NGUDO 18
Ri Nga Ḓivha Hani Vhakriste Vha Vhukuma
Vhathu vhanzhi vha ḓivhidza uri ndi Vhakriste. Fhedzi a vha tendi kha zwithu zwi fanaho kana u tevhedza milayo i fanaho. Zwino ri nga ḓivha hani Vhakriste vha vhukuma?
1. Mukriste ndi mini?
Vhakriste ndi vhafunziwa kana vhatevheli vha Yesu Kristo. (Vhalani Mishumo 11:26.) Vha zwi sumbedza hani uri ndi vhafunziwa vha Yesu? Yesu o ri: “Arali na tevhedza zwine nda amba, ni vhafunziwa vhanga zwa vhukuma.” (Yohane 8:31) Hezwi zwi amba uri Vhakriste vha vhukuma vha fanela u tevhedza zwine Yesu a zwi funza. Yesu o vha a tshi funza zwine zwa bva Bivhilini tshifhinga tshoṱhe, vhatevheli vhawe vha vhukuma vha ita zwi fanaho.—Vhalani Luka 24:27.
2. Vhakriste vha vhukuma vha sumbedza hani uri vha na lufuno?
Yesu o vhudza vhatevheli vhawe a ri: “Ni funane vhunga na nṋe ndo ni funa.” (Yohane 15:12) Yesu o sumbedza hani uri u funa vhafunziwa vhawe? O fhedza tshifhinga navho, a vha ṱuṱuwedza na u vha thusa. O ita na u vha fela. (1 Yohane 3:16) Nga hu fanaho, Vhakriste vha vhukuma a vha sokou amba fhedzi nga ha lufuno, vha a zwi sumbedza uri vha a funana nga zwine vha zwi amba na zwine vha zwi ita.
3. Vhakriste vha vhukuma vha khou ita mushumo ufhio?
Yesu o ṋea vhafunziwa vhawe mushumo. O vha “ruma uri vha ye u huwelela nga ha Muvhuso wa Mudzimu.” (Luka 9:2) Vhakriste vha u thoma a vho ngo huwelela fhedzi vhe fhethu havho ha vhurabeli, fhedzi vho dovha vha huwelela miḓini ya vhathu na fhethu hu re na vhathu vhanzhi. (Vhalani Mishumo 5:42; 17:17.) Nga hu fanaho Vhakriste vha vhukuma ṋamusi, vha funza vhathu Bivhili huṅwe na huṅwe hune vha vha wana hone. Vha funa vhathu vhoṱhe, ndi ngazwo vha tshi shumisa tshifhinga tshavho na nungo dzavho u itela u vhudza vhathu nga ha mafhungo a khuthadzaho na a ṋeaho fhulufhelo a bvaho Bivhilini.—Marko 12:31.
GUDANI ZWO ENGEDZEAHO
Ṱhogomelani uri Vhakriste vha vhukuma vho fhambana hani na vhathu vha sa tevhedzi tsumbo ya Yesu na zwe a zwi funza.
4. Vha ṱoḓa ngoho i re Bivhilini
Vhakriste vha vhukuma vho vha vha tshi dzhiela nṱha Ipfi ḽa Mudzimu
Vhaṅwe vhathu vhane vha amba uri vha Vhakriste, vha vhona zwi si zwa ndeme u pfesesa zwine Bivhili ya zwi amba kana u shumisa zwine ya zwi funza. Ṱalelani VIDIO, ni kone u fhindula mbudziso i tevhelaho.
-
Dziṅwe kereke dzine dza amba uri ndi dza Vhakriste, dzo thivhela hani vhaṅwe uri vha si gude zwe Yesu a zwi funza?
Yesu o funza ngoho i bvaho Ipfini ḽa Mudzimu. Vhalani Yohane 18:37, ni kone u fhindula mbudziso i tevhelaho:
-
Yesu o amba uri ri nga ḓivha hani Vhakriste vhane vha “funa ngoho”?
5. Vha funza ngoho i re Bivhilini
Vhakriste vha vhukuma vho funza vhaṅwe
Musi Yesu a sa athu humela ṱaḓulu, o ṋea vhatevheli vhawe mushumo une wa kha ḓi bvela phanḓa na ṋamusi. Vhalani Mateo 28:19, 20 na Mishumo 1:8, ni kone u fhindula mbudziso i tevhelaho:
-
Mushumo wa u huwelela u ḓo itwa u swika ngafhi?
6. Vha a tevhedza zwine vha zwi funza
Ndi mini zwo itaho uri Vho-Tom vha vhe na vhungoho ha uri vho wana Vhakriste vha vhukuma? Ṱalelani VIDIO, ni kone u fhindula mbudziso dzi tevhelaho.
-
Kha vidio, ndi mini zwe u thomani zwa ita uri Vho-Tom vha ṱutshele vhurereli?
-
Ndi ngani vhe na vhungoho ha uri vho wana vhatevheli vha Yesu vha vhukuma?
Zwine vhathu vha zwi ita ndi zwone zwa ndeme u fhira zwine vha zwi amba. Zwi dzumbulula zwinzhi nga havho. Vhalani Mateo 7:21, ni kone u fhindula mbudziso i tevhelaho:
-
Naa zwa ndeme kha Yesu ndi zwine ra amba uri ri a zwi ita kana ndi zwine ra zwi ita?
7. Vha a funana
Vhakriste vha vhukuma vho vha vha tshi funana
Naa Vhakriste vho vhea vhutshilo havho khomboni vha tshi itela Vhakriste ngavho? Ṱalelani VIDIO, ni kone u fhindula mbudziso dzi tevhelaho.
-
Kha vidio, ndi mini zwo itaho uri Vho-Lloyd vha vhee vhutshilo havho khomboni vha tshi itea Vho-Johansson?
-
Naa ni vhona u nga zwe vha zwi ita zwi sumbedza uri vha Mukriste wa vhukuma?
Vhalani Yohane 13:34, 35, ni kone u fhindula mbudziso dzi tevhelaho:
-
Vhafunziwa vha Yesu (Vhakriste vha vhukuma) vha fara hani vhathu vha dziṅwe tshaka kana vha maṅwe mashango?
-
Vha zwi itisa hani musi hu na nndwa?
VHAṄWE VHATHU VHA AMBA URI: “Vhakriste vho ita zwithu zwivhi, vha nga vha hani kha vhurereli ha ngoho?”
-
Ndi ifhio vese ine na nga i vhalela muṅwe muthu ine ya sumbedza uri ri nga ḓivha hani Vhakriste vha vhukuma?
NO GUDA MINI?
Vhakriste vha vhukuma vha tevhedza zwine Bivhili ya zwi funza, vha funa vhaṅwe nga mbilu yoṱhe nahone vha funza ngoho i re Bivhilini.
Ni Kha Ḓi Zwi Humbula?
-
Zwine Vhakriste vha vhukuma vha zwi tenda zwi bva ngafhi?
-
Vhakriste vha vhukuma vha vhonala nga mini?
-
Vhakriste vha vhukuma vha khou ita mushumo ufhio?
WANANI ZWO ENGEDZEAHO
Gudani zwo engedzeaho nga ha tshigwada tsha vhathu vhane vha ita zwoṱhe zwine vha nga kona u itela u tevhela tsumbo ya Yesu Kristo na zwe a zwi funza.
Vhonani uri ndi mini zwo itaho uri muṅwe mufumakadzi we a vha e mununu a wane “muṱa wa Vhakriste vha vhukuma.”
“Vho Fhindula Mbudziso Iṅwe Na Iṅwe Vha Tshi Shumisa Bivhili!” (Tshiingamo, 1 April 2014)
Gudani nga ha nḓila ye Vhakriste vha vhukuma vha sumbedza ngayo uri vha funa vhatendi ngavho vhane vha ṱoḓa thuso.
Gudani nga ha uri Vhakriste vha vhukuma ṋamusi vha ita hani zwi fanaho na zwe zwa itwa nga Vhakriste vha u thoma, na uri zwine vha zwi ita zwi tshimbidzana hani na zwe Yesu a zwi amba nga ha Vhakriste vha vhukuma.
“Ri Nga Ḓivha Hani Vhakriste Vha Vhukuma?” (Tshiingamo, 1 March 2012)
You May Also Like
MBUDZISO DZINE DZA ANZELA U VHUDZISWA
Ngudo Ya Bivhili Ndi Mini?
Musi ni tshi khou guda na Ṱhanzi dza Yehova nga mahala, ni nga shumisa Bivhili iṅwe na iṅwe ine na i takalela. Ni nga vhidza vha muṱani ha waṋu kana khonani dzaṋu uri na vhone vha vhe hone musi ni tshi guda.
