FUNDO 18
Tingaziya Kudini Akristu e Zvirokwazvo
Kune zviuru ne zviuru zve anhu anodziti maKristu. Asi aesepi anotenda zvimwezvo uye aararami maererano no mitemo imweyo. Hino, tingaziya kudini aKristu e zvirokwazvo?
1. Cinyi cinozwi mu Kristu?
AKristu afundi, kana kuti ateeri a Djesu Kristu. (Erengai Zviito 11:26.) Awona anopangidza kudini kuti afundi a Djesu? Iyena akati: “Kana mukarumbwa muri mu soko rangu, muri afundi angu kamare.” (Juau 8:31) Izvi zvinoreya kuti aKristu e zvirokwazvo anodikana kutondowedza zvaifundiswa na Djesu. Zvese zvaiizwa uye zvaifundiswa na Djesu, zvaipindirana no Soko ra Mwari. Ngo mushobo umwewo, zvese zvinorekethwa uye zvinoizwa no aKristu e zvirokwazvo zvinodikanawo kupindirana no Bhaibheri.—Erengai Ruka 24:27.
2. Akristu e zvirokwazvo anopangidza kudini rudo?
Djesu akabvunza ateeri ake kuti: “Dananai hingana madire andakamuita.” (Juau 15:12) Djesu akapangidza kudini kuti aida afundi ake? Ayena aipedza nguwa yakawanda nawo, eciabambisa uye eciabetsera. Iyena akatopasa upenyu wake ngekuti aiada. (1 Juau 3:16) Ngo mushobo umwewo, Akristu e zvirokwazvo anoita zvakawanda kupinda kureketa nge zve rudo basi. Awona anopangidza no masoko uye no zviito kuti anodanana.
3. Aristu e zvirokwazvo anoita basa ripi?
Djesu akapasa basa afundi ake. “Iyena akaatuma kuti aparidze nge zve Umambo wa Mwari.” (Ruka 9:2) Aristu e kutanga ainga asikaparidziri basi mu mbuto yaainamatira, asi aiparidzirawo mu mbuto dzakadzara no anhu uye mu mizi dze anhu. (Erengai Zviito 5:42; 17:17.) Mazuwa ano, Akristu e zvirokwazvo anoparidzirawo cokwadi ce Bhaibheri kwese kaanogumira anhu. Awona anoda adoni awo, ndiyo ndaa anopfara nge kuseenzesa nguwa no simba rawo kuti arekete nge zve masoko e mu Bhaibheri anopasa kariro no runyararo.—Marko 12:31.
FUNDAI ZVAKAWANDA
Onai musiyano uripo pakati pe Akristu e zvirokwazvo no anhu asikateereri muezaniso wa Djesu uye zvaaifundisa.
4. Awona anopsvaka cokwadi ce Bhaibheri
Akristu e kutanga aikoshesa Soko ra Mwari
Aanhupi ese anodziti Akristu anokoshesa cokwadi ce mu Bhaibheri. Ridzai VHIDHIYO, pedzepo, cedzai nge mubvunzo unoteera.
-
Magereja anodziti Akristu, anoshaisha kudini kufundisa zvakafundiswa na Djesu?
Djesu akafundisa cokwadi cinobva mu Soko ra Mwari. Erengai Juau 18:37, pedzepo cedzai nge zve mubvunzo unoteera:
-
Maererano na Djesu, tingaziya kudini Akristu ari “kudii recokwadi”?
5. Awona anoparidza cokwadi ciri mu Bhaibheri
Akristu e kutanga aiparidzira amweni
Djesu asati ahwirira kudenga, akapasa ateeri ake basa riciri kuizwa na nyamasi uno. Erengai Mateu 28:19, 20 uye Zviito 1:8, pedzepo cedzai nge zve mibvunzo dzinoteera:
-
Masoko akanaka aizoparidzirhwa kudii rimwe re nyika here? Aizoparidzirhwa ke nguwa yakareba kudini?
6. Awona anorarama maererano no zvaanoparidzira
Cinyi cakaita kuti mwanarume unozwi Tom, agare no cokwadi cekuti wainga agumira cikristu cezvirokwazvo? Ridzai VHIDHIYO, pedzepo cedzai nge zve mibvunzo dzinoteera.
-
Cinyi cakaita kuti Tom asade kuendazve ku magereja?
-
Cinyi cakaita kuti Tom atendere kuti wainga agumira cokwadi?
Zviito zvinoreketa maningi kupinda masoko. Erengai Mateu 7:21, pedzepo cedzai nge zve mubvunzo unoteera:
-
Cinyi cinonyanya kukosha kuna Djesu—zviro zvatinobhuya here kana kuti cinokoshesa zviito zvedu?
7. Awona anodanana
Akristu e kutanga uye aidanana
Akristu akakandadi upenyu wawo pa ngozi ngekuda kuponesa Akristu amweni here? Ridzai VHIDHIYO, pedzepo cedzai nge zve mibvunzo dzinoteera.
-
Cinyi cakaita kuti Lloyd akande upenyu wake pa ngozi kuti aponese Hama Johansson?
-
Munorangarira kuti zvaakaita ndizvo zvinodikana kuizwa ne Akristu e zvirokwazvo here?
Erengai Juau 13:34, 35, pedzepo cedzai nge zve mibvunzo dzinoteera:
-
Afundi a Djesu kana kuti Akristu e zvirokwazvo, anodikana kubata kudini anhu e dzinza rimweni kana kuti e nyika imweni?
-
Aizozviita kudini mu nguwa ye hondo?
ANHU AMWENI ANOTI: “Akristu anoita zviro zvakashatisisa, hino angagara kudini anamati e zvirokwazvo?”
-
I tsamba ipi yamaizoseenzesa inopangidza kuti tingaziya kudini ristu e zvirokwazvo?
MUCIGWAGWA
Akristu e zvirokwazvo anoita zvinofundiswa ne Bhaibheri, anopangidza rudo rekudzipira uye anoparidza cokwadi ciri mu Bhaibheri.
Mibvunzo yekuhwirinzira
-
Akristu e zvirokwazvo anowakira kutenda kawo papi?
-
Akristu e cokwadi anobata kudini amweni awo?
-
I basa ripi rinoizwa no Akristu e zvirokwazvo?
ZIYAI ZVAKAWANDA
Fundai zvakawanda nge zve anhu anoita zvese zvaanokwanisa kuti ateedzere muezaniso wa Djesu Kristu uye zvaakafundisa.
Onai cakaita kuti mwanakadzi umweni agumire “mhuri ye ku mwiya ye cokwadi.”
“Aidaira Mibvunzo Dzese Eciseenzesa Bhaibheri!” (Murindiri, wa 1 ya Abriri, ya 2014)
Onai kuti Akristu e zvirokwazvo anopangidza kudini rudo ku aanonamata nawo kana pakaitika ngozi.
Erengai muzwe kuti Akristu e mazuwa ano anopangidza kudini kuti anoita zvakarekethwa na Djesu zvaizopangidzira Akristu e zvirokwazvo hingana zvaiizwa no Akristu e kutanga.
“Tingaziya Kudini Akristu e Cokwadi?” (Murindiri wa Marso 1, ya 2012)
