GIHEVBULO 18

U nga mati kharini Makristo nya lisine?

WOMBISA

Mafuni gwatshavbo gu na ni vathu nya vangi va dzi embeyago gu khavo Makristo. Ganiolu, khandri vatshavbo va khodwago ga silo nyo fane ni gu vbanya khu milayo nyo fane. Ina ka, hi nga mati kharini Makristo nya lisine?

1. Ginani Mukristo?

Mukristo mupizane mwendro mulandreyi wa Jesu Kristo. (Leri Mithumo 11:26.) Ginani gi yeyedzago gu khigyo muthu nyo khaguri mupizane wa Kristo? Jesu a di khuye: “Mwa gu simama gu vegedza magana [mwendro malito] yangu, mu na khala vapizane vangu khu lisine.” (Johane 8:31) Isoso so thula gu khiso Mukristo nya lisine gu vbwetega a engisa sihevbudzo sa Jesu. Satshavbo esi Jesu a nga ba a hevbudza ni gu gira si di gu seketedwa omu nya Lito la Nungungulu. Khu ndziya nyo fane, satshavbo esi Makristo nya lisine ma si ganeyago ni gu gira si yede gu seketedwa omu nya Bhibhiliya. — Leri Luka 24:27.

2. Makristo nya lisine mo yeyedza kharini lihaladzo?

Jesu embede valandreyi vaye, khuye: “Haladzanani kha nga idzo nyi mi haladzidego khidzo.” (Johane 15:12) Jesu yeyedzide kharini gu khuye a di gu haladza vapizane vaye? A di gu dzi ninga tepo nyo khale navo, a va tiyisa ni gu va phasa. Jesu a di bwe a ningeya womi waye khu kotani yawe. (1 Johane 3:16) Khu ndziya yamweyo, Makristo nya lisine muhuno kha ma ganeyi basi khu likana khayo ma ngu haladzana. Ayo mo yeyedza khu malito ni sigiro gu khayo ma ngu haladzana khu lisine.

3. I thumo muni Makristo nya lisine ma girago?

Jesu ningide thumo nya lisima vapizane vaye. “A di va ruma gu gimbila va tivisa Mufumo wa Nungungulu.” (Luka 9:2) Makristo nyo pheye kha ma nga ba ma tshumayela basi omu avo va nga ba va khozeya umo, ganiolu ma di gu tshumayela gambe dzindrangani nya vathu ni omu nya mambe malanga gu nga ba gu manega ngudzu vathu. (Leri Mithumo 5:42; 17:17.) Makristo nya lisine nayo muhuno mo tshumayela lisine nya Bhibhiliya ni hayini va manegago vathu. Avo va ngu haladza vathu vatshavbo. Khu kharato, vo thumisa tepo ni tshivba yawe gasi gu hevbudza mahungu nya Bhibhiliya ma thaveleyago ni gu ninga gutumba vathu vatshavbo. — Marko 12:31.

GIRA WUGEVISISI NYO ETE

Wona guhambana gu gomogo vbakari ga Makristo nya lisine ni ava va si landrisigo sihevbudzo ni giyeyedzo gya Jesu.

4. Avo vo vbweta guti lisine li gomogo omu nya Bhibhiliya

Makristo nyo pheye ma di gu engisa Lito la Nungungulu

Khandri vatshavbo va dzi embeyago gu khavo Makristo va li ningago lisima lisine nya Bhibhiliya. Sistirini VHIDHYU, mu vbedza mu bhula khu siwudziso sesi.

VHIDHYU: Tepo Makristo nyo pheye ma nga diga lisine (5:11)

Ginani egi dzitshetshe dzi dzi embeyago gu khidzo khya Wukristo dzi giridego gasi gu himbedzeya vathu gu hevbula esi Jesu a hevbudzidego?

Jesu a di gu hevbudza lisine nya Lito la Nungungulu. Lerini Johane 18:37, mu vbedza mu bhula khu giwudziso gegi:

Khu guya khu Jesu, hi nga ma tugula kharini Makristo ma gu ya “lisine”?

5. Avo va di gu tshumayela lisine nya Bhibhiliya

Makristo nyo pheye ma di gu ni gu tshumayela mahungu nya yadi

Jesu na si bweleyi ndzadzini, a di ninga thumo valandreyi vaye wu ngu simamago gu girwa kala muhuno. Lerini Matewu 28:19, 20 ni Mithumo 1:8, mu vbedza mu bhula khu giwudziso gegi:

Ina mahungu nya yadi ma di hadzi tshumayedwa ga wulanga nyo khaguri basi mwendro khu tepo nyo khaguri basi?

6. Avo va ngu vbanya khesi va si hevbudzago

Ginani gi giridego Tom a khodwa gu khuye a di manide Makristo nya lisine? Sistirini VHIDHYU, mu vbedza mu bhula khu siwudziso sesi.

VHIDHYU: Nyi garade khu dzitshetshe (5:20)

Kha nga hi si wonidego omu nya vhidhiyu, ginani gi giridego Tom a garala khu dzitshetshe?
Ginani gi nga gira Tom a khodwa gu khuye a di li mane lisine?

Gu ganeya khandri gu gira. Lerini Matewu 7:21, mu vbedza mu bhula khu giwudziso gegi:

Ginani gi gu na ni lisima ngudzu ga Jesu, khu gu hi ganeya basi khu likana gu khethu hi ngu khodwa mwendro khu gu hi yeyedza khu sigiro sathu?

7. Va ngu haladzana khu monyo watshavbo

Makristo nyo pheye ma di gu ni gu gu haladza vambe vathu

Ina Makristo ma nga vega kamo womi wawe mhangoni gasi ma vbulugisa Makristo makwawe? Sistirini VHIDHYU, mu vbedza mu bhula khu siwudziso sesi.

VHIDHYU: A di ningeya womi waye gasi gu vbulugisa womi wa ndriyaye (2:55)

Kha nga hi si wonidego omu nya vhidhiyu, ginani gi kutsidego ndriyathu Lloyd gu vega womi waye mhangoni gasi a vbulugisa ndriyathu Johansson?
Wo si wona kharini, ina esi ndriyathu Lloyd a giridego si ngu yeyedza gu khiso uye Mukristo nya lisine?

Lerini Johane 13:34, 35, mu vbedza mu bhula khu siwudziso sesi:

Vapizane va Jesu (Makristo nya lisine) mo phara kharini vathu nya limbe lifumbo mwendro vathu va tago khu limbe litigo?
Tepo gu dugeleyago dzinyimbi, vo yeyedza kharini gu khavo va na ni lihaladzo?

VAMBE VARI KHAVO: “Gani i tshetshe muni u beyago, gu mwalo gigaradzo, egi gi vbwetegago gu khodwa ga Jesu basi.”

Lowo muni u nga wu thumisago gasi gu yeyedza gu khuwe Mukristo nya lisine kha hegeyi gu khodwa ga Jesu basi, ganiolu a ngu gira simbe nyo vbindre isoso?

REZUMO

Makristo nya lisine ma ngu engisa esi Bhibhiliya yi ganeyago, ma ngu yeyedza lihaladzo nya lisine ni gu tshumayela mahungu nya yadi nya Bhibhiliya.

Siwudziso nyo wusedze

Satshavbo esi Makristo nya lisine ma girago ni gu ganeya so seketedwa omu nya ginani?
Khu levbini likhalelo li tivegisago Makristo nya lisine?
I thumo muni Makristo nya lisine ma wu girago?

Gihevbulo gegi gi vbede khu dhiya:

Zama gu gira esi

So kodzega, endreya Bheteli nya Dzifakazi dza Jehovha ya tigoni gwago.

Simbe u nga girago:

Your other goal

HEVBULA SIMBE

Hevbula simbe khu tsawa nya vathu wu dzi garadzeyago gu landrisa giyeyedzo gya Jesu ni sihevbudzo saye.

Khu vamani Dzifakazi dza Jehovha? (1:13)

Wona matshango ya nyamayi moyo a nga ba ari givbango nya tshetshe nya Katolika (freira) gasi a gira gipandre nya “ndranga nya lisine ya Nungungulu.”

“Avo va di hlamula siwudziso sangu khu gu thumisa Bhibhiliya” (Mukhedziseyi nya 1 Abril nya 2014, khu Giputukezi)