CHIIYO 18
Mbukonzya Kuziba MaKristu Bachoonzyo
Bantu biingi balyaamba kuti maKristu. Pesi tabasyomi zintu zyeendelana pe alubo zintu nzibachita mumacheechi aabo zilisiyene azichitwa aabamwi. Kujana twabaziba biyeni maKristu bachoonzyo?
1. MaKristu mbantu balibiyeni?
MaKristu mbaasikwiiya naakuti batobeli baJesu Kristu. (Bala Milimo 11:26.) Batondeezya biyeni kuti mbaasikwiiya baJesu? Jesu wakati: “Ikuti mwazumanana kuba mujwi lyangu, muli basikwiiya bangu ncobeni.” (Johane 8:31) Eezi zyaamba kuti maKristu bachoonzyo beelede kuswiilila zintu nzyaakayiisya Jesu. MaKristu bachoonzyo basyoma zintu zili muBbayibbele mbuli mbaakali kuchita Jesu.—Bala Luka 24:27.
2. MaKristu bachoonzyo batondeezya biyeni kuti balaaluyando?
Jesu wakapa batobeli bakwe mulawu wakuti: “Muyandane mbubonya mbondali kumuyanda nywebo.” (Johane 15:12) Jesu wakatondeezya biyeni kuti wakali kubayanda basikwiiya bakwe? Wakali kujana chiindi chakubaamwi ambabo, kubasungwaazya, kubagwasya alubo wakabafwida. (1 Johane 3:16) Munzila iikozyenie, maKristu bachoonzyo tabajinkili aakwaamba luzutu kuti balaaluyando. Pesi batondeezya kuti balabayanda bamwi kwiinda mumajwi amumichito.
3. Nguuli mulimu ngubachita maKristu bachoonzyo?
Jesu wakapa basikwiiya bakwe mulimu. “Wakabatuma kuyookambauka Bwami bwa Leza.” (Luka 9:2) MaKristu bakusaanguna, bakali kukambawukila mumasena ngibakali kukombela, mumasena aakali kujanika bantu biingi amumyuunzi yabantu. (Bala Milimo 5:42; 17:17.) Nikuba maKristu bachoonzyo mazubaano, bakambawuka kasimpe kamuBbayibbele kufumbwa kujanika bantu. Akaambo kakuti balabayanda bantu, balalipeda kukambawuka makani mabotu aapa bulangilizi alubo aawumbulizya.—Marko 12:31.
YIYA ZYIINGI
Bona kuti maKristu bachoonzyo basiyene biyeni abantu bataponi kweendelana azintu nzyaakayiisya Jesu.
4. Bayanduula kasimpe kamuBbayibbele
MaKristu bakusaanguna bakali kulibona kaliyandikana Jwi lyaLeza
Teebantu boonse pe balyaamba kuti maKristu babona kasimpe kamuBbayibbele kakayandikana. Mweebele KAVIDIYO, mpawo musandule mubuzyo uutobela.
-
Bantu balyaamba kuti maKristu bakakachilwa biyeni kuyiisya zintu nzyaakayiisya Jesu?
Jesu wakayiisya kasimpe kazwa muJwi lyaLeza. Bala Johane 18:37, mpawo musandule mubuzyo uutobela:
-
Kweendelana azyakaambwa aaJesu, kujana twabaziba biyeni maKristu bali “kulubazu lwakasimpe”?
5. Bayiisya kasimpe kamuBbayibbele
MaKristu bakusaanguna bakali kulibona kaliyandikana bakali kukambawukila
Katanabweeda kujulu Jesu, wakapa basikumutobela mulimu ulikuzumanana kuchitwa nikuba mazubaano. Bala Matayo 28:19, 20 a Milimo 1:8, mpawo musandule mubuzyo uutobela:
-
Makani mabotu akali kuyookambawukwa kusika kuli?
6. Bapona kweendelana anzibayiisya
Niinzi chakagwasya mwaalumi uutegwa Tom kuti abone kuti wakali wajana kasimpe? Mweebele VIDIYO, mpawo musandule mibuzyo iitobela.
-
Muvidiyo, wabona na kuti niinzi chakapa kuti Tom atayandi zyakukomba?
-
Niinzi chipa kuti abaachoonzyo chakuti wakajana kasimpe?
Zintu nzituchita zilaamanguzu loko kwiinda nzitwaambuula. Bala Matayo 7:21, mpawo musandule mubuzyo uutobela:
-
Nziizili ziyandikana loko kuli Jesu, nzintu nzitwaamba kuti tulazisyoma na naakuti nzintu nzitutondeezya kuti tulazisyoma kwiinda mumichito?
7. Balayandana
MaKristu bakusaanguna bakali kulibona kaliyandikana alubo bakali kubayanda bantu
Kuli maKristu na bakalipeda kubikka buumi bwabo mumapenzi kabayanda kugwasya bakombinyina? Mweebele KAVIDIYO, mpawo musandule mibuzyo iitobela.
-
Niinzi chakagwasya Lloyd kuti alipede kubikka buumi bwakwe mumapenzi kuti agwasye Mukwesu Johansson?
-
Nzyaakachita zitondeezya kuti muKristu wachoonzyo na?
Bala Johane 13:34, 35, mpawo musandule mibuzyo iitobela:
-
Basikwiiya baJesu bachoonzyo bababona biyeni bantu bayimwi misyobo naakuti bazwa kulizimwi nyika?
-
Kujana batondeezya biyeni kuti balabayanda bamwi muchiindi chankondo?
BAMWI BAAMBA KUTI: “Tazichiti pe kuti kube bantu baambwa kuti maKristu bakasimpe nkaambo bakachita zibi zyiingi loko.”
-
Njiili vesi njukonzya kubelesya kuti ugwasye muntu ooyo mbakonzya kubabona maKristu bachoonzyo?
CHIFWIINSYO
MaKristu bachoonzyo bapona kweendelana aziyiisigwa aaBbayibbele, balaaluyando alubo bakambawuka atala akasimpe kamuBbayibbele.
Mibuzyo Yakwiindulula
-
Zintu nzibasyoma maKristu bachoonzyo zizwaali?
-
Mbuubuli buntu mbubalaabo maKristu bachoonzyo?
-
Nguuli mulimu ngubachita maKristu bachoonzyo?
YANDUULISISYA
Bona kabunga kabantu beezya amanguzu aabo oonse kuti bapone kweendelana azintu nzyaakayiisya Jesu Kristu.
Bona umwi mwanakazi wakali kunjila Roma mbaakajana mpuli yachoonzyo.
“Bakasandula Mibuzyo Yangu Yoonse Kababelesya Bbayibbele!” (Ngaziyakulinda, April 1, 2014)
Bona maKristu bachoonzyo mbubabatondeezya luyando bakombinyina bachitikilwa mapenzi.
Bona zyakachitwa aamaKristu bakusaanguna azilikuchitwa aamaKristu bachoonzyo mazubaano mbuzyeendelana azyakaambwa aaJesu kuti nzizyo zyakali kuyootondeezya kuti mbaasikumutobela.
“MaKristu Bachoonzyo Baboneka Biyeni?” (Ngaziyakulinda, March 1, 2012)
