናይ ሓቂ ክርስትያናት እንታይ ዕዮ እዮም ዚዓይዩ፧