OCIPAMA 18
Ndomo ku Limbukiwa Akristão Vocili
Omanu valua va litukula okuti Akristão. Pole, vosi yavo ka va lilongisa ovina vimuamue kuenda ka vambata ekalo limuamue liomuenyo. Omo liaco, tu limbuka ndati Akristão vocili?
1. Nye ci lomboloka oku kala Ukristão?
Akristão, olondonge ale oloñame via Yesu Kristu. (Tanga Ovilinga 11:26.) Uvangi upi ovo va lekisa okuti, olondonge via Yesu? Eye hati: “Nda vu pandikisa vondaka yange, vulondonge viange muẽle ocili.” (Yoano 8:31) Eci ci lomboloka okuti, Akristão vocili va sukila oku pokola kalongiso a Yesu. Ndeci Yesu a kolelele Kovisonehua kua kunamẽlele alongiso aye, Akristão vocili va kunamisilavo alongiso avo Vembimbiliya. —Tanga Luka 24:27.
2. Akristão vocili va lekisa ndati ocisola?
Yesu wa sapuila olondonge viaye hati: ‘Lisoli pokati ndeci ame ndo soli.’ (Yoano 15:12) Yesu wa lekisa ndati okuti wa solele olondonge viaye? Wa pita otembo yalua lavo, wa va pamisa loku va kuatisa. Wa ecavo omuenyo waye mekonda liavo. (1 Yoano 3:16) Ndeci Yesu, Akristão vocili va linga ovina vialua okuti, oku popia lika catiamẽla kocisola, ci sule. Va lekisa kolondaka kuenda kovilinga okuti, va lisole pokati.
3. Akristão vocili va litumbika kupange upi?
Yesu wa eca upange kolondonge viaye. Eye “wa va tuma oku kunda Usoma wa Suku.” (Luka 9:2) Akristão vatete, ka va endaile oku kundila lika kovitumãlo viefendelo, va kundailevo kovitumãlo kuli owiñi kuenda kolonjo viomanu. (Tanga Ovilinga 5:42; 17:17.) Koloneke vilo, Akristão vocili, va kundilavo ocili Cembimbiliya kuosi ku sangiwa omanu. Omo liocisola va kuetele vakuavo, va talavaya lotembo yavo, ongunsu yavo oco va kunde esapulo Liembimbiliya lielavoko kuenda lielembeleko. —Marko 12:31.
LILONGISA ONDONGOSI
Kũlĩhĩsa ndomo o limbuka Akristão vocili lomanu ka va kuãi alongiso a Yesu longangu yaye.
4. Ovo va sanda ocili Cembimbiliya
Akristão vatete va kapeleko Ondaka ya Suku
Valua va litukula okuti Akristão, havosiko va kapako ocili Cembimbiliya. Tala OVIDEO, noke konomuisa epulilo li kuãimo.
-
Atavo amue a litukola okuti Akristão, a siata oku linga nye oco a tateke omanu oku kũlĩha alongiso a Yesu?
Yesu wa longisa ocili Condaka ya Suku. Tanga Yoano 18:37, noke konomuisa epulilo li kuãimo:
-
Ndeci Yesu a popia, tu limbuka ndati Akristão va “tiamẽla kocili?”
5. Ovo va kunda ocili Cembimbiliya
Akristão vatete va kundila vakuavo
Osimbu Yesu ka endele kilu, wa eca kolondonge viaye upange u kasi oku amamako toke cilo. Tanga Mateo 28:19, 20 kuenda Ovilinga 1:8, noke konomuisa epulilo li kuãimo:
-
Upange woku kunda wa laikele oku lingiwa ndati kuenda toke otembo yipi?
6. Ovo va kapako ovina va longisa
Ulume umue o tukuiwa Tom, nye co vetiya oku kolela okuti wa sanga Akristão vocili? Tala OVIDEO, noke konomuisa apulilo a kuãimo.
-
Ndomo ca lekisiwa vovideo, nye ca vetiya Tom oku siapo etavo liesanda?
-
Nye co vetiya oku kolela okuti wa sanga ocili?
Ovilinga via velapo, olondaka ci sule. Tanga Mateo 7:21, noke konomuisa epulilo li kuãimo:
-
Ku Yesu, ocina ca velapo vali, ceci tu tava, ale ceci tu lekisa kovilinga vietu?
7. Ovo va lisole pokati
Akristão vatete va lekisa ocisola komunu lukuavo
Akristão vocili va kapa hẽ kohele omuenyo wavo omo lia vamanjavo? Tala OVIDEO, noke konomuisa apulilo a kuãimo.
-
Ndeci vovideo, nye ca vetiya Lloyd oku kapa omuenyo waye kohele oco a teyuile Manji Johansson?
-
O sima hẽ okuti eye wa lekisa ocituwa Cukristão wocili?
Tanga Yoano 13:34, 35, noke konomuisa apulilo a kuãimo:
-
Olondonge via Yesu okuti (Akristão vocili ) va sukila oku tata ndati omanu vakuekova liñi ale vakuafeka yikuavo?
-
Nda va ci linga ndati vokuenda kuyaki?
OMANU VAMUE VA POPIA VATI: “Akristão va linga ovina vĩvi, citava ndati okuti va kuete etavo liocili?”
-
Ocisonehua cipi nda wa tangela omunu ci lekisa ndomo tu limbuka Akristão vocili?
NYE WA LILONGISA?
Akristão vocili, va pokola kalongiso Embimbiliya, va lekisa ocisola cocili loku kunda ocili Cembimbiliya.
Oku Pitulula
-
Pi kua kunamẽla alongiso Akristão vocili?
-
Ovituwa vipi vi situlula Akristão vocili?
-
Upange upi Akristão vocili va siata oku linga?
OCO O KŨLĨHE OVINA VIKUAVO
Lilongisa ovina vikuavo viatiamẽla kocimunga cimue comanu va likolisilako oku kuama ongangu ya Yesu Kristu kuenda alongiso aye.
Kũlĩhĩsa eci ca vetiya umue wa kala omandele oku sanda “epata liocili konepa yespiritu.
“Ovo va Tambulula Apulilo Loku Kuama Embimbiliya!” (Utala Wondavululi 1 wa Kupupu 2014)
Lilongisa ndomo Akristão vocili va lekisa ocisola ku vakuavo va sukila ekuatiso.
Ekuatiso ku Vamanjetu Kolonepa Kua Pita Ovilunga—Onepa Yimue (3:57)
Kũlĩhĩsa ndomo Akristão vatete Lakristão vocili vo koloneke vilo va lekisa okuti, va kapako eci Yesu a popia okuti oco ca laikele oku situlula olondonge viaye.
“Nye ci Situlula Akristão Vocili?” (Utala Wondavululi 1 Welombo 2012)
Ove o ka ci Sola
APULILO A SIATA
Elilongiso Liembimbiliya li Lingiwa Lolombangi Via Yehova li Lomboloka Nye?
Lekuatiso lielilongiso li lingiwa ocali Lolombangi Via Yehova, o pondola oku kuama Lembimbiliya liosi o yongola. Lianja poku laleka epata liove liosi ale akamba vove, oco vu lilongisili kumosi.
