Jar wara miliyar pur wãã wo ga saara diŋ Krétiyẽ. Amaa, hadge ɓaaran bay wo diŋ sen boŋ wa, day ɗiggi ɓaara ti fẽẽre maaga wããre Baa wãã ra sar sare. Day naa ko Krétiyẽ maa ti ngeel ɓen wo na see may so là?

1. A ɗe ga Krétiyẽ diŋ wose wo là?

Krétiyẽ wo diŋ jar maa wer Yeson wo, noga jar maaga yãã wo wããre ɓen mono (Jaŋ Joŋre 11:26). Á ngaɓ wo go ga saara diŋ jar maa wer Yeso na ngaɓge là? Yeso wãã ga: “Hayga nday yaŋ de yãã jag ɓi ti ngeel ɓe no, ni nday kol ge diŋ jar ɓi ma wer ɓi cwãy cwãy” (Jaŋ 8:31). Sen da wããge ga krétiyẽ maa ti ngeel ɓen hoo wo sug ti hadge Yeson wo no. Á maŋ wo blam Yeso diŋ de hadge fẽẽre maaga saara da’ ra ɓil Bible mono.—Jaŋ Lug 24:27.

2. Krétiyẽ maa ti ngeel ɓen naa wo nen dage ɓaaran go see kããra na naage là?

Yeso wãã ne jar maa wer ɓen wo ga: “Da we kããra doo ga ndi da we no lay” (Jaŋ 15:12). Yeso naa nen dage ɓen go ne jar maa wer ɓen wo na naage là? Á hay iggi see ɓaara, hay coɓ nen ɓaara, lan hay kay ra ge (1 Jaŋ 3:16). Doo sen no lay mono, Krétiyẽ maa ti ngeel ɓen da wo kããra bay de jag tawa wa. Á naa wo nen dage ɓaaran go see kããra diŋ nen wããre ɓaara wo de joŋre ɓaaran wo.

3. Joŋre krétiyẽ maa ti ngeel ɓen wo diŋ maylà?

Yeso hã joŋre ne jar maa wer ɓen wo do. “Á raw laa ra ge wo ga á mo see wo siɗ wããre Twaywaŋ mani Baa go” (Lug 9:2). Krétiyẽ maa taŋgun hay wo sii wããre bay diŋ ɓil tiŋ-Baa wo tawa tawa wa; amaa á hay wo sii wããre ti ngeel lumo wo, lan liŋ ni jar lay (Jaŋ Joŋre 5:42; 17:17). Wara lay mono, krétiyẽ maa ti ngeel ɓen sii wo cwãy wããre maa ɓil Biblen go ti ngeel maaga jar ni mo ɓuy no. Werga, á da wo jar debaŋ so mono, saara joŋ joŋre de wur maa do ɓaaran wo go de ẽgre ɓaaran ɓuy maa sii wããren go. Wããre sen hã ɗiggi maa de woore ti naw ma peeln wo de coɓge nen ne jare.—Mark 12:31.

 FRUGGI NEN HADGE NO

4. Á kiɗ wo cwãy maa ɓil Bible no

5. Á Sii wo Wããre Baa

 6. Á Joŋ wo joŋre de wããre maaga á sii wo ne jar mono

Mayse hay hã bawge go ne blo maaga à ɗen ga Toma ga se da’ jag-Baa krétiyẽ maa ti ngeel ɓen we là? Ko VIDEYO, ni ndal wee ti wiigi jag maa blam la wo no.

• Mayse hay joŋ ga jag-Baa mo ɓod fõõre go ne Toma là?

• Mayse hay hã bawge go ne hẽn ga se da’ jar maa wer Yeso maa ti ngeel ɓen wo we so là?

Joŋre ɓo wãã mopo de daŋ maaga ndo wããn de jag mono. Jaŋ Matiye 7:21, ni ndal wee ti wiigi jag maa blam la no:

• Nen Yeso de woore diŋ fẽn maaga—à wããn mo yaw noga maaga à joŋn mono?

7. Á da wo kããra ti holaŋ ɓaara

• Yeso da ga krétiyẽ maa ti ngeel ɓen mo joŋ wo jar maa ti wer maa tigriŋ wo na joŋge là?

• Hayga durgi yaŋ no, á joŋ wo jar maa ti wer maa tigriŋ noga ti sir maa tigriŋ wo na joŋge là?

 KLUURI HADGE NO

Krétiyẽ maa ti ngeel ɓen hoo wo sug ti wããre maa ɓil Bible no, da wo kããra debaŋ de daŋ see ɓaara, sii wo wããre Baa.

Ferge ko nen hadge no

• Hadge krétiyẽ maa ti ngeel ɓen wo de ooge diŋ ti maylà?

• À ko krétiyẽ maa ti ngeel ɓen wo see joŋre mayse wo là?

• Krétiyẽ maa ti ngeel ɓen joŋ wo debaŋ diŋ joŋre maa hõn là?