ZƐŊ-LƐƐI 18
Berei Kwa Pɔri Tɔ̃ya Korai-ɓela Kɔlɔni Lai
Nuu ŋɔbiliyɔŋ tamaa da mo a gɛɛ dikaa a Korai-ɓela. Kɛlɛ di kelee dilaa-lai fe tɔnɔ, nyaŋ difa sia a dɔŋ tɔnɔi. Mɛni ma kwa pɔri tɔ̃ya Korai-ɓela kɔlɔni leŋ?
1. Gbɛɛ ɓa tɔ̃ya Korai-nuu?
Korai-ɓela dikaa a Zisɛ Korai polu-ɓela. (Dikɛ-mɛni-ŋai 11:26 lono.) Da nɛ leŋ a gɛɛ dikaa a Zisɛ polu-ɓela? E mo nyɛɛi: “A kɛ ka lɛɛ ŋooi su kakaa a ŋapolu-ɓela kpiŋ.” (Zɔŋ 8:31) Nyiŋi sukulai ɓa maa nɛ̃ɛi tɔ̃ya Korai-ɓela di sia a Zisɛ ŋɔsɛŋ-lɛɛi. Nyaŋ yɛɛ berei Zisɛ ŋɔsɛŋ-lɛɛi e kɛ a bilaŋɔɔ la Ŋala-kɔlɔi ma a tãi kelee, tɔ̃ya Korai-ɓela dia maŋ da mɛni tɔnɔi ŋi kɛ.—Luu 24:27 lono.
2. Tɔ̃ya Korai-ɓela da wɛli-kɛ-maa lɛ leŋ?
Zisɛ e mo ŋɔpolu-ɓelai dia nyɛɛi: “Ka kakie-ni wɛli, yɛɛ berei ŋa kawɛli lai.” (Zɔŋ 15:12) Zisɛ e wɛli-kɛ-maa lɛ leŋ ŋɔpolu-ɓelai mɛni ma? E tãi siɣe dimɛni ma, e di fɔrɔ, e kpɔŋ maa tɛɛ dipɔ. E kpiŋ ŋɔfulu-laai tɛɛ dimɛni ma. (1 Zɔŋ 3:16) Bere sii tɔnɔi ti su, tɔ̃ya Korai-ɓela difa lono nɔ e pilaŋ wɛli-kɛ-maa ma. Da nɛ dilono woo da ditua-pere su a gɛɛ di dikie-ni wɛlini.
3. Le tii ɓe Tɔ̃ya Korai-ɓela da gɛi?
Zisɛ e tii tɛɛ ŋɔpolu-ɓelai pɔ. “E ditɛɛ a gɛɛ di Ɣala ŋɔkaloŋ-laai maa-mɛni ɓo.” (Luu 9:2) Korai-ɓelai wɔlɔ ti kɛi, difa kaa ɣala-woo ɓo nɔ diɣala fɛli kere-ŋai mu, kɛlɛ da kaa ŋɔnɔ ɣala-woo ɓo ɓɛi nua tamaa da kaa kɛ naai da pɛrɛ-ŋa la. (Dikɛ-mɛni-ŋai 5:42; 17:17 lono.) Saa, tɔ̃ya Korai-ɓela dia maŋ da ɣala-woo ɓo ɓɛi kelee da nua kaa naai. Di nua wɛlini, mɛni ma da tãi siɣe a gɛɛ di ŋorɛ-wooi Ŋala-kɔlɔi sui ɓo nua dia a dilii kelee nyii a pa a kili-kɛ zu da ŋaa-nɛnɛ.—Maki 12:31.
MƐNI TAMAA MAA-KƆRI
Mɛnii kaa tɔ̃ya Korai-ɓela kɛ a dakpɛni diai difa sia a Zisɛ ŋɔsɛŋ-lɛɛi da ŋɔmɛni-kɔɔŋ-maai dia.
4. Da dɔ̃yai kɔri Ŋala-kɔlɔi su
Diai da mo a gɛɛ dikaa a Korai-ɓelai dikelee fe da dɔ̃yai Ŋala-kɔlɔi sui maa mɛni siɣe a gbanaŋɔɔ. VILOI su kaa, gɛ ni ka lono e pilaŋ mare-kɛɛ ŋi ma.
-
Le ɓe ɣala pɛrɛ taŋa daa gɛ nyii aa nua kpera mɛni maa-kɔrii e pilaŋ mɛnii Zisɛ e nɛi ma?
Zisɛ e dɔ̃yai Ŋala-kɔlɔi sui lɛ. Zɔŋ 18:37 lono, gɛ ni ka lono e pilaŋ mare-kɛɛ ŋi ma:
-
Yɛɛ berei Zisɛ e mo lai, kwa pɔri Korai-ɓelai “dɔ̃yai [ŋɔɓelai] mai” kɔlɔni leŋ?
5. Da dɔ̃yai Ŋala-kɔlɔi sui lɛ
Zisɛ e lɛɛ pai lii ɣala-taa, e tii tɛɛ ŋɔpolu-ɓelai pɔ nyii gaa nii saa kɛi. Maafiu 28:19, 20 da Dikɛ-mɛni-ŋai 1:8 lono, gɛ ni ka lono e pilaŋ mare-kɛɛ ŋi ma:
-
Mi poŋ ɓe ŋala-woo-ɓo tii a pai serii naai?
6. Da sia a mɛni-ŋai da nɛi
Le ɓe gɛ Tom kɛ laa la a gɛɛ aa dɔ̃ya ɣala-mɛnii kaa? VILOI su kaa, gɛ ni ka lono e pilaŋ mare-kɛɛ-ŋai ŋi dia.
-
Viloi su, le ɓe Tom lii too polu e pilaŋ ɣala-mɛni ma?
-
Le ɓe gɛ Tom kɛ laa la a gɛɛ aa dɔ̃yai kaa?
Nuu tua pere a mɛnii lɛ gaa nii sui. Maafiu 7:21 lono, gɛ ni ka lono e pilaŋ mare-kɛɛ ŋi ma:
-
A gɛɛ ku mo nɔ a gɛɛ kukaa a Korai-ɓela kpaa ku nɛ ku tua-pere su, nenɛ ɓe mɛni kpanaŋɔɔi Zisɛ ma?
7. Di dikie-ni wɛlini
I laai la Korai-ɓela daa wɔlɔ faa ma a gɛɛ di difulu-laai tɛɛ diɓaraŋ Korai-ɓela mɛni ma? VILOI su kaa, gɛ ni ka lono e pilaŋ mare-kɛɛ-ŋai ŋi dia.
-
Viloi su, le ɓe Lloyd lii kula a gɛɛ e faa ma a gɛɛ e ŋɔfulu-laai tɛɛ Bɔlɔ Johansson mɛni ma?
-
I laai la e tua yɛɛ tɔ̃ya Korai-nuu?
Zɔŋ 13:34, 35 lono, gɛ ni ka lono e pilaŋ mare-kɛɛ-ŋai ŋi dia:
-
Zisɛ polu-ɓela kpaa tɔ̃ya Korai-ɓela da tua leŋ a nua nyii-ŋai kula lɔii takpɛni sui?
-
Da pɔri nyiŋi kɛi leŋ a kɔ tãi?
NUA TAŊA DA MO DIYƐƐI: “Korai-ɓela daa mɛni nyɔmɔɔ tamaa kɛ. Da pɔri moi leŋ a gɛɛ dikaa a dɔ̃ya ɣala-ɓelai?”
-
Ɣala-kɔlɔ-kpua kɛɛ leŋ ɓe ya pɔri nɛi nuu ta ma nyii berei lɛi kwa pɔri tɔ̃ya Korai-ɓela kɔlɔni lai?
MƐNI-ŊUŊ-ŊAI YAA MAA-KƆRII
Tɔ̃ya Korai-ɓela da sia a Ŋala-kɔlɔi ŋɔsɛŋ-lɛɛi, da wɛli-kɛ-maa lɛ a dilii kelee, nyaŋ da dɔ̃yai Ŋala-kɔlɔi sui lɛ.
Gili-too-ŋa mare-kɛɛ-ŋai
-
Le ɓe dɔ̃ya Korai-ɓelai dilaa-lai pilaŋɔi ma?
-
Tua-pere lɛlɛɛ kɛɛ leŋ ɓe a tɔ̃ya Korai-ɓela lɛi?
-
Tii kɛɛ leŋ ɓe tɔ̃ya Korai-ɓela da gɛ?
MƐNI TAKPƐNI-ŊA MAA-KƆRI
Mɛni tamaa maa-kɔri e pilaŋ nuu-kpulu ta ma nyii-ŋai kɔi a gɛɛ di sia a Zisɛ Korai ŋɔmɛni-kɔɔŋ-maai da ŋɔsɛŋ-lɛɛi.
Mɛnii kaa kpɔŋ maa tɛɛ Catholic nɛni ta pɔ a gɛɛ e “dɔ̃ya Korai-ɓelai kaa yɛɛ ŋɔkaayɔɔi.”
“Di Tii Kɛ A Ŋala-kɔlɔi A Gɛɛ Di Ŋamare-kɛɛ-ŋai Kelee Sukula!” (Nyeŋkeŋ, Dɛniŋ 1, 2014)
Berei kaa tɔ̃ya Korai-ɓela da wɛli-kɛ-maa lɛ la diɓaraŋ Korai-ɓela dia nyii-ŋai tɛɛi mɛni-kpɔlu sui.
Berei Kwa Kpɔŋ Maa Tɛɛ La Kubɔlɔ-ŋai Pɔ Mɛni-kpɔlu A Laa Dia—Gbua Loŋ (3:57)
Mɛni maa-kɔri e pilaŋ berei ma tɔ̃ya Korai-ɓela da saa mɛni tɔnɔi kɛi nyii Korai-ɓelai wɔlɔ kɛi di gɛi, nyii Zisɛ e mo a gɛɛ da pai ŋɔpolu-ɓelai kɔlɔni mai.