HAAPIIRAA 18
Nafea e itehia ˈi o vai te mau Kerisetiano mau?
E miria taata o te parau ra e Kerisetiano ratou. Aita râ ta ratou mau tiaturiraa e to ratou oraraa e tuea ra. Nafea ïa tatou e nehenehe ai e ite o vai te mau Kerisetiano mau?
1. Eaha te hoê Kerisetiano?
Te mau Kerisetiano, e pǐpǐ ratou na Iesu Mesia. (A taio i te Ohipa 11:26.) Na te aha e haapapu e e pǐpǐ ratou na Iesu? Ua parau oia: “Ia haapao noa outou i ta ˈu parau, e pǐpǐ mau ïa outou na ˈu.” (Ioane 8:31) Te auraa, e auraro iho â te mau Kerisetiano mau i te mau haapiiraa a Iesu. E niu te mau Kerisetiano mau i to ratou tiaturiraa i nia i te Bibilia mai ia Iesu.—A taio i te Luka 24:27.
2. Nafea te mau Kerisetiano mau e faaite ai i te here?
Ua parau Iesu i ta ˈna mau pǐpǐ: “Ia here outou te tahi i te tahi mai ia ˈu e here nei ia outou.” (Ioane 15:12) Mea nafea Iesu i te faaiteraa i to ˈna here i ta ˈna mau pǐpǐ? Ua rave oia i te taime e o ratou, ua faaitoito e ua tauturu oia ia ratou. Ua tae roa oia i te horoa i to ˈna ora no ratou. (Ioane 1, 3:16) Hoê a huru no te mau Kerisetiano mau, e faaite ratou i to ratou here te tahi i te tahi ma te parau e te ohipa.
3. Eaha te ohipa a te mau Kerisetiano mau?
Ua horoa Iesu i te hoê ohipa i ta ˈna mau pǐpǐ. “Tono atura oia ia ratou e poro i te Faatereraa arii a te Atua.” (Luka 9:2) Ua poro te mau Kerisetiano matamua, eiaha noa i ta ratou mau vahi haamoriraa, ua poro atoa râ ratou i te mau vahi taata e i tera e tera fare. (A taio i te Ohipa 5:42; 17:17.) Mai tera atoa i teie mahana, e poro te mau Kerisetiano mau i te parau mau i te mau vahi taata. No to ratou here i to ratou taata tupu, e faaohipa ˈi ratou i to ratou taime e puai no te faaite i te poroi faaitoito mau e tamahanahana o te Bibilia.—Mareko 12:31.
A FAAHOHONU ATU Â
A hiˈo e nafea e itehia ˈi te taa-ê-raa i rotopu i te mau Kerisetiano mau e te mau taata aita e pee ra i to Iesu hiˈoraa e ta ˈna mau haapiiraa.
4. E imi ratou i te pue parau mau Bibilia
Ua haafaufaa te mau Kerisetiano matamua i te Parau a te Atua.
Aita te mau taata e parau ra e Kerisetiano ratou e haafaufaa ra i te pue parau mau Bibilia. A pata i te VIDEO, e a aparau i te uiraa i muri nei.
-
Eaha ta te mau haapaoraa Kerisetiano i rave ia ore te taata e ite eaha ta Iesu i haapii?
Ua haapii Iesu i te parau mau no roto mai i te Parau a te Atua. A taio i te Ioane 18:37, e a aparau i teie uiraa:
-
Ia au i ta Iesu i parau, nafea tatou e nehenehe ai e ite o vai te mau Kerisetiano o “te pee maite i te parau mau”?
5. Te poro nei ratou i te pue parau mau Bibilia
Ua poro te mau Kerisetiano matamua ia vetahi ê
Hou Iesu a hoˈi ai i te raˈi, ua horoa oia i ta ˈna mau pǐpǐ i te hoê ohipa o te rave-atoa-hia ra i teie mahana. A taio i te Mataio 28:19, 20 e te Ohipa 1:8, e a aparau i teie uiraa:
-
Ua tae roa te ohipa pororaa i teihea vahi?
6. E faaohipa ratou i ta ratou e poro ra
Na te aha i haapapu ia Tom e ua itehia mai ia ˈna i te Kerisetianoraa mau? A pata i te VIDEO, e a aparau i te mau uiraa i muri nei.
-
I roto i te video, eaha te tumu i faarue ai Tom i ta ˈna haapaoraa?
-
No te aha i papu ai ia ˈna e ua itehia mai ia ˈna te parau mau?
Mea faufaa aˈe te ohipa i te parau noa. A taio i te Mataio 7:21, e a aparau i teie uiraa:
-
Eaha te mea faufaa roa no Iesu: Ia faahua parau tatou e tiaturiraa to tatou aore ra ia haapapu tatou na roto i ta tatou mau ohipa?
7. Te here ra ratou te tahi i te tahi
Ua here te mau Kerisetiano matamua te tahi i te tahi
Ua faaruru iho â anei te mau Kerisetiano i te pohe no to ratou mau taeae e tuahine? A pata i te VIDEO, e a aparau i te mau uiraa i muri nei.
-
I roto i te video, eaha tei turai ia Lloyd ia faaruru i te pohe no taeae Johansson?
-
I to oe manaˈo, ua rave anei oia i te reira mai te hoê Kerisetiano mau?
A taio i te Ioane 13:34, 35, e a aparau i teie mau uiraa:
-
Eaha te huru o te mau pǐpǐ a Iesu (te mau Kerisetiano mau) i nia i te tahi atu mau nunaa?
-
E nafea ratou e na reira ˈi ia tupu te tamaˈi?
TE MANAˈO O VETAHI: “Te rave ra te mau Kerisetiano i te mau ohipa ino mau, nafea ïa ratou e nehenehe ai e parau tei ia ratou ra te haapaoraa mau?”
-
Eaha te irava ta oe e nehenehe e taio i te hoê taata no te faaite nafea tatou e ite ai o vai te mau Kerisetiano mau?
HAAPOTORAA
Te pee ra te mau Kerisetiano mau i ta te Bibilia e haapii ra, e faaite ratou i te here e e poro ratou i te pue parau mau Bibilia.
Haamanaˈoraa
-
Te niu ra te mau Kerisetiano mau i to ratou mau tiaturiraa i nia i te aha?
-
Eaha te mau huru maitatai o te faaite ra o vai te mau Kerisetiano mau?
-
Eaha te ohipa a te mau Kerisetiano mau?
HIˈOPOA
A haapii hau atu â no nia i te hoê pǔpǔ taata o te tutava ra i te pee i te mau haapiiraa a Iesu e to ˈna hiˈoraa.
A hiˈo eaha tei tauturu i te hoê paretenia ia ite i “te hoê fetii taeae e tuahine Kerisetiano.”
“Ua faaohipa i te Bibilia no te pahono i te mau uiraa atoa!” (Te Pare Tiairaa Me 2014)
A haapii nafea te mau Kerisetiano mau ia faaite i te here i to ratou taeae e tuahine o te hinaaro ra i te tauturu.
A tauturu i to tatou mau taeae ia tupu te ati natura (Tuhaa video) (3:57)
A hiˈo nafea te mau Kerisetiano matamua e te mau Kerisetiano mau i teie mahana e pee ai i te hiˈoraa o Iesu a itehia ˈi e pǐpǐ ratou na ˈna.
“E Kerisetiano mau anei te taatoaraa?” (Te Pare Tiairaa 1 no Me 2012)
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
