КИЧЭЭЛ 18
Ёзулуг христианнарны канчаар тодарадып алырыл?
Ийи миллиард ажыг кижи боттарын христианнар бис деп санаар. Ынчалза-даа оларның шажынчы көрүштери болгаш мөзү-шынар негелделери аажок ылгалдыг. Ынчаарга ёзулуг христианнарны канчаар тодарадырыл?
1. Христиан кижи дээрге кымыл?
Христианнар дээрге Иисус Христостуң өөреникчилери-дир. (Номчуптуңар: Ажыл-чорудулга 11:26.) Оларны канчаар тодарадып алырыл? Иисус боду ылгавыр демдээн айтып берген: «Мээң өөредиим ёзугаар чурттаар болзуңарза, Мээң ёзулуг өөреникчилерим болур силер» (Иоанн 8:31). Моон алырга, алыс шын христианнар Иисустуң өөредип турганы ышкаш чурттаар ужурлуг. Иисус кижилерни Бурганның Сөзүнге өөредип чораан. Ынчангаш ёзулуг христианнар бүзүрелин Библияга үндезилээр. (Номчуптуңар: Лука 24:27.)
2. Ёзулуг христианнар ынакшылды канчаар илередип турарыл?
Иисус өөреникчилерин мынчаар чагаан: «Мээң силерге ынаам ышкаш, бот-боттарыңарга ынак болуңар» (Иоанн 15:12). Иисус өөреникчилеринге ынакшылды канчаар илередип чораан? Олар-биле үезин эрттирип, сорук киирип, дузалажып турган, безин олар дээш амы-тынын берген (1 Иоанн 3:16). Башкызы ышкаш ёзулуг христианнар ынакшылды чүгле сөс кырында эвес, а ону херек кырында илередип чоруурлар.
3. Ёзулуг христианнарга кандыг ажыл-чорудулга эң чугула?
Иисус өөреникчилеринге «Бурганның Чагыргазын суртаалдаар» чугула даалганы берген (Лука 9:2). Бирги христианнар ужуражылгаларындан аңгыда, хөй-ниити, садыг-саарылга черлеринге болгаш бажыңнарга барып суртаалдап турган. (Номчуптуңар: Ажыл-чорудулга 5:42; 17:17.) Амгы үеде ёзулуг христианнар база алыс шынны суртаалдап турар. Олар кижилерге ынак, ынчангаш идегел болгаш аргалал дугайында медээни үезин-даа, күжүн-даа харамнанмайн улуска чедирип турар (Марк 12:31).
ХАНЫ ШИНЧИЛЕҢЕР
Ёзулуг христианнарны канчаар тодарадырыл?
4. Ыдыктыг Бижилгеден алыс шынны дилеп чоруур
Баштайгы христианнар Бурганның Сөзүнге бүзүреп чорааннар.
Христиан аттыг улус-ла Бурганның айтыышкыннарын сагып чоруур дээри шын эвес. ВИДЕОНУ көргеш, айтырыгга харыылаптыңар.
-
Иисустуң өөредиглерин билип алырынга чамдык церковьтар кижилерге канчаар шаптыктап турган?
Иисус алыс шынга өөредип чораан. Иоанн 18:37-ни номчааш, харыылаптыңар:
-
Иисустуң сөстеринден алырга, ёзулуг христианнарны канчаар тодарадып ап болур?
5. Ыдыктыг Бижилгеден алыс шынга өөредип турар
Баштайгы христианнар суртаалдап чорааннар.
Иисус өөреникчилеринге чугула даалганы берген. Матфей 28:19, 20 биле Ажыл-чорудулга 1:8-ти номчааш, харыылаптыңар:
-
Суртаал ажылының хемчээли, хуусаазы кайы-хире болур ужурлуг?
6. Өөредиглеринге дүүштүр чурттап чоруур
Ёзулуг христианнарны тып алганын, Том канчаар билип каан? ВИДЕОНУ көргеш, айтырыгларга харыылаптыңар.
-
Чүге Том үезинде шажынга чөгенип каан болган?
-
Алыс шынны тып алганынга, ол канчаар шынзыккан?
Ажыл-херектер чугаа-сөстен дээре. Матфей 7:21-ни номчааш, харыылаптыңар:
-
Иисуска чүү чугула: аңаа бүзүреп тур мен деп чугаалаарывыс бе азы бүзүреливиске дүүштүр чурттаарывыс бе?
7. Бот-боттарынга ынакшылдыг
Баштайгы христианнар ынакшылды илередип чорааннар.
Ёзулуг христианнар кады бүзүрээн ха-дуңмазы дээш амы-тынын артынга каарынга белен. ВИДЕОНУ көргеш, айтырыгларга харыылаптыңар.
-
Ллойд чүге акызы Йоханссон дээш өлүрүнге белен турган?
-
Ллойд ёзулуг христиан кижи кылдыр алдынган-дыр бе?
Иоанн 13:34, 35-ти номчааш, харыылаптыңар:
-
Иисустуң өөреникчилери өске язы-сөөктүг улуска кандыг хамаарылгалыг болур ужурлуг?
-
«Бот-боттарыңарга ынак болуңар» деп айтыышкын дайын үезинде күш чок апаар бе?
ЧАМДЫК УЛУС МЫНЧА ДЕП БОЛУР: «Христианнар дыка коргунчуг кем-херектерге буруулуг. Ындыг улустуң чүдүлгези канчап алыс шын болур?»
-
Ындыг бодалдыг улуска, христианнарны канчаар тодарадып алырынга хамаарыштыр, Библиядан кандыг шүлүк номчуп бээр силер?
КОЛ БОДАЛ
Алыс шын христианнар Библияга дүүштүр чурттап, бодун хайыралавас ынакшылды көргүзүп, библейжи алыс шынга өөредип турар.
Катаптаашкын
-
Ёзулуг христианнарның бүзүрелиниң үндезини чүде?
-
Ёзулуг христианнарның кол ылгавыр демдээ кандыг?
-
Ёзулуг христианнарга кандыг ажыл-херек эң чугула?
НЕМЕЛДЕ
Иисустуң өөредиинге дүүштүр чурттаарын кызып чоруур улустуң дугайында видеону көрүңер.
Монахиня чораан кижи ёзулуг ха-дуңманы канчаар тып алганын номчуп көрүңер.
«Шупту айтырыгларымга Библиядан харыылааннар!» («Таңныыл суургазы» апрель 1, 2014 чыл)
Ёзулуг христианнар кады бүзүрээн ха-дуңмазынга бойдус халаптарының үезинде канчаар дузалажып турар?
Бистиң үеде алыс шын христианнар бирги вектиң христианнарынга чүзү-биле дөмейин номчуңар.
«Ёзулуг христианнарны канчаар тодарадып алырыл?» («Таңныыл суургазы» март 1, 2012 чыл)
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
