18-ДӘРИС
Әйсаниң һәқиқий әгәшкүчилирини қандақ ениқлалаймиз?
Бүгүнки күндә дунияда өзлирини Әйса Мәсиһниң әгәшкүчилири дәп атайдиған миллиардлиған инсанлар бар. Амма уларниң иман-етиқади пәриқлиқ вә охшаш өлчәм-қаидиләр билән яшимайду. Ундақта, Әйса пәғәмбәрниң һәқиқий әгәшкүчилирини қандақ ениқлалаймиз?
1. Әйса Мәсиһниң һәқиқий әгәшкүчилири ким?
Мәсиһийләр — Әйса Мәсиһниң шагиртлири яки униң әгәшкүчилири (Әлчиләр 11:26ни оқуң). Улар һәзрити Әйсаниң шагиртлири екәнлигини қандақ көрситәләйду. Әйса пәйғәмбәр шундақ дегән: «Әгәр мениң тәлимим бойичә иш көрсәңлар, мениң һәқиқий шагиртлирим болисиләр» (Йоһан 8:31, ЙД). Демәк, һәзрити Әйсаниң һәқиқий шагиртлири униң тәлимлири бойичә иш қилиши керәк. Худди Әйса Мәсиһ Муқәддәс Язмиларға асасән тәлим бәргәндәк, униң һәқиқий әгәшкүчилириниң иман-етиқадиму Муқәддәс китапқа асасланған болиду (Луқа 24:27ни оқуң).
2. Һәзрити Әйсаниң һәқиқий әгәшкүчилири меһир-муһәббәтни қандақ көрситиду?
Мәсиһ Әйса өз әгәшкүчилиригә: «Мениң вәсийитим шуки, мән силәрни қандақ сөйгән болсам, силәрму бир-бириңларни шундақ сөйүңлар»,— дегән (Йоһан 15:12). Әйса Мәсиһ өз әгәшкүчилиригә қандақ меһир-муһәббәт көрсәткән? У улар билән бирликтә вақит өткүзгән, уларға илһам вә ярдәм бәргән. Һәтта өз һаятини улар үчүн пида қилған (Йоһанниң 1-хети 3:16). Шуниңға охшаш, Һәзрити Әйсаниң һәқиқий әгәшкүчилири меһир-муһәббәт һәққидә сөзләпла қоймайду, бәлки, бир-биригә болған меһир-муһәббитини гәп-сөз вә иш-һәрикәтлиридә тәң көрситиду.
3. Мәсиһ Әйсаниң һәқиқий әгәшкүчилири қайси хизмәткә пүтүн диққитини қаратқан?
Әйса Мәсиһ өз әгәшкүчилиригә Худа Падишалиғи һәққидики хуш хәвәрни ейтиш хизмитини тапшурған (Луқа 9:2). Һәзрити Әйсаниң дәсләпки әгәшкүчилири пәқәт ибадәт қилидиған җайлардила вәз қилип қалмай, аммивий орунларда вә өйдин өйгә ишик қеқип вәз қилған (Әлчиләр 5:42; 17:17ни оқуң). Бүгүнки күндә Әйса Мәсиһниң һәқиқий әгәшкүчилириму қәйәрдә адәм болса, шу йәргә берип, Муқәддәс китап һәқиқитини йәткүзиду. Улар башқиларни сөйгәчкә, вақтини вә күчини сәрип қилип, башқиларға Муқәддәс китаптики хуш хәвәрни йәткүзүп, кишиләргә үмүт вә тәсәлли бериду (Марк 12:31).
ЧОҢҚУРИРАҚ ҚЕЗИҢ
Мәсиһ Әйсаниң һәқиқий әгәшкүчилири вә өзини Әйсаниң әгәшкүчилири дәп атавалғанлар арисидики пәриқни қандақ көрәләймиз? Тәкшүрүп көрүң.
4. Улар Муқәддәс китаптики һәқиқәтләрни издәйду
Һәзрити Әйсаниң дәсләпки әгәшкүчилири Худаниң Сөзини қәдирлигән
Өзини Әйса Мәсиһниң әгәшкүчилири дәп атавалғанларниң һәммисила Муқәддәс китаптики һәқиқәтни муһим дәп қаримайду. ВИДЕОНИ көрүң, кейин төвәндики соал үстидә ойлиниң.
-
Өзини Әйса Мәсиһниң әгәшкүчилири дәп атавалғанлар адәмләрниң Әйса пәйғәмбәр һәққидә билим елишиға қандақ тосқунлуқ қилған?
Һәзрити Әйса Муқәддәс китаптики һәқиқәтләрни үгәткән. Йоһан 18:37ни оқуң, кейин төвәндики соалға җавап бериң:
-
Әйса Мәсиһниң сөзигә асаслинип, һәқиқәтни чин тутқан Әйсаниң әгәшкүчилирини қандақ ениқлалаймиз?
5. Улар Муқәддәс китап һәқиқәтлирини җакалайду
Һәзрити Әйсаниң дәсләпки әгәшкүчилири башқиларға вәз ейтқан
Мәсиһ Әйса асманға көтирилиштин авал әгәшкүчилиригә бир ишни тапшурған вә бу иш һазирму давамлишиватиду. Мәтта 28:19, 20 вә Әлчиләр 1:8ни оқуң, кейин төвәндики соалға җавап бериң:
-
Вәз хизмити қандақ көләмдә давамлишиватиду?
6. Улар үгәткәнлиригә мас яшайду
Том исимлиқ бир кишиниң мисалини көрүп бақайли. У Әйса Мәсиһниң һәқиқий әгәшкүчилирини тапқанлиғиға қандақ ишәнгән? ВИДЕОНИ көрүң, кейин төвәндики соаллар үстидә ойлиниң.
-
Томниң динлардин үмүт үзүшигә немә ишлар сәвәп болған?
-
У өзиниң һәқиқәтни тапқанлиғиға немә үчүн ишәнгән?
Қуруқ гәп-сөз қилмай, әмәлий иш-һәрикәт қилған әвзәл. Мәтта 7:21ни оқуң, кейин төвәндики соалларға җавап бериң:
-
Униңға ишәнгинимизни ағзимиздила ейтип қоюмизму яки әмәлий иш-һәрикитимиздә көрситимизму? Әйса үчүн қайсиси муһимирақ?
7. Улар бир-биригә меһир-муһәббәт көрситиду
Һәзрити Әйсаниң дәсләпки әгәшкүчилири бир-бирини сөйгән
Мәсиһ Әйсаниң һәқиқий әгәшкүчилири хәтәргә қаримай, өзиниң қериндашлирини қоғдамду? ВИДЕОНИ көрүң, кейин төвәндики соаллар үстидә ойлиниң.
-
Немә үчүн Лойд, қериндиши Йохансонни қоғдаш үчүн һаятини хәтәргә тәвәккәл қилған?
-
Сизниңчә, у Әйса Мәсиһниң һәқиқий әгәшкүчисиму?
Йоһан 13:34, 35ни оқуң, кейин төвәндики соалларға җавап бериң:
-
Әйса Мәсиһниң һәқиқий әгәшкүчилири башқа милләт яки ирқтики кишиләргә қандақ муамилә қилиду?
-
Һәзрити Әйсаниң һәқиқий әгәшкүчилири меһир-муһәббитини уруш мәзгилидә қандақ көрситиду?
БӘЗИЛӘР МУНДАҚ ДӘЙДУ: «Христианлар нурғун жиркиничлик ишларни қилиду. Уларниң дини қандақму тоғра болсун».
-
Әйса Мәсиһниң һәқиқий әгәшкүчилирини қандақ ениқлашқа болидиғанлиғини башқиларға көрситиш үчүн қайси айәтни қоллансиңиз болиду?
ХУЛАСӘ
Һәзрити Әйсаниң һәқиқий әгәшкүчилири Муқәддәс китапқа мас яшайду, шәхсийәтчилик қилмай, меһир-муһәббәт көрситиду вә Муқәддәс китап һәқиқитини башқиларға вәз қилиду.
Тәкрарлаш
-
Әйса Мәсиһниң һәқиқий әгәшкүчилириниң иман-етиқади немигә асасланған?
-
Мәсиһниң һәқиқий әгәшкүчилири қандақ пәзиләтни көрситиши керәк?
-
Әйса Мәсиһниң һәқиқий әгәшкүчилири пүтүн диққитини қайси хизмәткә қаритиду?
ИЗДИНИП КӨРҮҢ
Мәсиһ Әйсани үлгә қилип, униң тәлимлиригә мас яшаш үчүн тиришиватқан бир топ кишиләр һәққидә көпирәк биливелиң.
Илгири диний хизмәт қилған бир аялниң һәқиқий роһий аилисини қандақ тапқанлиғини биливелиң.
«Улар һәрбир соалға Муқәддәс китаптин җавап бәрди» («Күзитиш мунари» 2014-жил, 1-апрель)
Әйсаниң һәқиқий әгәшкүчилириниң балаю-апәтләргә учриған қериндашлириға қандақ меһир-муһәббәт көрситидиғанлиғини биливелиң.
«Балаю-апәтләрдә етиқатдашлиримизға ярдәм бериш. Үзүндә» (3:57)
Әйса Мәсиһниң дәсләпки әгәшкүчилири билән бүгүнки күндики униң һәқиқий әгәшкүчилири арисида қандақ охшаш алаһидиликләр барлиғини көрүп беқиң.
«Әйсаниң һәқиқий әгәшкүчилириниң қандақ алаһидиликлири бар?» («Күзитиш мунари» 2012-жил, 1-март)
Буларғиму қизиқишиңиз мүмкин
КӨПЧИЛИКНИ ҚИЗИҚТУРИДИҒАН СОАЛЛАР
Муқәддәс китаптин билим елиш үчүн Йәһва гувачилири билән тәтқиқ қилиш қандақ өткүзүлиду?
Өзүңизгә тонушлуқ һәрқандақ Муқәддәс китапни ишлитип, Йәһва гувачилири тәминлигән һәқсиз билим елиш дәрислирини тәтқиқ қилип үгәнсиңиз болиду. Тәтқиқ үгинишкә пүтүн аилә әзалириңизни яки достлириңизни чақирсиңиз болиду.
