დუდ 18

მუჭო ეშეჩინებენა ნამდვილ ქრისტიანეფ?

რჩქილა

მილიარდობით ადამიან იჩიებ, ნამდა ქრისტიან რე. მარა თინეფს შხვადოშხვა მუდგარენეფიშ წანა დო ართნერ ნორმეფით ხოლო ვა ცხოვრენა. მუჭო შემლებნა ეშეფჩინათ ნამდვილ ქრისტიანეფ?

1. მი რე ნამდვილ ქრისტიან?

ქრისტიანეფ იესო ქრისტეშ მოწაფეეფ დო მიმაჸუნალეფ რენა (წეკითხით საქმეეფიშ 11:26). მუჭო ამტკიცენა თინეფ თეს? იესოქ თქუ: „ჩქიმ სიტყვას ქიმეჸუნთ-და, ნამდვილო ჩქიმ მოწაფეეფ რეთ“ (იოანე 8:31). თენა ნიშნენს, ნამდა ნამდვილ ქრისტიანეფქ ოკო მიაჸუნან იესოშ გურაფეფს. მუჭოთ იესოშ გურაფეფ რდჷ გერსხილ წმინდა წერილეფშა, თეშ ნამდვილ ქრისტიანეფ ხოლო მუნეფიშ რწმენას ბიბლიაშა გიორსხუანა (წეკითხით ლუკაშ 24:27).

2. მუჭო გიმირჩქინანა ნამდვილ ქრისტიანეფ ჸოროფას?

იესოქ მუშ მიმაჸუნალეფს უწუ: „თეშ გიჸორდან ართიან, მუჭოთ მა გიჸოროფეთ“ (იოანე 15:12). მუჭო ოძირუ იესოქ, ნამდა უჸორდჷ მუშ მოწაფეეფ? თინა დროს გიმურთუნდჷ მოწაფეეფს, გურშა ელუკინანდჷ თინეფს დო ოხვარუდ. თიქ სიცოცხლე ხოლო გაწირ თინეფშო (1 იოანე 3:16). თეშნერო, ნამდვილ ქრისტიანეფ ხოლო ჸოროფაშ გურშენ ხვალე ჩიებას ვეგეჯერდნა. თინეფ მუნეფიშ სიტყვეფით დო საქმეეფით გიმირჩქინანა ართიანიშ ჸოროფას.

3. მუ საქმეთ რენა დაკავებულ ნამდვილ ქრისტიანეფ?

იესოქ მუშ მოწაფეეფს მეჩჷ დავალება დო „მიდაშქვჷ თინეფ, ნამდა ღორონთიშ სამეფოშ გურშენ იქადაგესკო“ (ლუკა 9:2). ქრისტიანეფ ხვალე მუნეფიშ თაყვანიშცემაშ ადგილეფს ვარინ, ხალხიშ შაყარუაშ ადგილეფს დო კარდოკარ ხოლო ქადაგენდეს (წეკითხით საქმეეფიშ 5:42; 17:17). ამდღა ხოლო ნამდვილ ქრისტიანეფ ბიბლიურ ჭეშმარიტებას ქადაგენა ირდიხას, სოდეთ ხალხ რე. თინეფს უჸორა მოყვას, ათეშენ ხიოლით გიმირინუანა მუნეფიშ დროს დო ენერგიას, ნამდა გეგნოჩან თინეფს იმენდიშმუმაჩამალ დო გურიშემაქექაფალ ბიბლიურ ცნობა (მარკოზი 12:31).

ქიგეგით უმოს

დეფიქრით, მუთ გენესხვავებნა ნამდვილ ქრისტიანეფ თი ხალხშე, მით ვემეჸუნს იესოშ გურაფეფ დო მაგალითის.

4. ნამდვილ ქრისტიანეფ ირკვიენა ბიბლიურ ჭეშმარიტებას

პირველ საუკუნეშ ქრისტიანეფ აფასენდეს ღორონთიშ სიტყვას

ბრელ აცხადენს, ნამდა ქრისტიან რე, მარა არძა ვაფასენს ბიბლიურ ჭეშმარიტებას. ქოძირით ვიდეო დო უკულ გარჩით თუდო მოჩამილ კითხვა.

ვიდეო: „მუჭო მიშართჷ ქრისტიანობაშა განდგომილებაქ“ (5:11)

მუჭო მიკაჸათ ხალხ იესოშ გურაფეფშე ნამთინე ეკლესიაქ, ნამუთ ქრისტიანობას ეკიბრალენდჷ დუდშა?

იესო ღორონთიშ სიტყვაშე ოგურუანდჷ ჭეშმარიტებას. წეკითხით იოანეშ 18:37 დო უკულ გარჩით თუდო მოჩამილ კითხვა:

მუჭოთ იესოქ თქუ, მუჭო შემლებნა ეშეფჩინათ ქრისტიანეფ, „მით ჭეშმარიტებაშ მხარეს“ რენა?

5. ნამდვილ ქრისტიანეფ ქადაგენა ბიბლიურ ჭეშმარიტებას

პირველ საუკუნეშ ქრისტიანეფ უქადაგუდეს შხვეფს

ზეცაშა ულაშახ იესოქ მუშ მიმაჸუნალეფს მეჩჷ დავალება, ნამუთ ამდღარშახ ისრულებ. წეკითხით მათეშ 28:19, 20 დო საქმეეფიშ 1:8 დო უკულ გარჩით თუდო მოჩამილ კითხვა:

მუ მასშტაბეფს მიოჭირინუანჷ დო მუჟამშახ გეგრძელებუდ ქადაგებაშ საქმე?

6. ნამდვილ ქრისტიანეფ მუდგას ქადაგენან, თიშ თანახმათ ცხოვრენა

მუქ დარწმუნ ტომასი, ნამდა ჭეშმარიტ ქრისტიანობას ქიმიოგორუ? ქოძირით ვიდეო დო გარჩით თუდო მოჩამილ კითხვეფ.

ვიდეო: „საბოლათ, ქიმვოგორე თის, მუდგას მთელ ცხოვრება ბგორუნდჷ“ (5:20)

მუქ ეუჸოთ გურ რელიგიაშა ტომასის?
მუქ დარწმუნ თინა, ნამდა ჭეშმარიტებას ქიმიოგორუ?

საქმეეფ უმოსის იჩიებ, ვინემ სიტყვეფ. წეკითხით მათეშ 7:21 დო უკულ გარჩით თუდო მოჩამილ კითხვა:

მუჭოთ იესოქ თქუ, მუშენ ვა რე დასაბაღ ხვალე ფთქუათ, ნამდა თიშ მიმაჸუნალეფ ვორეთ?

7. ნამდვილ ქრისტიანეფს უჸორა ართიან

პირველ საუკუნეშ ქრისტიანეფს უჸორდეს ართიან

მართალო ქინიჸოთანანო ქრისტიანეფ დუდის საფრთხეშა ართიანიშ გურშენ? ქოძირით ვიდეო დო უკულ გარჩით თუდო მოჩამილ კითხვეფ.

ვიდეო: „თინა მზათ რდუ დუდ გაწირკო“ (2:55)

მუჭოთ თე ვიდეოს რდჷ მოჩამილ, მუქ აღძრჷ ლოიდი, ნამდა ჯიმა იოჰანსონიშ გურშენ დუდ საფრთხეშა ქინუჸოთამუდკო?
მუჭო ფიქრენთ, მიქცუო თიქ ნამდვილ ქრისტიანცალო?

წეკითხით იოანეშ 13:34, 35 დო უკულ გარჩით თუდო მოჩამილ კითხვეფ:

მუჭო ოკო მექცუან იესოშ მოწაფეეფქ (ნამდვილ ქრისტიანეფქ) შხვა ეროვნებაშ დო რასაშ კათას?
მუჭო ოკო მიქცუან თინეფქ ომიანობაშ დროს?

ნამთინექ შილებე თქუას: „ღორონთშო არძა რელიგია მისაღებ რე“.

ნამ მუხლის ეშეკითხენდით, სოვრეშეთ იძირე, მუჭო ეშეჩინებენა ნამდვილ ქრისტიანეფ?

დასკვნა

ნამდვილ ქრისტიანეფ მეჸუნა ბიბლიურ გურაფეფს, გიმირჩქინანა დუდგინოდვალირ ჸოროფას დო ქადაგენა ბიბლიურ ჭეშმარიტებას.

გამეორებელ კითხვეფ

მუშა რე ნამდვილ ქრისტიანეფიშ რწმენა გერსხილ?
ნამ თვისებათ ეშეჩინებენა ნამდვილ ქრისტიანეფ?
მუ საქმეს ორთნა ნამდვილ ქრისტიანეფ?

თე დუდიშ თებაშ თარიღ

მიზან

შეიოლებერ ქორენ-და, დათვალიერით იეჰოვაშ მოწმეეფიშ თი ფილიალ, ნამუთ თქვანწკუმა არძაშ უმოს ხოლოს რე.

შხვა მიზან:

დამატებით მასალა

უმოს მეტ ქიგეგით თი ხალხიშ გურშენ, მით ირნერო ოცად, მიაჸუნას იესო ქრისტეშ მაგალით დო გურაფეფს.

„მი რენა იეჰოვაშ მოწმეეფი?“ (1:13)

ქოძირით, მუქ მეხვარ ართ პიროვნებას, მით ულირს მონაზონ რდჷ, ქიმიოგორუკო „ნამდვილ სულიერ ოჯახის“.

„თინეფ არძა კითხვას ბიბლიაშე პასუხენდეს!“ („გინაჯინალ კოშკი“ 1 აპრილი, 2014 წ.)

ქიგეგით, მუჭო გიმირჩქინანა ნამდვილ ქრისტიანეფ ჸოროფას თი თანამორწმუნეეფიშ მიმართ, მიდგას მოხვარა ოსაჭირ.

„და დო ჯიმალეფიშ მოხვარა სტიქიურ უბედრობეფიშ დროს“ — ნაწყვეტ (3:57)

იესოქ თქუ, მუჭო ეშეჩინებედეს მუშ მიმაჸუნალეფ. ქოძირით, მუჭო მეჸუნდეს თე მითითებას პირველ საუკუნეშ ქრისტიანეფ დო მუჭო მეჸუნა ამდღარ ჭეშმარიტ ქრისტიანეფ.

„მუჭო ეშეფჩინათ ჭეშმარიტ ქრისტიანეფ?“ („გინაჯინალ კოშკი“ 1 მარტი, 2012 წ.)

შილებე თექ ხოლო მიგეწონან

ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ

მუჭო იტარებ ბიბლიაშ გურაფა იეჰოვაშ მოწმეეფწკუმა ართო?

იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.

მარადიულო გეხარით ცხოვრებათ! — ქიგეგით, მუს ოგურუანს ბიბლია