LIJIGANYO 18
Ana Aklistu Ŵasyesyene Mpaka Twamanyilile Chamtuli?
Ŵandu ŵajinji akusasala kuti ali Aklistu. Nambo yakusakulupilila soni yitendo yawo, yikusaŵa yakulekanganalekangana. Myoyo ana Aklistu ŵasyesyene mpaka twamanyilile chamtuli?
1. Ana Mklistu ali ŵani?
Aklistu ali ŵakulijinganya kapena kuti ŵakumkuya ŵa Yesu Klistu. (Aŵalanje Masengo 11:26.) Ana jemanjaji akusalosya chamtuli kuti ali ŵakulijiganya ŵa Yesu? Jwalakwe jwatite, “Naga mkuyitenda yinajiganyisye une, nditu jemanja mli ŵakulijiganya ŵangu.” (Yohane 8:31) Yeleyi yikugopolela kuti Aklistu ŵasyesyene akusosekwa atendeje yaŵajiganyaga Yesu. Ndaŵi syosope Yesu jwajiganyaga yakutyochela m’Baibulo. Myoyo, nombe Aklistu ŵasyesyene akusajiganya yakutyochela m’Baibulo.—Aŵalanje Luka 24:27.
2. Ana Aklistu ŵasyesyene akusalosyaga chamtuli chinonyelo?
Yesu ŵasalile ŵakumkuya ŵakwe kuti, “Mnonyelaneje jwine ni mjakwe, mpela une mungusinamnonyelela jemanja.” (Yohane 15:12) Ana Yesu jwalosisye uli kuti jwanonyelaga ŵakulijiganya ŵakwe? Jwalakwe jwakungulukaga nawo, kwalimbikasya soni kwakamuchisya. Mwamti jwapeleche umi wakwe ligongo lya jemanjaji. (1 Yohane 3:16) Mwakulandana ni Yesu, Aklistu ŵasyesyene ngakusagamba kuŵecheta kuti akusanonyelana. Nambo akusalosya chinonyelochi kupitila mu yitendo soni yakuŵecheta yawo.
3. Ana Aklistu ŵasyesyene akukamula masengo gamtuli?
Yesu ŵapele ŵakulijiganya ŵakwe masengo. Jwalakwe, “Ŵatumile ŵakulijiganyawo kuti akalalichile ya Uchimwene wa Mlungu.” (Luka 9:2) Aklistu ŵandanda ŵalalichilaga m’malo gakupopelela. Konjechesya pelepa ŵalalichilagasoni m’nyumba sya ŵandu soni malo gakusimanikwa ŵandu ŵajinji. (Aŵalanje Masengo 5:42; 17:17.) Masiku aganosoni Aklistu ŵasyesyene akusalalichila usyesyene wa m’Baibulo kulikose kwali ŵandu. Jemanjaji akusiŵanonyela ŵandu. Myoyo, akusakamulichisya masengo ndaŵi soni machili gawo pakulalichila utenga wa m’Baibulo wakulimbikasya soni wakupeleka chembecheyo.—Maliko 12:31.
KULIJIGANYA YEJINJI
Chitukambilane yampaka yakamuchisye kulekanganya pasikati pa Aklistu ŵasyesyene ni ŵandu ŵangakusakuya yakusajiganya Yesu.
4. Akusawungunya usyesyene wa m’Baibulo
Aklistu ŵandanda ŵagawonaga Maloŵe ga Mlungu kuŵa gakusosekwa
Ngaŵa kuti wosope ŵakusasala kuti ali Aklistu akusawuwonaga usyesyene wa m’Baibulo kuŵa wakusosekwa. Alolele FIDIYO, kaneko akambilane yiwusyo yakuyichisyayi.
-
Ana dini syasikusasala kuti sili sya Chiklistu, syalepele chamtuli kwiganya yaŵajiganyaga Yesu?
Yesu jwajiganyaga usyesyene wakutyochela m’Maloŵe ga Mlungu. Aŵalanje Yohane 18:37, kaneko akambilane chiwusyo achi:
-
Mwakamulana ni yaŵasasile Yesu, ana mpaka twamanyilile chamtuli Aklistu ŵali ‘kumbali ja yakuwona’?
5. Akusalalichila usyesyene wa m’Baibulo
Aklistu ŵandanda ŵalalichilaga ŵane
Yesu mkanajawule kwinani, ŵapele ŵakumkuya ŵakwe masengo gagakutendekwa mpaka apano. Aŵalanje Mateyu 28:19, 20 soni Masengo 1:8, kaneko akambilane chiwusyo achi:
-
Ana ŵakumkuya ŵa Yesu chachikamula masengo gakulalichila kwandaŵi jelewu chamtuli soni mpaka kwapi?
6. Akusatenda yakusajiganya
Ana ni chichi chachamkamuchisye Tom kusimichisya kuti apatile Dini jisyesyene? Alolele FIDIYO, kaneko akambilane yiwusyo yakuyichisyayi.
-
Mu fidiyoji, ana ni chindu chapi chachamtendekasisye Tom kuleka dini jakwe?
-
Ligongo chichi jwasimichisye kuti apatile usyesyene?
Naga mundu akusati ali jwakumkuya Yesu, akusasosekwa kulosya yeleyi kupitila mu yitendo yakwe. Aŵalanje Mateyu 7:21, kaneko akambilane chiwusyo achi:
-
Kusala kuti tukusamkuya Yesu kapena kutenda yakusasaka, ana chakusosekwa mnope kwa jwalakwe ni chichi?
7. Akusanonyelana
Aklistu ŵandanda ŵanonyelanaga
Ana yili yisyesyene kuti Aklistu akusakunda kusimana ni yipwetesi ligongo lya Aklistu achimjawo? Alolele FIDIYO, kaneko akambilane yiwusyo yakuyichisyayi.
-
Mu fidiyoji, ana m’bale Lloyd jwakundile chamtuli kusimana ni yipwetesi pakusaka kumchenjela M’bale Johansson?
-
Ana akuganisya kuti jwalakwe jwatesile yakusosekwa kutenda m’Klistu jusyesyene?
Aŵalanje Yohane 13:34, 35, kaneko akambilane yiwusyo yakuyichisyayi:
-
Ana Aklistu ŵasyesyene akusiŵawona chamtuli ŵandu ŵa mtundu wine kapena ŵachilambo chine?
-
Ana jemanjaji akusatenda yamtuli pajikutendekwa ngondo?
YAKUSAŴECHETA ŴANDU ŴANE: “Mlungu akusajitichisya dini jilijose.”
-
Ana ni lilemba lyapi lyampaka amŵalanjile mundu ni chakulinga chakuti ŵamanyilile Aklistu ŵasyesyene?
YALIJIGANYISYE
Aklistu ŵasyesyene akusakuya yajikusajiganya Baibulo. Akusanonyelana yisyesyene soni akusalalichila usyesyene wa m’Baibulo.
Yiwusyo Yakuwilisya
-
Ana yakusakulupilila Aklistu ŵasyesyene yikusatyochela kwapi?
-
Ana Aklistu ŵasyesyene akusamanyika ni ndamo syapi?
-
Ana ni masengo gapi gakusakamula Aklistu ŵasyesyene?
YAKULINGA YINESONI
Alijiganye yejinji yakwamba ŵandu ŵaŵatesile yakomboleka kuti akuyeje ya jwajiganyaga Yesu.
Alole chachamkamuchisye sisitele jwine kuti aŵe jwamboni sya Yehofa.
“Ŵakamulichisyaga Masengo Baibulo Pakwanga Yiwusyo!” (Sanja ja Mlonda, Epulo 1, 2014)
Alole yakusatenda Aklistu ŵasyesyene pakwalosya chinonyelo achimjawo ŵakusosechela chikamuchisyo.
Kwakamuchisya Aklistu Achimjetu Pasitendekwe Ngosi sya Chilengedwe—Kambali ka Fidiyo (3:57)
Alole yayikulosya kuti Aklistu ŵandanda soni Aklistu ŵasyesyene ŵamasiku agano akusatenda yindu yakulosya kuti ali ŵakumkuya ŵa Klistu.
“Ana Mpaka Twamanyilile Chamtuli Aklistu Ŵasyesyene?” (Sanja ja Mlonda, Malichi 1, 2012)
You May Also Like
YIWUSYO YAKUSANONYELA ŴANDU KUWUSYA
Ana Ljiganyo lya Baibulo Lyakusatendesya Ŵamboni sya Yehofa Likusatendekwa Mwamtuli?
Muyakambilana ni Ŵamboniyi akwete ufulu ŵakamulichisya masengo Baibulo jawo. Yili yakomboleka kwaŵilanga achimjawo soni ŵamwiŵasa mwawo kuti atende nawo lijiganyoli.
