YOOSOMA 18

Ninrowa Waasuwela Sai Makristau Ekeekhai?

MURUMIHE

Olumwenku wotheene, atthu ibilyau sinceene anniihimya okhala makristau. Masi atthu awo khanikupali itthu simosaru ni khanitthara malamulo mamosaru. Nto ninrowa waasuwela sai makristau eekeekhai?

1. Ontaphulela exeeni okhala mukristau?

Mukristau, mwiixutti wala mutthu yoole onimutthara Yesu Kristu. (Musome Miteko 11:26.) Etthu xeeni enooniherya wira mutthu owo mutthareli eekeekhai a Yesu? Yesu aahimmye so: “Nyuwo mwaahihiye otthara moolumo aka, munookhala tthiri awiixutti aka”. (Yohani 8:31) Eyo enooniherya wira mukristau eekeekhai ohaana wiiwelela itthu Yesu iixuttinhe awe. Itthu sotheene Yesu aapaka awe ni iixuttiha awe saanivarihana ni Nuulumo na Muluku. Tivonto, itthu sotheene makristau eekeekhai anihimya aya ni anipaka aya sihaana ovarihana ni Biibiliya.—Mmusome Luka 24:27.

2. Makristau eekeekhai anooniherya sai ophenta?

Yesu aahaaleela atthareli awe wira: “Mphentaneke mukina ni mukhwaawe, siisaale miyo kinoophentaakani”. (Yohani 15:12) Yesu oonihenrye sai wira aanaaphenta atthareli awe? Owo aanaakhaliherya ni anaalipiha atthareli awe. Nave aaniviriha okathi ori ene naawo. Ohiya-vo, aahivaha okumi awe wira owoopole. (1 Yohani 3:16) Tivonto, makristau eekeekhai khahiyo paahi anoolavula wira annaaphenta atthu akina. Masi annooniherya wira annaaphenta atthu akina ni moolumo ni itthu anipaka aya.

3. Muteko xeeni makristau eekeekhai anivara aya?

Yesu ohaavaha atthareli awe muteko wa efaita yinceene. Owo “aahaaruma waalaleerya atthu Omwene wa Muluku”. (Luka 9:2) Makristau a okathi wa arummwa yaanilaleerya, masi awo khiyaalaleerya paahi mapuro yaamukokhorela aya Muluku, maana yaanilaleerya mapuro oowaatta atthu ni mmawaani. (Musome Miteko 5:42; 17:17.) Olelo-va, makristau eekeekhai annilaleya itthu Biibiliya oniixuttiha awe opuro wotheene anaaphwanya aya atthu. Awo annaaphenta atthu. Nto annihakalala orumeela okathi ni ikuru saya wira awiixuttihe atthu ihapari sa mBiibiliyani, seiyo sinivaha nlipelelo ni nimaaliho.—Marko 12:31.

MWIIXUTTE ITTHU SIKINA

Nwehe ovirikana okhanle eriyari ya makristau eekeekhai ni atthu ale ahintthara ntakiheryo ni itthu Yesu iixuttiha awe.

4. Makristau eekeekhai anniimananiha osuwela itthu Biibiliya oniixuttiha awe

Makristau a okathi wa arummwa yaaniwelela Nuulumo na Muluku

Khahiyo wira atthu otheene aniihimya okhala makristau annivaha efaita itthu siri mBiibiliyani. Nwehe EVIIDIYU, nuumala-vo mwaakhule nikoho.

EVIIDIYU: Moota MaKristau Yaahiyale Aya Weettela Ekeekhai (5:11)

Ikerexa siniihimya okhala makristau saapanke exeeni wira saakhoottiherye atthu omusoma Biibiliya?

Yesu aaniixuttiha ekeekhai ya Nuulumo na Muluku. Mmusome Yohani 18:37, nuumala-vo mwaakhule nikoho ninttharelana:

Moovarihana ni Yesu, ninrowa waasuwela sai makristau “aneettela ekeekhai”?

5. Makristau eekeekhai annilaleya ekeekhai eri mBiibiliyani

Makristau a okathi wa arummwa yanaalaleerya atthu akina ihapari sooreera

Ohinatthi otthikela wiirimu, Yesu aahaavaha atthareli awe muteko yaarowa aya ovaraka mpakha olelo-va. Mmusome Matheyo 28:19, 20 ni Miteko 1:8, nuumala-vo mwaakhule nikoho ninttharelana:

Niireke ihapari sooreera saarowa olaleiwaka elapo emosa paahi?

6. Makristau eekeekhai anneettela ele aniixuttiha aya

Etthu xeeni yaamukupalinhe mulopwana oniihaniwa Tom wira ohaaphwanya makristau eekeekhai? Nwehe EVIIDIYU, nuumala-vo mwaakhule makoho.

EVIIDIYU: Kaahihiya Etiini (5:20)

Ntoko eviidiyu yoonihenrye aya, etthu xeeni yaamwiiriha Tom ohiya etiini?
Etthu xeeni yaamukupalinhe Tom wira oophwanya ekeekhai?

Itthu ninvara ahu sookhalana owerya wuulupale ovikana moolumo ahu. Mmusome Matheyo 7:21, nuumala-vo mwaakhule nikoho ninttharelana:

Etthu xeeni Yesu onivaha awe efaita tiile ninhimya ahu wala tiile nnooniherya ahu ni mweettelo ahu?

7. Awo anniphentana mweekeekhai

Makristau a okathi wa arummwa yaaniphentana mukina ni mukhwaawe

Niireke makristau eekeekhai annileva okumi aya wira awoopole axinnaya? Nwehe EVIIDYU, nuumala-vo mwaakhule makoho.

EVIIDIYU: Owo Aahiivahererya Wira Omoopole MuKristau Mukhwaawe (2:55)

Ntoko niwenhe ahu eviidiyu, etthu xeeni yaamwiirinhe Lloyd oleva okumi awe wira omoopole Johansson?
Munoona wira etthu Lloyd aapanke awe aahooniherya wira mukristau eekeekhai?

Mmusome Yohani 13:34, 35, nuumala-vo mwaakhule makoho anittharelana:

Atthareli eekeekhai a Yesu yaarowa othokoreryanaka sai mukina ni mukhwaawe? Niireke yaarowa othokoreryana moovarihana ni eraasa vamosa ni elapo mutthu owo onikhuma awe?
Niireke yaamooniheryanaka ophenta iwo okathi wa ekhotto?

ATTHU AKINA ANIHIMYA WIRA: “Nyuwo pooti weettela khula etiini muniphavela anyu, etthu yuulupale omukupali Yesu Kristu”.